完整藏文原文 · 德格版页 当前仅加载第 62 函德格 9a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ལོག་པར་ལྟ་བ་དང་དབྱེར་མེད་པ་ཡང་དག་པའི་ལྟ་བ་ནི་ལོག་པར་ལྟ་བའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། ཡང་དག་པའི་ལྟ་བ་ནི་ལོག་པར་ལྟ་བའི་རང་བཞིན་ལས་གཞན་མ་ཡིན་པའི་ཕྱིར་
D201.062.0009a01.01ཏེ། ལོག་པར་ལྟ་བའི་རང་བཞིན་ལས་ཡང་དག་པའི་ལྟ་བ་གཞན་མེད་པས་ལོག་པར་ལྟ་བའི་རང་བཞིན་ཉིད་ཡང་དག་པའི་ལྟ་བའོ། །ལོག་པར་ལྟ་བའི་རང་བཞིན་ཡང་དག་པའི་ལྟ་བ་ཤེས་པ་དེས་ཆོས་ཐམས་ཅད་ཡང་དག་པའི་ལྟ་བ་སྟེ། འཇམ་དཔལ་དབུགས་འབྱིན་པ་རྙེད་པ་ལྔ་
D201.062.0009a02.01པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ་གཞན་ཡང་དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་མཐའ་དང་དབྱེར་
D201.062.0009a03.01མེད་པ་མཉམ་པ་ཉིད་ཤེས་པ་ལ་གནས་ཀྱིས། གཞན་དག་ཀྱང་མཐའ་དང་དབྱེར་མེད་པ་མཉམ་པ་ཉིད་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་མཐའ་དང་དབྱེར་མེད་པ་མཉམ་པ་ཉིད་ནི་མཐའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། མཉམ་
D201.062.0009a04.01པ་ཉིད་ནི་མཐའི་རང་བཞིན་ལས་གཞན་མ་ཡིན་པའི་ཕྱིར་ཏེ། མཐའི་རང་བཞིན་ལས་མཉམ་པ་ཉིད་གཞན་མེད་པས་མཐའི་རང་བཞིན་ཉིད་མཉམ་པ་ཉིད་དེ། མཐའི་རང་བཞིན་གྱི་མཉམ་པ་ཉིད་ཤེས་པ་དེས་ཆོས་ཐམས་ཅད་མཉམ་པ་ཉིད་དོ། །བདག་ནི་ཤེས་བྱ་དང་དབྱེར་མེད་
D201.062.0009a05.01པའི་ཤེས་པ་ལ་གནས་ཀྱིས། གཞན་དག་ཀྱང་ཤེས་བྱ་དང་དབྱེར་མེད་པའི་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཤེས་བྱ་དང་དབྱེར་མེད་པ་ཤེས་པ་ནི་ཤེས་བྱའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། ཤེས་པ་ནི་ཤེས་བྱའི་རང་བཞིན་
D201.062.0009a06.01ལས་གཞན་མ་ཡིན་པའི་ཕྱིར་ཏེ། ཤེས་བྱའི་རང་བཞིན་ལས་ཤེས་པ་གཞན་མེད་པས་ཤེས་བྱའི་རང་བཞིན་ཉིད་ཤེས་པ་སྟེ། ཤེས་བྱའི་རང་བཞིན་གྱི་ཤེས་པ་དེས་ཆོས་ཐམས་ཅད་ཤེས་པའོ། །བདག་ནི་འཛིན་པ་དང་དབྱེར་མེད་པ་འཛིན་པ་མེད་པའི་ཤེས་པ་ལ་གནས་ཀྱིས། གཞན་
D201.062.0009a07.01