完整藏文原文 · 德格版页 当前仅加载第 62 函德格 20a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ནི་ཡེ་ཤེས་ཀྱི་ཚོགས་ལ་གནས་ཀྱིས། གཞན་དག་ཀྱང་ཡེ་ཤེས་ཀྱི་ཚོགས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཡེ་ཤེས་ཀྱི་ཚོགས་ནི་བྱང་ཆུབ་སེམས་དཔའ་རྣམས་ཡེ་ཤེས་ཀྱི་ཚོགས་ཀྱིས་བརྟན་པ་དང་། གོས་དང་། ཟས་དང་།
D201.062.0020a01.01མལ་ཆ་དང་། ན་བའི་གསོས་སྨན་གྱིས་བརྟན་པ་གང་ཡིན་པའོ། །བདག་ནི་ཞི་གནས་ཀྱི་ཚོགས་ལ་གནས་ཀྱིས། གཞན་དག་ཀྱང་ཞི་གནས་ཀྱི་ཚོགས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཞི་གནས་ཀྱི་ཚོགས་ནི་ཆོས་ཐམས་ཅད་མཉམ་པ་ཉིད་དུ་
D201.062.0020a02.01འཇུག་པ་ལ་རློམ་སེམས་མེད་པ་གང་ཡིན་པ་སྟེ། འཇམ་དཔལ་དབུགས་འབྱིན་པ་རྙེད་པ་ལྔ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ས་དང་པོ་ཡོངས་སུ་སྦྱོང་བར་འགྱུར་བའོ། །འཇམ་དཔལ་གཞན་ཡང་དབུགས་འབྱིན་པ་རྙེད་པ་ལྔ་དག་བྱང་ཆུབ་སེམས་དཔའ་རྣམས་
D201.062.0020a03.01ཀྱི་ས་དང་པོ་ཡོངས་སུ་སྦྱོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། བདག་ནི་ལྷག་མཐོང་གི་ཚོགས་ལ་གནས་ཀྱིས། གཞན་དག་ཀྱང་ལྷག་མཐོང་གི་ཚོགས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ལྷག་མཐོང་གི་ཚོགས་ནི་ཆོས་ཐམས་ཅད་
D201.062.0020a04.01ལ་མཐའ་དང་དབུང་མེད་པར་འཇུག་པ་གང་ཡིན་པའོ། །བདག་ནི་ཚུལ་ཁྲིམས་ལ་གནས་ཀྱིས། གཞན་དག་ཀྱང་ཚུལ་ཁྲིམས་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་ཚུལ་ཁྲིམས་ནི་ལུས་དང་ངག་དང་ཡིད་ཀྱི་ལས་ཡོངས་སུ་དག་པ་གང་ཡིན་པའོ། །
D201.062.0020a05.01བདག་ནི་བཟོད་པ་ལ་གནས་ཀྱིས། གཞན་དག་ཀྱང་བཟོད་པ་ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བཟོད་པ་ནི་ལས་ཀྱི་རྣམ་པར་སྨིན་པ་ལ་ཡིད་ཆེས་པ་གང་ཡིན་པའོ། །བདག་ནི་བརྩོན་འགྲུས་ལ་གནས་ཀྱིས། གཞན་དག་ཀྱང་བརྩོན་འགྲུས་
D201.062.0020a06.01ལ་དགོད་དོ་ཞེས་དབུགས་འབྱིན་པ་རྙེད་པར་འགྱུར་ཏེ། དེ་ལ་བརྩོན་འགྲུས་ནི་སེམས་ཅན་ཐམས་ཅད་བསོད་ནམས་ཀྱི་ཚོགས་ལ་གཟུད་པར་བྱ་བ་ལ་ཡོངས་སུ་སྐྱོ་བ་མེད་པ་གང་ཡིན་པའོ། །བདག་ནི་བསམ་གཏན་ལ་གནས་ཀྱིས། གཞན་དག་ཀྱང་བསམ་གཏན་ལ་དགོད་དོ་
D201.062.0020a07.01