完整藏文原文 · 德格版页 当前仅加载第 93 函德格 191b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་འགུལ་བར་འགྱུར་ཞིང་སྒྲ་སྐད་ཆེན་པོ་ཡང་འབྱུང་བར་འགྱུར་རོ། །འོད་ཟེར་དག་ཀྱང་འབྱུང་བར་འགྱུར། ས་ཡང་གཡོ་བར་འགྱུར་རོ། །དེ་ནས་ལས་ཐམས་ཅད་དང་། །དགོས་པ་ཐམས་ཅད་ཀྱང་འགྲུབ་པར་འགྱུར་ཞིང་། དེ་བཞིན་གཤེགས་པ་མཐོང་བ་དང་། བྱང་
D721.093.0191b01.01ཆུབ་སེམས་དཔའི་ས་ཐོབ་པར་ཡང་འགྱུར། སེམས་ཅན་ཐམས་ཅད་ཀྱིས་ཕྱག་བྱ་བའི་འོས་སུ་ཡང་འགྱུར། ནོར་དང་། འབྲུ་དང་། མཛོད་དང་། བང་བ་རྣམས་འབྱོར་པར་ཡང་འགྱུར། ནད་ཐམས་ཅད་ཡོངས་སུ་སྤངས་པ་དང་། ཚེ་རིང་བར་ཡང་འགྱུར། དགྲ་
D721.093.0191b02.01ཐམས་ཅད་དང་། རྒྱལ་པོ་དང་། རྒྱལ་བུ་དང་། བློན་པོ་རྣམས་ཀྱང་དེ་ལ་ལྟ་འདོད་ཅིང་གཅེས་སྤྲས་བྱེད་པར་ཡང་འགྱུར། ཉོན་མོངས་པ་ཐམས་ཅད་དང་། འདོད་ཆགས་དང་། ཞེ་སྡང་དང་། གཏི་མུག་སྤངས་པར་ཡང་འགྱུར། ནམ་དུའང་སྡུག་པ་དང་མི་འབྲལ་
D721.093.0191b03.01བར་འགྱུར་རོ། །བརྟན་པ་དང་། སྟོབས་དང་། བརྩོན་འགྲུས་ཆེན་པོ་དང་ལྡན་པ་དང་། གཟི་བརྗིད་དང་ལྡན་པ་དང་། དབང་པོ་རྣོ་བ་དང་། བློ་དང་ལྡན་པ་དང་། སེམས་ཅན་ཐམས་ཅད་ལ་སྙིང་བརྩེ་བའི་སེམས་དང་ལྡན་པ་དང་། ཆོ་ག་ཤེས་པ་དང་། འཆི་བའི་
D721.093.0191b04.01ཚེ་ན་སངས་རྒྱས་བཅོམ་ལྡན་འདས་རྣམས་མཐོང་བ་དང་། འཕགས་པ་སྤྱན་རས་གཟིགས་དབང་ཕྱུག་ཀྱང་མཐོང་བ་དང་། བྱམས་པ་ལ་གནས་ཤིང་ཆོས་སྟོན་བཞིན་དུ་འཆི་བའི་དུས་བྱེད་པའི་བར་དུ་ཡང་འགྱུར་རོ། །སངས་རྒྱས་ཀྱི་ཞིང་ཇི་ལྟར་བུ་འདོད་པ་དག་གམ། འཁོར་
D721.093.0191b05.01ལོས་སྒྱུར་བའི་རིགས་ཆེན་པོའམ། གང་དུ་རྗེས་སུ་དྲན་པར་བྱེད་པ་དེར་སྐྱེ་བ་དང་། གཞན་ཡང་ཡོན་ཏན་སྟོང་ཕྲག་དུ་མ་དག་ཀྱང་འཐོབ་པར་འགྱུར་རོ། །གསོལ་པ། བཅོམ་ལྡན་འདས་དེ་ལྟར་ན། ཆོས་ཀྱི་རྣམ་གྲངས་འདི་དང་གཟུངས་ཀྱི་གསང་སྔགས་གཞི་འདི་
D721.093.0191b06.01དག་ནི་ཡོན་ཏན་མང་པོའི་འབྱུང་གནས་ལགས་ཏེ། ཆོས་ཀྱི་རྣམ་གྲངས་འདི་ནི་དེ་བཞིན་གཤེགས་པའི་བྱིན་གྱིས་བརླབས་མ་མཆིས་པར་མཉན་པར་ཡང་རྔོ་མི་ཐོགས་ལ་གཟུང་བར་ཡང་རྔོ་མི་ཐོགས། ཀློག་པར་ཡང་རྔོ་མི་ཐོགས། མཆོད་པར་ཡང་རྔོ་མི་ཐོགས། ཡི་གེ་བྲི་
D721.093.0191b07.01