完整藏文原文 · 德格版页 当前仅加载第 62 函德格 22b 版页；藏文 NFD、目录标记与异常页序保留在来源切片中，重复版页行以稳定序号区分。
པར་ཤེས་པ་གང་ཡིན་པ་སྟེ། འཇམ་དཔལ་དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ་གཞན་ཡང་དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་
D201.062.0022b01.01འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་སྤོང་བ་ལ་གནས་ཀྱིས། གཞན་དག་ཀྱང་སྤོང་བ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སྤོང་བ་ནི་དམིགས་པ་དག་ལ་མེད་པའི་འདུ་ཤེས་གང་ཡིན་པ་དང་། རློམ་སེམས་གང་ཡིན་པའོ། །བདག་ནི་སྒྲིབ་
D201.062.0022b02.01པ་མེད་པའི་ཡེ་ཤེས་ལ་གནས་ཀྱིས། གཞན་དག་ཀྱང་སྒྲིབ་པ་མེད་པའི་ཡེ་ཤེས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་སྒྲིབ་པ་མེད་པའི་ཡེ་ཤེས་ནི་མཐའ་དང་མཐའ་མེད་པ་རྣམ་པར་དག་པ་གང་ཡིན་པའོ། །བདག་ནི་ཚིག་གི་མཚམས་སྦྱར་བ་ཤེས་པ་ལ་
D201.062.0022b03.01གནས་ཀྱིས། གཞན་དག་ཀྱང་ཚིག་གི་མཚམས་སྦྱར་བ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཚིག་གི་མཚམས་སྦྱར་བ་ཤེས་པ་ནི་སྨོན་ལམ་གྱི་ཁྱད་པར་ཡང་དག་པར་འབྱུང་བས་དགེ་བའི་རྩ་བ་ཡོངས་སུ་བསྔོ་བ་གང་ཡིན་པའོ། །བདག་ནི་དེས་
D201.062.0022b04.01པ་ལ་གནས་ཀྱིས། གཞན་དག་ཀྱང་དེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དེས་པ་ནི་སེམས་ཅན་ཐམས་ཅད་ལ་ཕན་པའི་གཞི་གང་ཡིན་པའོ། །བདག་ནི་བདུད་ཀྱི་ལས་དང་བྲལ་བ་ལ་གནས་ཀྱིས། གཞན་དག་ཀྱང་བདུད་ཀྱི་ལས་དང་བྲལ་བ་ལ་
D201.062.0022b05.01དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བདུད་ཀྱི་ལས་དང་བྲལ་བ་ནི་ལྟ་བར་གྱུར་པ་ཡོངས་སུ་ཤེས་པ་གང་ཡིན་པ་སྟེ། འཇམ་དཔལ་དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་
D201.062.0022b06.01དཔལ་གཞན་ཡང་དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་སངས་རྒྱས་ལ་སྐྱབས་སུ་སོང་གིས། གཞན་དག་ཀྱང་སངས་རྒྱས་ལ་སྐྱབས་སུ་འགྲོ་བ་ལ་དགོད་དོ་ཞེས་
D201.062.0022b07.01