完整藏文原文 · 德格版页 当前仅加载第 62 函德格 61a 版页；藏文 NFD、目录标记与异常页序保留在来源切片中，重复版页行以稳定序号区分。
བའི་ལས་དེས་སེམས་ཅན་དམྱལ་བ་ངུ་འབོད་ཆེན་པོར་ལུས་དཔག་ཚད་ལྔ་བརྒྱ་པར་སྐྱེ་བར་འགྱུར་ཏེ། དེ་ལ་མགོ་ལྔ་བརྒྱ་ཡོད་པར་འགྱུར་རོ། །དེའི་མགོ་རེ་རེ་ལ་ཡང་ཁ་ལྔ་བརྒྱ་ལྔ་བརྒྱ་ཡོད་པར་འགྱུར། དེའི་ཁ་རེ་རེ་ལ་ཡང་ལྕེ་ལྔ་བརྒྱ་ལྔ་བརྒྱ་ཡོད་པར་
D201.062.0061a01.01འགྱུར་ཏེ། ལྕེ་རེ་རེ་ལ་ཡང་གཤོལ་ལྔ་བརྒྱ་ལྔ་བརྒྱས་རྨོ་བར་འགྱུར་རོ། །འཇམ་དཔལ་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམས་སུ་སྐྱེས་པའི་སེམས་ཅན་ཐམས་ཅད་ལ་དབྱུག་པ་དང་མཚོན་གྱིས་
D201.062.0061a02.01བསྣུན་ཏེ་བདོག་པ་ཐམས་ཅད་ཕྲོགས་པ་བས། རིགས་ཀྱི་བུའམ། རིགས་ཀྱི་བུ་མོ་གཞན་གང་ཞིག་གིས་བྱང་ཆུབ་སེམས་དཔའ་ལ་བརྙས་པའི་སེམས་བསྐྱེད་ནས་ཁྲོ་བ་དང་། གནོད་སེམས་དང་། ཐ་བ་དང་། ཁྲོས་པའི་སེམས་སྐྱེད་ན། འདི་ནི་དེ་བས་ཆེས་སྡིག་པ་གྲངས་
D201.062.0061a03.01མེད་པར་སྐྱེད་དོ། །འཇམ་དཔལ་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་སྡང་བའི་སེམས་ཀྱིས་སེམས་ཅན་རྣམས་ལ་གནོད་པར་འདོད་ཅིང་། འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་དག་གི་འཇིག་རྟེན་གྱི་ཁམས་རེ་རེ་དང་། གླིང་རེ་རེ་ན་དགྲ་
D201.062.0061a04.01བཅོམ་པ་གང་གཱའི་ཀླུང་གི་བྱེ་མ་སྙེད་དག་གི་སྲོག་གཅད་པ་དང་། རིན་པོ་ཆེའི་མཆོད་རྟེན་རིན་པོ་ཆེའི་སྟེགས་བུས་ཡོངས་སུ་བསྐོར་ཅིང་གདུགས་དང་། རྒྱལ་མཚན་དང་། ལྷའི་བ་དན་བཙུགས་པ་གང་གཱའི་ཀླུང་གི་བྱེ་མ་སྙེད་དག་བཤིག་པ་བས། འཇམ་དཔལ་རིགས་ཀྱི་བུ་
D201.062.0061a05.01འམ། རིགས་ཀྱི་བུ་མོ་གཞན་གང་ཞིག་གིས་ཐེག་པ་ཆེན་པོ་ལ་མོས་པའི་བྱང་ཆུབ་སེམས་དཔའི་ཐེག་པ་ཆེན་པོ་ཉིད་ལ་སྒྲོ་བཏགས་ཏེ་བརྙས་པའི་སེམས་བསྐྱེད་ནས། རྐྱེན་ཅིས་ཀྱང་རུང་། ཁྲོ་བ་དང་། གཤེ་བ་དང་། མི་སྙན་པར་ཟེར་བ་དང་། ཁྱད་དུ་གསོད་པར་བྱེད་ན།
D201.062.0061a06.01འདི་ནི་དེ་བས་ཆེས་སྡིག་པ་གྲངས་མེད་པར་སྐྱེད་དོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་ལས་དེ་བཞིན་གཤེགས་པ་ངེས་པར་འབྱུང་བའི་ཕྱིར་ཏེ། དེ་ནི་སངས་རྒྱས་ཀྱི་རིགས་མི་གཅོད་པའི་ཕྱིར་ཞུགས་པ་ཡིན་ནོ། །གང་བྱང་ཆུབ་སེམས་དཔའ་ལ་སྐུར་པ་
D201.062.0061a07.01