完整藏文原文 · 德格版页 当前仅加载第 62 函德格 34a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལ་ཡོངས་སུ་མ་ཆད་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་གང་ཡིན་པ་སྟེ། འཇམ་དཔལ་དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ་གཞན་ཡང་དབུགས་འབྱིན་པ་རྙེད་པ་ལྔ་དག་
D201.062.0034a01.01བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་རང་གི་སེམས་འདུལ་བ་ལ་གནས་ཀྱིས། གཞན་དག་ཀྱང་རང་གི་སེམས་འདུལ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་རང་གི་སེམས་
D201.062.0034a02.01འདུལ་བ་ནི་བདག་མེད་པའི་ཆོས་ལ་སོ་སོར་རྟོག་པ་གང་ཡིན་པའོ། །བདག་ནི་ལུས་དང་སེམས་འདུལ་བ་ལ་གནས་ཀྱིས། གཞན་དག་ཀྱང་ལུས་དང་སེམས་འདུལ་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ལུས་དང་སེམས་འདུལ་བ་ནི་སེམས་ཅན་ཐམས་
D201.062.0034a03.01ཅད་སྨིན་པར་བྱ་བ་ལ་ཡོངས་སུ་མི་སྐྱོ་བ་གང་ཡིན་པའོ། །བདག་ནི་བསམ་པ་རྣམ་པར་སྦྱོང་བ་ལ་གནས་ཀྱིས། གཞན་དག་ཀྱང་བསམ་པ་རྣམ་པར་སྦྱོང་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བསམ་པ་རྣམ་པར་སྦྱོང་བ་ནི་སེམས་ཅན་ཐམས་ཅད་ལ་རྣམ་
D201.062.0034a04.01པར་དཔྱད་པ་གང་ཡིན་པའོ། །བདག་ནི་སེམས་ཅན་ཐམས་ཅད་ལ་རྣམ་པར་དཔྱད་པ་ལ་གནས་ཀྱིས། གཞན་དག་ཀྱང་སེམས་ཅན་ཐམས་ཅད་ལ་རྣམ་པར་དཔྱད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སེམས་ཅན་ཐམས་ཅད་ལ་རྣམ་པར་དཔྱད་
D201.062.0034a05.01པ་ནི་སེམས་ཅན་ཐམས་ཅད་ལ་སེམས་མཉམ་པ་ཉིད་གང་ཡིན་པའོ། །བདག་ནི་ཚོགས་དག་ལ་གནས་ཀྱིས། གཞན་དག་ཀྱང་ཚོགས་དག་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཚོགས་ནི་ཕ་རོལ་ཏུ་ཕྱིན་པ་ལྔ་གང་ཡིན་པ་སྟེ། འཇམ་དཔལ་དབུགས་
D201.062.0034a06.01འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ་གཞན་ཡང་དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ།
D201.062.0034a07.01