完整藏文原文 · 德格版页 当前仅加载第 62 函德格 33a 版页；藏文 NFD、目录标记与异常页序保留在来源切片中，重复版页行以稳定序号区分。
དབུགས་འབྱིན་པ་རྙེད་པར་འགྱུར་ཏེ། དེ་ལ་རྟོགས་པ་ནི་མདོ་ལས་འབྱུང་བའི་དགོངས་པ་ཁོང་དུ་ཆུད་པ་གང་ཡིན་པའོ། །བདག་ནི་ཤེས་རབ་ལ་གནས་ཀྱིས། གཞན་དག་ཀྱང་ཤེས་རབ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཤེས་རབ་ནི་
D201.062.0033a01.01འདུས་བྱས་དང་། འདུས་མ་བྱས་ཀྱི་ཆོས་རྣམས་ལ་དབྱེར་མེད་པར་མཁས་པ་གང་ཡིན་པའོ། །བདག་ནི་ཚོགས་ལ་གནས་ཀྱིས། གཞན་དག་ཀྱང་ཚོགས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཚོགས་ནི་ཕ་རོལ་ཏུ་ཕྱིན་པ་ལྔའོ། །བདག་ནི་ཡོངས་སུ་
D201.062.0033a02.01གཅོད་པ་ལ་གནས་ཀྱིས། གཞན་དག་ཀྱང་ཡོངས་སུ་གཅོད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཡོངས་སུ་གཅོད་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པའོ། །བདག་ནི་ཐབས་མཁས་པ་ལ་གནས་ཀྱིས། གཞན་དག་ཀྱང་ཐབས་མཁས་པ་ལ་དགོད་
D201.062.0033a03.01དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཐབས་མཁས་པ་ནི་ཆོས་ཐམས་ཅད་ཡང་དག་པར་སྡུད་པ་གང་ཡིན་པ་སྟེ། འཇམ་དཔལ་དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ་གཞན་
D201.062.0033a04.01ཡང་དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་འདུ་འཛིར་སྤྱོད་པ་ལ་གནས་ཀྱིས། གཞན་དག་ཀྱང་འདུ་འཛིར་སྤྱོད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་
D201.062.0033a05.01ལ་འདུ་འཛིར་སྤྱོད་པ་ནི་ཕ་རོལ་ཏུ་ཕྱིན་པ་ལྔ་གང་ཡིན་པའོ། །བདག་ནི་འདུ་འཛི་མེད་པར་སྤྱོད་པ་ལ་གནས་ཀྱིས། གཞན་དག་ཀྱང་འདུ་འཛི་མེད་པར་སྤྱོད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། །དེ་ལ་འདུ་འཛི་མེད་པར་སྤྱོད་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་གང་
D201.062.0033a06.01ཡིན་པའོ། །བདག་ནི་ཟག་པ་དང་བཅས་པའི་སྤྱོད་པ་ལ་གནས་ཀྱིས། གཞན་དག་ཀྱང་ཟག་པ་དང་བཅས་པའི་སྤྱོད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཟག་པ་དང་བཅས་པའི་སྤྱོད་པ་ནི་གང་ལ་རློམ་སེམས་འཇུག་པའོ། །བདག་ནི་ཟག་པ་མེད་
D201.062.0033a07.01