完整藏文原文 · 德格版页 当前仅加载第 62 函德格 28a 版页；藏文 NFD、目录标记与异常页序保留在来源切片中，重复版页行以稳定序号区分。
མི་འདའ་བ་གང་ཡིན་པའོ། །བདག་ནི་གཟུགས་མཚན་ཉིད་མེད་དོ་ཞེས་བྱ་བ་ལ་ཞུགས་ཀྱིས། གཞན་དག་ཀྱང་གཟུགས་མཚན་ཉིད་མེད་དོ་ཞེས་བྱ་བ་ལ་གཟུད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ཅིའི་ཕྱིར་ཞེ་ན། གཟུགས་ནི་མཚན་
D201.062.0028a01.01ཉིད་མེད་པའི་རང་བཞིན་ལས་གཞན་མ་ཡིན་པའི་ཕྱིར་ཏེ། གཟུགས་ཀྱི་རང་བཞིན་ལས་མཚན་ཉིད་མེད་པ་གཞན་མེད་པས་གཟུགས་ཀྱི་རང་བཞིན་ཉིད་མཚན་ཉིད་མེད་པ་སྟེ། གཟུགས་ཀྱི་རང་བཞིན་གྱི་མཚན་ཉིད་མེད་པ་ཤེས་པ་དེས་ཆོས་ཐམས་ཅད་མཚན་ཉིད་མེད་
D201.062.0028a02.01པའོ། །བདག་ནི་ཐབས་མཁས་པ་ལ་གནས་ཀྱིས། གཞན་དག་ཀྱང་ཐབས་མཁས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཐབས་མཁས་པ་ནི་ཆོས་ཐམས་ཅད་ཡང་དག་པར་སྡུད་པ་སྟེ། འཇམ་དཔལ་དབུགས་འབྱིན་པ་རྙེད་པ་ལྔ་པོ་དེ་དག་ནི་
D201.062.0028a03.01བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ་གཞན་ཡང་དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་བསོད་ནམས་ཀྱི་ཚོགས་
D201.062.0028a04.01མི་ཟད་པ་ལ་གནས་ཀྱིས། གཞན་དག་ཀྱང་བསོད་ནམས་ཀྱི་ཚོགས་མི་ཟད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བསོད་ནམས་ཀྱི་ཚོགས་མི་ཟད་པ་ནི་དགེ་བའི་རྩ་བ་བྱང་ཆུབ་ཏུ་བསྔོས་པ་གང་ཡིན་པའོ། །བདག་ནི་ཡེ་ཤེས་ཀྱི་ཚོགས་ལ་གནས་
D201.062.0028a05.01ཀྱིས། གཞན་དག་ཀྱང་ཡེ་ཤེས་ཀྱི་ཚོགས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཡེ་ཤེས་ཀྱི་ཚོགས་ནི་སྟོང་པ་ཉིད་ལ་མོས་པ་གང་ཡིན་པའོ། །བདག་ནི་ཤེས་རབ་ཀྱི་རྩ་བ་ལས་བྱུང་བའི་ལས་ལ་གནས་ཀྱིས། གཞན་དག་ཀྱང་ཤེས་རབ་ཀྱི་རྩ་བ་
D201.062.0028a06.01ལས་བྱུང་བའི་ལས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཤེས་རབ་ཀྱི་རྩ་བ་ལས་བྱུང་བའི་ལས་ནི་བདག་ཉིད་ཆོས་དཀར་པོ་ལ་གནས་པ་གང་ཡིན་པའོ། །ཡང་ཤེས་རབ་ཀྱི་རྩ་བ་ལས་བྱུང་བའི་ལས་ནི་གཞན་ཤེས་རབ་ལ་དགོད་པ་གང་ཡིན་པའོ། །བདག་
D201.062.0028a07.01