完整藏文原文 · 德格版页 当前仅加载第 62 函德格 5b 版页；藏文 NFD、目录标记与异常页序保留在来源切片中，重复版页行以稳定序号区分。
རང་བཞིན་ལས་དམིགས་པ་མེད་པ་གཞན་མེད་པས་དམིགས་པའི་རང་བཞིན་ཉིད་དམིགས་པ་མེད་པ་སྟེ། དམིགས་པའི་རང་བཞིན་གྱི་དམིགས་པ་མེད་པ་ཤེས་པ་དེས་ཆོས་ཐམས་ཅད་དམིགས་པ་མེད་པའོ། །བདག་ནི་ཕྱོགས་དང་དབྱེར་མེད་པ་ཕྱོགས་མེད་པ་ཤེས་པ་ལ་གནས་ཀྱིས།
D201.062.0005b01.01གཞན་དག་ཀྱང་ཕྱོགས་དང་དབྱེར་མེད་པ་ཕྱོགས་མེད་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཕྱོགས་དང་དབྱེར་མེད་པ་ཕྱོགས་མེད་པ་ནི་ཕྱོགས་ཀྱི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། ཕྱོགས་མེད་པ་ནི་ཕྱོགས་ཀྱི་རང་བཞིན་ལས་གཞན་མ་ཡིན་
D201.062.0005b02.01པའི་ཕྱིར་ཏེ། ཕྱོགས་ཀྱི་རང་བཞིན་ལས་ཕྱོགས་མེད་པ་གཞན་མེད་པས་ཕྱོགས་ཀྱི་རང་བཞིན་ཉིད་ཕྱོགས་མེད་པའོ། །ཕྱོགས་ཀྱི་རང་བཞིན་གྱི་ཕྱོགས་མེད་པ་ཤེས་པ་དེས་ཆོས་ཐམས་ཅད་ཕྱོགས་མེད་པ་སྟེ། འཇམ་དཔལ་དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་
D201.062.0005b03.01དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ་གཞན་ཡང་དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་མཚན་ཉིད་དང་དབྱེར་མེད་པར་མཚན་ཉིད་མེད་པ་ཤེས་པ་ལ་
D201.062.0005b04.01གནས་ཀྱིས། གཞན་དག་ཀྱང་མཚན་ཉིད་དང་དབྱེར་མེད་པ་མཚན་ཉིད་མེད་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་མཚན་ཉིད་དང་དབྱེར་མེད་པ་མཚན་ཉིད་མེད་པ་ནི་མཚན་ཉིད་ཀྱི་རང་བཞིན་གང་ཡིན་པའོ། །དེ་ཅིའི་ཕྱིར་ཞེ་ན། མཚན་ཉིད་མེད་པ་ནི་
D201.062.0005b05.01མཚན་ཉིད་ཀྱི་རང་བཞིན་ལས་གཞན་མ་ཡིན་པའི་ཕྱིར་ཏེ། མཚན་ཉིད་ཀྱི་རང་བཞིན་ལས་མཚན་ཉིད་མེད་པ་གཞན་མེད་པས་མཚན་ཉིད་ཀྱི་རང་བཞིན་ཉིད་མཚན་ཉིད་མེད་པ་སྟེ། མཚན་ཉིད་ཀྱི་རང་བཞིན་གྱིས་མཚན་ཉིད་མེད་པ་ཤེས་པ་དེས་ཆོས་ཐམས་ཅད་མཚན་ཉིད་མེད་པའོ། །བདག་ནི་
D201.062.0005b06.01དངོས་པོ་དང་དབྱེར་མེད་པ་དངོས་པོ་མེད་པ་ཤེས་པ་ལ་གནས་ཀྱིས། གཞན་དག་ཀྱང་དངོས་པོ་དང་དབྱེར་མེད་པ་དངོས་པོ་མེད་པ་ཤེས་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་དངོས་པོ་དང་དབྱེར་མེད་པ་དངོས་པོ་མེད་པ་ནི་དངོས་པོའི་རང་བཞིན་གང་ཡིན་པའོ། །དེ་ཅིའི་
D201.062.0005b07.01