完整藏文原文 · 德格版页 当前仅加载第 93 函德格 193a 版页；藏文 NFD、目录标记与异常页序保留在来源切片中，重复版页行以稳定序号区分。
བ། རྒྱན་ཐམས་ཅད་དང་། མེ་ཏོག་ཕྲེང་དང་། ཟླ་གམ་དང་། སེ་མོ་དོས་བརྒྱན་པ། རྡོ་རྗེ་གསོར་ཞིང་མཆིས་པ་བྲི་བར་བགྱིའོ། །གཡོན་ཕྱོགས་སུ་ནི་གནོད་སྦྱིན་མོ་ཆེན་མོ་དཔེ་མེད་མ་འདམ་བུ་མདའ་རྒྱུའི་མདོག་ལྟར་དཀར་ཤམ་དུ་མཆིས་ལ། རད་པ་
D721.093.0193a01.01དཀར་པོ་འཚལ་བ། རྒྱན་ཐམས་ཅད་ཀྱིས་བརྒྱན་པ། སུག་པ་ན་པདྨ་ཐོགས་ཤིང་ཡང་དག་པར་དབུགས་འབྱིན་པའི་ཚུལ་དུ་མཆིས་པ་བྲི་བར་བགྱིའོ། །དེ་ནས་རིག་སྔགས་འཆང་གཙང་མ་བསྙེན་ཏེ་གནས་པ། འཕགས་པའི་ཡན་ལག་བརྒྱད་པ་ལ་གནས་པ། རད་པ་
D721.093.0193a02.01དཀར་པོ་འཚལ་བ། གྲོགས་དང་ལྡན་པ། ནས་ཆན་འོ་མ་དང་སྦྱར་བ་འཚལ་བས་སྔར་བསྙེན་པ་བགྱི་ལ། ཚེས་བརྒྱད་ཀྱི་གདུགས་ལ་དེ་བཞིན་གཤེགས་པའི་སྐུ་གདུང་དང་བཅས་པའི་གནས་གཙང་མར་དང་པོར་ཁོ་ནར་དེ་བཞིན་གཤེགས་པ་དང་། ལག་ན་རྡོ་རྗེ་ལ་མེ་ཏོག་
D721.093.0193a03.01དང་། བདུག་སྤོས་དང་། སྤོས་དག་གསོལ་བར་བགྱི་ཞིང་། ཕྱོགས་བཞིར་ཡང་འོ་ཐུག་དང་། ཞོ་དང་། འབྲས་ཆན་དང་། རོ་སྣ་ཚོགས་དང་ལྡན་པ་དང་། ཆན་སྣ་ཚོགས་ཀྱི་གཏོར་མ་དག་གཏོར་ལ། མེ་ཏོག་དང་། བདུག་སྤོས་དང་། སྤོས་དང་། མར་མེ་
D721.093.0193a04.01སྣ་ཚོགས་དག་གིས་མཆོད་པ་བགྱིས་ནས་དུས་གསུམ་དུ་སྣ་མའི་མེ་ཏོག་བརྒྱ་རྩ་བརྒྱད་ཕྲག་གསུམ་ལ་བཟླས་བརྗོད་བརྒྱ་རྩ་བརྒྱད་ཕྲག་གསུམ་བགྱི་ཞིང་། རེ་རེ་ནས་གནོད་སྦྱིན་མོ་ཆེན་མོ་དཔེ་མེད་མའི་གཟུགས་དེ་ལ་བསྣུན་པར་བགྱིའོ། །དེ་ནས་ཟླ་བ་ཉའི་ཚེས་{བཅྭ་,བཅོ་}ལྔའི་
D721.093.0193a05.01གདུགས་ལ་ཡང་ཆོ་ག་འདི་ཉིད་དང་། གཞན་ཡང་ཅི་འབྱོར་བ་དག་དང་། བདུག་སྤོས་དང་། ག་པུར་དང་། པོག་དཀར་པོ་དང་། ཙནྡན་དང་། ཤིང་མུ་ས་དག་ཀྱང་དབུལ། འབྲུ་མར་དྲི་བདའ་བའི་ཞུགས་མར་ཁ་གཉིས་ཀྱང་དབུལ་བར་བགྱིའོ། །དེ་ནས་
D721.093.0193a06.01བདག་དེར་རང་གི་གཟུགས་ཀྱིས་གནས་བར་བགྱི་ཞིང་དམ་པ་ཅི་འཚལ་བ་ཡང་སྩལ་བར་བགྱི་སྟེ། ཏིང་ངེ་འཛིན་ཐོབ་པ་དང་། ནམ་མཁའ་ལ་མཆི་བ་དང་། ལུས་མི་སྣང་བར་བགྱི་བ་དང་། རྒྱལ་སྲིད་དང་། སྟོབས་ཀྱི་འཁོར་ལོས་སྒྱུར་བ་ཉིད་དང་། རིག་སྔགས་འཆང་ཉིད་དང་།
D721.093.0193a07.01