完整藏文原文 · 德格版页 当前仅加载第 62 函德格 15b 版页；藏文 NFD、目录标记与异常页序保留在来源切片中，重复版页行以稳定序号区分。
འབེབས་པ་ལ་མཁས་པ་ནི་ཆོས་ཐམས་ཅད་ལ་བརྗོད་དུ་མེད་པར་འཇུག་པ་གང་ཡིན་པ་སྟེ། འཇམ་དཔལ་དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ་གཞན་ཡང་དབུགས་འབྱིན་པ་རྙེད་པ་ལྔ་དག་བྱང་
D201.062.0015b01.01ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་སྡུག་བསྔལ་ཤེས་པ་ལ་གནས་ཀྱིས། གཞན་དག་ཀྱང་སྡུག་བསྔལ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སྡུག་བསྔལ་ཤེས་པ་ནི་
D201.062.0015b02.01ཕུང་པོ་རྣམས་ལ་མི་སྐྱེ་བར་ཤེས་པ་གང་ཡིན་པའོ། །བདག་ནི་ཀུན་འབྱུང་བ་ཤེས་པ་ལ་གནས་ཀྱིས། གཞན་དག་ཀྱང་ཀུན་འབྱུང་བ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཀུན་འབྱུང་བ་ཤེས་པ་ནི་སྲེད་པ་ཡང་དག་པར་འཇོམས་པ་ཤེས་པ་གང་
D201.062.0015b03.01ཡིན་པའོ། །བདག་ནི་འགོག་པ་ཤེས་པ་ལ་གནས་ཀྱིས། གཞན་དག་ཀྱང་འགོག་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་འགོག་པ་ཤེས་པ་ནི་མ་རིག་པའི་བག་ལ་ཉལ་རྣམས་འབྱུང་བ་མེད་པ་གང་ཡིན་པའོ། །བདག་ནི་ལམ་ཤེས་པ་ལ་གནས་
D201.062.0015b04.01ཀྱིས། གཞན་དག་ཀྱང་ལམ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ལམ་ཤེས་པ་ནི་ཆོས་ཐམས་ཅད་མཉམ་པ་ཉིད་དུ་གྱུར་པ་ལ་སྒྲོ་འདོགས་པ་མེད་པར་ཤེས་པ་གང་ཡིན་པའོ། །བདག་ནི་རང་གི་འཁྲུལ་པ་ལ་སོ་སོར་རྟོག་པ་ལ་གནས་ཀྱིས།
D201.062.0015b05.01གཞན་དག་ཀྱང་རང་གི་འཁྲུལ་པ་ལ་སོ་སོར་རྟོག་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་རང་གི་འཁྲུལ་པ་ལ་སོ་སོར་རྟོག་པ་ནི་རང་གི་སེམས་ལ་ངེས་པར་སེམས་པ་གང་ཡིན་པ་སྟེ། འཇམ་དཔལ་དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་
D201.062.0015b06.01སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ་གཞན་ཡང་དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་གཞན་གྱི་སེམས་རྗེས་སུ་བསྲུང་
D201.062.0015b07.01