完整藏文原文 · 德格版页 当前仅加载第 93 函德格 185b 版页；藏文 NFD、目录标记与异常页序保留在来源切片中，重复版页行以稳定序号区分。
འདོད་པ་ཡིད་ལ་བྱས་ནས་མེ་ཏོག་ལ་བཟླས་བརྗོད་ལན་བརྒྱ་རྩ་བརྒྱད་བྱ་ཞིང་དེ་བཞིན་གཤེགས་པ་ལ་རེ་རེ་ནས་དབུལ་བར་བྱའོ། །དེས་ན་དེའི་རེ་བ་ཐམས་ཅད་ཡང་དག་པར་འགྲུབ་པར་འགྱུར་རོ། །རྨི་ལམ་ན་དེ་བཞིན་གཤེགས་པ་མཐོང་བར་ཡང་འགྱུར་རོ། །དམ་པ་གང་འདོད་པ་དེ་ཐོབ་
D721.093.0185b01.01པར་ཡང་འགྱུར་རོ། །འཆི་བའི་ཚེ་ན་དེ་བཞིན་གཤེགས་པ་མཐོང་བར་ཡང་འགྱུར་རོ། །ཤི་འཕོས་ནས་ཀྱང་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་རོ། །ཚེ་དང་སྟོབས་དང་། མདོག་དང་། བརྩོན་འགྲུས་དང་ལྡན་པར་ཡང་འགྱུར་རོ། །དགྲ་ཐམས་ཅད་ཀྱང་དེའི་དབང་དུ་
D721.093.0185b02.01འགྱུར་རོ། །གཟུངས་འདི་བཤད་པ་ན་སྲོག་ཆགས་དྲུག་ཁྲི་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ནས་དེ་དག་ཐམས་ཅད་ལས་ཀྱི་སྒྲིབ་པ་ཐམས་ཅད་ལས་རྣམ་པར་གྲོལ་ཞིང་བསམ་པ་ཐམས་ཅད་ཡོངས་སུ་རྫོགས་པར་གྱུར་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་
D721.093.0185b03.01ལག་ན་རྡོ་རྗེས་ཕྱོགས་བཅུར་རྣམ་པར་བལྟས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་རྣམས་ཀྱི་དམ་འཆའ་བ་མི་འཇིགས་པའི་གཟི་བརྗིད་ཅེས་བགྱི་བའི་གཟུངས་མཆིས་ཏེ། བདག་གིས་དེ་བཞིན་གཤེགས་པ་འཇིགས་མེད་
D721.093.0185b04.01བཀོད་པ་གཟི་བརྗིད་རྒྱལ་པོའི་སྤྱན་སྔར་དེ་བཟུང་ལགས་སོ། །བཟུང་ནས་ཀྱང་སེམས་ཅན་ཐམས་ཅད་ལ་བཤད་ལགས་སོ། །བཅོམ་ལྡན་འདས་དེང་སླན་ཆད་བདག་གིས་མངོན་པར་འཚལ་ཏེ། གང་གི་རྣ་ལམ་དུ་གཟུངས་དེ་གྲག་པར་གྱུར་ཏམ། གློ་བར་ཆུད་པར་གྱུར་པ་དེའི་ལུས་
D721.093.0185b05.01ལ་ཉམ་ང་བའམ། ཉོན་མོངས་པ་སྣ་ཚོགས་སམ། བྲོ་ནད་དམ། རིམས་སམ། ལུས་བྲོ་འཚལ་བའམ། སེམས་གདུང་བའམ། དུས་མ་ལགས་པར་འགུམ་པའམ། ཆབ་ཀྱིས་འཇིགས་པའམ། མཚོན་གྱིས་འཇིགས་པའམ། དུག་གིས་འཇིགས་པའམ། དུག་སྦྱར་
D721.093.0185b06.01མས་འཇིགས་པའམ། མཁའ་འགྲོ་མ་དང་། འབྱུང་པོའི་འཇིགས་པའམ། གནོད་སྦྱིན་ནམ། དགྲ་རྣམས་སམ། མི་དང་མི་མ་ལགས་པ་དག་གིས་ཐོ་འཚམ་པའམ། རྣམ་པར་གཙེ་བའམ། གནོད་པ་བགྱིད་པར་འགྱུར་བ་དེ་ནི་གནས་མ་མཆིས་ལགས་སོ། །དེའི་སླད་
D721.093.0185b07.01