完整藏文原文 · 德格版页 当前仅加载第 62 函德格 6b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་པའོ། །འཁོར་བའི་རང་བཞིན་གྱི་མྱ་ངན་ལས་འདས་པ་ཤེས་པ་དེས་ཆོས་ཐམས་ཅད་མྱ་ངན་ལས་འདས་པ་སྟེ། འཇམ་དཔལ་དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ་གཞན་ཡང་དབུགས་
D201.062.0006b01.01འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་ཆགས་པ་དང་དབྱེར་མེད་པ་ཆགས་པ་མེད་པ་ཤེས་པ་ལ་གནས་ཀྱིས། གཞན་དག་ཀྱང་ཆགས་པ་དང་དབྱེར་མེད་པ་ཆགས་པ་མེད་པ་ཤེས་པ་ལ་
D201.062.0006b02.01དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཆགས་པ་དང་དབྱེར་མེད་པ་ཆགས་པ་མེད་པ་ནི་ཆགས་པའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། ཆགས་པ་མེད་པ་ནི་ཆགས་པའི་རང་བཞིན་ལས་གཞན་མ་ཡིན་པའི་ཕྱིར་ཏེ། ཆགས་པའི་རང་བཞིན་ལས་
D201.062.0006b03.01ཆགས་པ་མེད་པ་གཞན་མེད་པས་ཆགས་པའི་རང་བཞིན་ཉིད་ཆགས་པ་མེད་པ་སྟེ། ཆགས་པའི་རང་བཞིན་གྱི་ཆགས་པ་མེད་པ་ཤེས་པ་དེས་ཆོས་ཐམས་ཅད་ཆགས་པ་མེད་པའོ། །བདག་ནི་རློམ་སེམས་དང་དབྱེར་མེད་པ་རློམ་སེམས་མེད་པ་ཤེས་པ་ལ་གནས་ཀྱིས། གཞན་དག་
D201.062.0006b04.01ཀྱང་རློམ་སེམས་དང་དབྱེར་མེད་པ་རློམ་སེམས་མེད་པ་ཤེས་པ་ལ་དགོད་དོ་ཞེས་འབུགས་འབྱིན་པ་རྙེད་པར་འགྱུར་ཏེ། དེ་ལ་རློམ་སེམས་དང་དབྱེར་མེད་པ་རློམ་སེམས་མེད་པ་ནི་རློམ་སེམས་ཀྱི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། རློམ་སེམས་མེད་པ་ནི་རློམ་སེམས་
D201.062.0006b05.01ཀྱི་རང་བཞིན་ལས་གཞན་མ་ཡིན་པའི་ཕྱིར་ཏེ། རློམ་སེམས་ཀྱི་རང་བཞིན་ལས་རློམ་སེམས་མེད་པ་གཞན་མེད་པས་རློམ་སེམས་ཀྱི་རང་བཞིན་ཉིད་རློམ་སེམས་མེད་པ་སྟེ། རློམ་སེམས་ཀྱི་རང་བཞིན་གྱི་རློམ་སེམས་མེད་པ་ཤེས་པ་དེས་ཆོས་ཐམས་ཅད་རློམ་སེམས་མེད་པའོ། །
D201.062.0006b06.01བདག་ནི་མི་ཤེས་པ་དང་དབྱེར་མེད་པའི་ཤེས་པ་ལ་གནས་ཀྱིས། གཞན་དག་ཀྱང་མི་ཤེས་པ་དང་དབྱེར་མེད་པའི་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་མི་ཤེས་པ་དང་དབྱེར་མེད་པའི་ཤེས་པ་ནི་མི་ཤེས་པའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན།
D201.062.0006b07.01