完整藏文原文 · 德格版页 当前仅加载第 62 函德格 50a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་སེམས་ཅན་ཡོངས་སུ་སྨིན་པར་མཛད་པའི་དབང་གིས་ཕྱོགས་བཅུའི་འཇིག་རྟེན་གྱི་ཁམས་རབ་འབྱམ་ཐམས་ཅད་དུ་དུས་གཅིག་ཏུ་སྐད་ཅིག་སྐད་ཅིག་ལ་མཛད་པ་གཞལ་དུ་མེད་པ་དག་འབྱུང་མོད་ཀྱི། འོན་ཀྱང་དེ་བཞིན་གཤེགས་པ་ནི་མི་རྟོག །རྣམ་པར་མི་རྟོག་སྟེ།
D201.062.0050a01.01དེ་མི་རྟོག་ཅིང་ལྷུན་གྱིས་གྲུབ་པར་མཛད་པ་འདི་ལྟ་བུ་འདི་དག་འབྱུང་སྟེ། མ་འདྲེས་པའི་ཆོས་དང་ལྡན་པའི་ཕྱིར་རོ། །འཇམ་དཔལ་འདི་ལྟ་སྟེ་དཔེར་ན། ཟླ་བའི་དཀྱིལ་འཁོར་དང་ཉི་མའི་དཀྱིལ་འཁོར་ནི་འཛམ་བུའི་གླིང་དུ་སྣོད་ཆུས་བཀང་བ་སྒྲིབ་པ་མེད་པ་རྣམ་པར་དག་པ་ཐམས་
D201.062.0050a02.01ཅད་དུ་ཅིག་ཅར་དུ་སྣང་ཡང་གནས་ནས་མི་གཡོའོ། །དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་ཕྱོགས་བཅུའི་འཇིག་རྟེན་གྱི་ཁམས་རབ་འབྱམ་ཐམས་ཅད་དུ་སེམས་ཅན་སྒྲིབ་པ་མེད་པའི་རྣམ་པར་དག་པ་དེ་དག་བསམ་པ་ཇི་ལྟ་བ་དང་། ཇི་
D201.062.0050a03.01ལྟར་འདུལ་བ་བཞིན་དུ་དེ་བཞིན་གཤེགས་པ་མཐོང་སྟེ། དེ་བཞིན་གཤེགས་པ་ནི་དགའ་ལྡན་གནས་ནས་གཡོས་པ་ཡང་མེད་མོད་ཀྱི། འོན་ཀྱང་ཕྱོགས་བཅུའི་འཇིག་རྟེན་གྱི་ཁམས་རབ་འབྱམ་ཐམས་ཅད་དུ་མཛད་པ་རྩོམ་པ་ཐམས་ཅད་ཀྱང་སྣང་ངོ་། །དེ་ཅིའི་ཕྱིར་ཞེ་ན། མི་གཡོ་
D201.062.0050a04.01བའི་ཡེ་ཤེས་བརྙེས་པའི་ཕྱིར་རོ། །འཇམ་དཔལ་འདི་ལྟ་སྟེ་དཔེར་ན། ལས་ཀྱི་འབྲས་བུ་རྣམ་པར་སྨིན་པ་རབ་དང་། འབྲིང་དང་། ཐ་མའི་དབང་གིས་སེམས་ཅན་རྣམས་ཀྱི་འདུ་བྱེད་རབ་འབྲིང་ཐ་མ་དག་འབྱུང་སྟེ། འདུ་བྱེད་ནི་མི་རྟོག །རྣམ་པར་མི་རྟོག་མོད་ཀྱི། འོན་
D201.062.0050a05.01ཀྱང་འདུ་བྱེད་དེ་དག་མ་འདྲེས་པའི་ཆོས་དང་ལྡན་པའི་ཕྱིར་དེ་མི་རྟོག་ཅིང་ལྷུན་གྱིས་གྲུབ་པར་བྱ་བ་དེ་ལྟ་བུ་དེ་དག་འབྱུང་ངོ་། །དེ་བཞིན་དུ་རྣམ་པར་སྨིན་པ་ཐ་མ་དང་། འབྲིང་དང་། རབ་ཀྱི་དབང་གིས་སེམས་ཅན་ཐམས་ཅད་ཀྱིས་དེ་བཞིན་གཤེགས་པ་ཐ་མ་དང་། འབྲིང་
D201.062.0050a06.01དང་། རབ་ཏུ་མཐོང་སྟེ། དེ་བཞིན་གཤེགས་པ་ནི་མི་རྟོག །རྣམ་པར་མི་རྟོག་མོད་ཀྱི། འོན་ཀྱང་མ་འདྲེས་པའི་ཆོས་དང་ལྡན་པའི་ཕྱིར་མི་རྟོག་ཅིང་ལྷུན་གྱིས་གྲུབ་པར་མཛད་པ་དེ་ལྟ་བུ་དེ་དག་ཀྱང་འབྱུང་ངོ་། །འཇམ་དཔལ་འདི་ལྟ་སྟེ་དཔེར་ན། སྤྲིན་ལས་རོ་གཅིག་པའི་ཆར་
D201.062.0050a07.01