完整藏文原文 · 德格版页 当前仅加载第 62 函德格 12b 版页；藏文 NFD、目录标记与异常页序保留在来源切片中，重复版页行以稳定序号区分。
དཔལ་དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ་གཞན་ཡང་དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ།
D201.062.0012b01.01བདག་ནི་སངས་རྒྱས་རྗེས་སུ་དྲན་པ་ལ་གནས་ཀྱིས། གཞན་དག་ཀྱང་སངས་རྒྱས་རྗེས་སུ་དྲན་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སངས་རྒྱས་རྗེས་སུ་དྲན་པ་ནི་སངས་རྒྱས་མཐོང་བ་རྣམ་པར་དག་པ་གང་ཡིན་པའོ། །བདག་ནི་ཆོས་རྗེས་སུ་དྲན་པ་ལ་
D201.062.0012b02.01གནས་ཀྱིས། གཞན་དག་ཀྱང་ཆོས་རྗེས་སུ་དྲན་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཆོས་རྗེས་སུ་དྲན་པ་ནི་ཆོས་མཐོང་བ་རྣམ་པར་དག་པ་གང་ཡིན་པའོ། །བདག་ནི་དགེ་འདུན་རྗེས་སུ་དྲན་པ་ལ་གནས་ཀྱིས། གཞན་དག་ཀྱང་དགེ་འདུན་རྗེས་སུ་དྲན་
D201.062.0012b03.01པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དགེ་འདུན་རྗེས་སུ་དྲན་པ་ནི་མི་འགྱུར་བ་ལ་འཇུག་པ་གང་ཡིན་པའོ། །བདག་ནི་གཏོང་བ་རྗེས་སུ་དྲན་པ་ལ་གནས་ཀྱིས། གཞན་དག་ཀྱང་གཏོང་བ་རྗེས་སུ་དྲན་པ་ལ་དགོད་དོ་ཞེས་དབུགས་འབྱིན་པ་རྙེད་པར་
D201.062.0012b04.01འགྱུར་ཏེ། དེ་ལ་གཏོང་བ་རྗེས་སུ་དྲན་པ་ནི་རྫས་ཐམས་ཅད་ཡོངས་སུ་གཏོང་བ་གང་ཡིན་པའོ། །བདག་ནི་ཚུལ་ཁྲིམས་རྗེས་སུ་དྲན་པ་ལ་གནས་ཀྱིས། གཞན་དག་ཀྱང་ཚུལ་ཁྲིམས་རྗེས་སུ་དྲན་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཚུལ་ཁྲིམས་
D201.062.0012b05.01རྗེས་སུ་དྲན་པ་ནི་ཆོས་ཐམས་ཅད་ལ་མཉམ་པ་ཉིད་དུ་འཇུག་པ་གང་ཡིན་པ་སྟེ། འཇམ་དཔལ་དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ།། །།བམ་པོ་གཉིས་པ། འཇམ་དཔལ་གཞན་
D201.062.0012b06.01ཡང་དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་མི་རྟག་པར་སོ་སོར་རྟོག་པ་ལ་གནས་ཀྱིས། གཞན་དག་ཀྱང་མི་རྟག་པར་སོ་སོར་རྟོག་པ་ལ་དགོད་དོ་ཞེས་དབུགས་
D201.062.0012b07.01