完整藏文原文 · 德格版页 当前仅加载第 93 函德格 189a 版页；藏文 NFD、目录标记与异常页序保留在来源切片中，重复版页行以稳定序号区分。
ངན་སོང་ཀུན་ཀྱང་རྟག་ཏུ་སྤངས། །འདི་ནི་ནོར་དང་འབྲུ་སྦྱིན་བྱེད་པ་སྟེ། །གང་ཞིག་མདོ་སྡེ་རྣམ་དག་འདི་འཛིན་པ། །དེ་ལ་ཡོན་ཏན་ཀུན་ཀྱང་མི་དཀོན་ཞིང་། །དེ་ལ་ཚེ་སྟོབས་བརྩོན་འགྲུས་མོད་པ་ཡིན། །འདྲེན་པ་སངས་རྒྱས་འོད་དཔག་མེད་མཐོང་ཞིང་། །
D721.093.0189a01.01ངས་དེ་སངས་རྒྱས་བྱང་ཆུབ་ལུང་ཡང་བསྟན། །དེ་ལ་ནམ་ཡང་སྡིག་པ་ཡོད་མིན་ཞིང་། །བདེ་བ་ཅན་གྱི་འཇིག་རྟེན་ཁམས་ཀྱང་མཐོང་། །དེ་ལ་རྟག་ཏུ་ལས་གང་འབྱུང་འགྱུར་བ། །སེམས་གདུང་ལུས་ན་བའམ་དེ་བཞིན་དུ། །ཀླད་པ་ན་བས་ཐམས་ཅད་ཟད་འགྱུར་ཞིང་། །
D721.093.0189a02.01དེ་ནི་ནམས་ཀྱང་རྣམ་པར་ལྟུང་མི་འགྱུར། །དེས་ནི་མཐོང་བའི་ཆོས་ལའང་ཡོན་ཏན་ཀུན། །ཇི་ལྟར་བསམས་ཤིང་འདོད་པས་འཐོབ་པར་འགྱུར། །དེ་ལྟར་རྟག་ཏུ་དགེ་སློང་ཕོ་མོ་དང་། །དགེ་བསྙེན་རྣམས་དང་རྒྱལ་པོས་རྟག་ཏུ་ནི། །མི་ཡི་དབང་པོ་དེ་བཞིན་གཤེགས་
D721.093.0189a03.01པ་ལྟར། །ཆོས་སྨྲ་བ་ལ་རྗེས་སུ་གུས་བྱས་ཏེ། །མདོ་སྡེ་འདི་ནི་རྟག་ཏུ་གཟུང་བྱ་ཞིང་། །འཛིན་པ་ལ་ཡང་རྟག་ཏུ་བསྙེན་བཀུར་བྱ། །སྤོས་དང་ཕྲེང་བ་བྱུག་པ་རྣམས་ཀྱིས་ནི། །བསྙེན་བཀུར་བྱས་ཏེ་ཡི་གེར་འདྲིར་ཡང་གཞུག །ཕྱི་མའི་དུས་ལ་རྒ་ནས་གདུངས་གྱུར་ལ། །
D721.093.0189a04.01འཁྲུག་པ་སྟོང་ཕྲག་དུ་མས་གཡེན་སྤྱོ་ཞིང་། །སེམས་དམྱལ་{ཡི་དགས་,ཡི་དྭགས་}རྣམས་སུ་ཡོངས་འཁྱམ་དང་། །ཟ་མ་མ་ནིང་དམད་པར་བྱ་བ་དང་། །དམུས་ལོང་ཉིད་དང་རོ་དང་ཁྱི་ཡི་དྲི། །རིགས་དམའ་བུད་མེད་རྣམས་སུ་སྐྱེ་བར་བྱེད། །ཕྲག་དོག་ཆེ་ཞིང་རྟག་ཏུ་སྡིག་བྱེད་ལ། །ཁྲོ་བས་
D721.093.0189a05.01ཟིལ་ནོན་རྟག་ཏུ་སེར་སྣ་ཅན། །སངས་རྒྱས་ཆོས་ལ་གུས་པར་མ་བྱས་པས། །དེ་ནི་དེ་འདྲའི་རིགས་སུ་སྐྱེ་འགྱུར་ལ། །དེར་ཡང་སྡུག་བསྔལ་ཚོར་བ་མྱོང་འགྱུར་ཞིང་། །དེ་ནི་ཕྱི་མའི་དུས་ལའང་གདུང་བར་འགྱུར། །དེ་ཕྱིར་གང་དག་འཛིན་ཅིང་སྟོན་བྱེད་པ། །དེ་དག་གིས་ནི་
D721.093.0189a06.01རྟག་ཏུ་མཆོད་པར་བྱ། །གང་གིས་དེ་ལ་ཡོངས་སུ་སྤྱོ་བ་དང་། །སྨད་ཅིང་བརྡེགས་ལ་བཅིང་བ་བྱས་གྱུར་པ། །དེ་ནི་ང་ཡང་ཡོངས་སུ་སྤྱོས་པ་ཡིན། །འཛིན་ལ་ཕུ་དུད་བྱས་ན་ང་ལའང་བྱས། །དེ་ཕྱིར་དེ་དག་གིས་ནི་ཆོས་སྨྲ་དང་། །གང་ཞིག་འདི་འཛིན་འདྲི་ཞིང་ཀློག་བྱེད་
D721.093.0189a07.01