完整藏文原文 · 德格版页 当前仅加载第 93 函德格 180b 版页；藏文 NFD、目录标记与异常页序保留在来源切片中，重复版页行以稳定序号区分。
༄༅༅། །རྒྱ་གར་སྐད་དུ། ཨཱརྱ་སརྦ་ཏ་ཐཱ་ག་ཏ་ཨ་དྷིཥྛཱ་ན་ས་ཏྭཱ་བ་ལོ་ཀེ་ན་བུད་དྷ་ཀྵེ་ཏྲ་ནིར་དེ་ཤ་ན་བྱཱུ་ཧ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་དེ་བཞིན་གཤེགས་པ་ཐམས་ཅད་ཀྱི་བྱིན་གྱི་རླབས་སེམས་ཅན་ལ་གཟིགས་ཤིང་སངས་རྒྱས་ཀྱི་ཞིང་གི་བཀོད་པ་ཀུན་ཏུ་
D721.093.0180b01.01སྟོན་པ་ཞེས་བྱ་བ་ཐེག་པ་ཆེན་པོའི་མདོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རི་གྲུ་འཛིན་ན་འཕགས་པ་སྤྱན་རས་གཟིགས་དབང་ཕྱུག་གི་གནས་ལྷའི་ནོར་བུ་རིན་པོ་ཆེ་དཔལ་
D721.093.0180b02.01གྱི་སྙིང་པོ་དང་། མེ་ཏོག་རྒྱས་པ་དང་། ལྷའི་སེང་གེའི་ཁྲི་བཀོད་པ་ན། དགེ་སློང་ལྔ་བརྒྱ་ཙམ་གྱི་དགེ་སློང་གི་དགེ་འདུན་ཆེན་པོ་ཐམས་ཅད་ཀྱང་དགྲ་བཅོམ་པ། ཟག་པ་ཟད་པ། སེམས་ཅན་ཐམས་ཅད་ཀྱི་དབང་གི་དམ་པའི་ཕ་རོལ་ཏུ་སོན་པ་ཤ་སྟག་དང་། བྱང་ཆུབ་སེམས་དཔའ་
D721.093.0180b03.01ཐམས་ཅད་ཀྱང་སྙིང་རྗེ་ཆེན་པོའི་ཤེས་པ་ལ་གནས་པ་ཐམས་ཅད་ཀྱང་སྐྱེ་བ་གཅིག་གིས་ཐོགས་པ་དང་། སྐྱེ་བ་གཉིས་དང་། སྐྱེ་བ་གསུམ་དང་། སྐྱེ་བ་བཅུ་དང་། སྐྱེ་བ་ཉི་ཤུ་དང་། སྐྱེ་བ་སུམ་ཅུ་དང་། སྐྱེ་བ་བརྒྱའི་བར་དག་གིས་ཐོགས་པ། ཐམས་ཅད་ཀྱང་ས་བརྒྱད་པ་དང་།
D721.093.0180b04.01ས་བཅུ་པ་ལ་གནས་པ་ཤ་སྟག་སྟེ། འཕགས་པ་སྤྱན་རས་གཟིགས་དབང་ཕྱུག་དང་། འཇམ་དཔལ་དང་། དྲི་མེད་ཏོག་དང་། ནོར་དཔལ་དང་། གློག་གི་ཏོག་དང་། དྲི་མེད་འོད་དང་། ཙནྡན་དང་། བདུད་རྩིའི་ཏོག་ལ་སོགས་པ་བྱང་ཆུབ་སེམས་དཔའ་སེམས་དཔའ་
D721.093.0180b05.01ཆེན་པོ་བདུན་བརྒྱ་དང་། དགེ་བསྙེན་དང་། དགེ་བསྙེན་མ་ཐམས་ཅད་ཀྱང་ལུང་བསྟན་པ་དང་ལྡན་པ། ཏིང་ངེ་འཛིན་ཐོབ་པ། འཇིག་རྟེན་གྱི་ཁམས་ཐ་དད་པ་ནས་འདུས་པ་ལྔ་སྟོང་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་ཐམས་ཅད་ཀྱང་སྔོན་གྱི་སངས་
D721.093.0180b06.01རྒྱས་ལ་བསྙེན་བཀུར་བྱས་པ། དེ་བཞིན་གཤེགས་པའི་ཆོ་འཕྲུལ་མཐོང་བ་བརྒྱ་སྟོང་དང་། གནོད་སྦྱིན་མོ་ཆེན་མོ་ཐམས་ཅད་ཀྱང་བྱང་ཆུབ་སེམས་དཔའི་ཡེ་ཤེས་ཐོབ་པ། ལུང་བསྟན་པ་ཐོབ་པ། ཕྱིར་མི་ལྡོག་པ་དཔེ་མེད་པ་དང་། དྲི་མེད་འོད་དང་། འོད་ཅན་མ་དང་།
D721.093.0180b07.01