完整藏文原文 · 德格版页 当前仅加载第 62 函德格 10b 版页；藏文 NFD、目录标记与异常页序保留在来源切片中，重复版页行以稳定序号区分。
ཅང་མོ་ཤམ་གྱི་བུ་དང་མཚུངས་པའོ། །བདག་ནི་སྨིག་རྒྱུ་མ་ཡིན་པ་དང་དབྱེར་མེད་པའི་སྨིག་རྒྱུ་ཤེས་པ་ལ་གནས་ཀྱིས། གཞན་དག་ཀྱང་སྨིག་རྒྱུ་མ་ཡིན་པ་དང་དབྱེར་མེད་པའི་སྨིག་རྒྱུ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སྨིག་རྒྱུ་མ་ཡིན་པ་དང་
D201.062.0010b01.01དབྱེར་མེད་པའི་སྨིག་རྒྱུ་ཤེས་པ་ནི་སྨིག་རྒྱུ་མ་ཡིན་པའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། སྨིག་རྒྱུ་མ་ཡིན་པ་ནི་སྨིག་རྒྱུའི་རང་བཞིན་ལས་གཞན་མ་ཡིན་པའི་ཕྱིར་ཏེ། སྨིག་རྒྱུའི་རང་བཞིན་ལས་སྨིག་རྒྱུ་མ་ཡིན་པ་གཞན་མེད་པས་སྨིག་རྒྱུའི་རང་བཞིན་ཉིད་སྨིག་རྒྱུ་མ་ཡིན་
D201.062.0010b02.01ཏེ། སྨིག་རྒྱུ་མ་ཡིན་པའི་རང་བཞིན་གྱི་སྨིག་རྒྱུ་ཤེས་པ་དེས་ཆོས་ཐམས་ཅད་སྨིག་རྒྱུ་ལྟ་བུའོ། །བདག་ནི་ལོག་པར་ལྟ་བ་དང་དབྱེར་མེད་པ་ཡང་དག་པའི་ལྟ་བ་ཤེས་པ་ལ་གནས་ཀྱིས། གཞན་ཡང་ལོག་པར་ལྟ་བ་དང་དབྱེར་མེད་པ་ཡང་དག་པའི་ལྟ་བ་ཤེས་པ་ལ་དགོད་དོ་ཞེས་དབུགས་
D201.062.0010b03.01འབྱིན་པ་རྙེད་པར་འགྱུར་ཏེ། དེ་ལ་ལོག་པར་ལྟ་བ་དང་དབྱེར་མེད་པ་ཡང་དག་པའི་ལྟ་བ་ནི་ལོག་པར་ལྟ་བའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། ལོག་པར་ལྟ་བའི་རང་བཞིན་ལས་ཡང་དག་པའི་ལྟ་བ་གཞན་མ་ཡིན་པའི་ཕྱིར་ཏེ། ལོག་པར་ལྟ་བའི་རང་བཞིན་ལས་ཡང་
D201.062.0010b04.01དག་པའི་ལྟ་བ་གཞན་མེད་པས་ལོག་པར་ལྟ་བའི་རང་བཞིན་ཉིད་ཡང་དག་པའི་ལྟ་བའོ། །ལོག་པར་ལྟ་བའི་རང་བཞིན་ཡང་དག་པའི་ལྟ་བ་ཤེས་པ་དེས་ཆོས་ཐམས་ཅད་ཡང་དག་པའི་ལྟ་བ་སྟེ། འཇམ་དཔལ་དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་
D201.062.0010b05.01དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ་གཞན་ཡང་དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་མ་རིག་པ་དང་དབྱེར་མེད་པའི་རིག་པ་ཤེས་པ་ལ་གནས་ཀྱིས།
D201.062.0010b06.01གཞན་དག་ཀྱང་མ་རིག་པ་དང་དབྱེར་མེད་པའི་རིག་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་མ་རིག་པ་དང་དབྱེར་མེད་པའི་རིག་པ་ནི་མ་རིག་པའི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། རིག་པ་ནི་མ་རིག་པའི་རང་བཞིན་ལས་གཞན་མ་ཡིན་
D201.062.0010b07.01