完整藏文原文 · 德格版页 当前仅加载第 93 函德格 181a 版页；藏文 NFD、目录标记与异常页序保留在来源切片中，重复版页行以稳定序号区分。
འཇིགས་བྱེད་མ་དང་། དཔལ་ལྡན་མ་དང་། འཕྲོག་མ་དང་། དུང་ཅན་མ་ལ་སོགས་པ་གནོད་སྦྱིན་མོ་ཆེན་མོ་བརྒྱད་ཅུ་དང་། བརྒྱ་བྱིན་དང་། ཚངས་པ་དང་། རྣམ་ཐོས་ཀྱི་བུ་དང་། ཡུལ་འཁོར་སྲུང་དང་། འཕགས་སྐྱེས་པོ་དང་། མིག་མི་
D721.093.0181a01.01བཟང་དང་། ནོར་བུ་བཟང་པོའི་བུ་དང་། གང་བ་བཟང་པོ་ལ་སོགས་པ་འཇིག་རྟེན་སྐྱོང་བ་ཐམས་ཅད་ཀྱི་བར་དག་དང་ཐབས་ཅིག་ཏུ་བཞུགས་སོ། །དེ་ནས་དེ་དག་ཐམས་ཅད་ཀྱིས་དེ་བཞིན་གཤེགས་པ་སེང་གེའི་ཁྲི་ལ་བཞུགས་པར་རིག་ནས་རང་རང་གི་དགེ་བའི་རྩ་བ་
D721.093.0181a02.01དག་གིས་དེ་བཞིན་གཤེགས་པ་ལ་ལྷའི་རྒྱན་དང་། ན་བཟའ་དང་། མེ་ཏོག་དང་། མེ་ཏོག་ཕྲེང་དང་། སྤོས་དང་། བྱུག་པ་དང་། རོལ་མོའི་སྒྲ་རྣམས་ཀྱིས་མཆོད་པར་བྱས། རི་མོར་བྱས་སོ། །ཁ་ཅིག་གིས་ནི་ལན་འབུམ་ཕྲག་དུ་མར་བསྐོར་བ་བྱས་ཏེ་བསྟོད་དོ། །དེ་ནས་
D721.093.0181a03.01དེའི་ཚེ་བཅོམ་ལྡན་འདས་སེམས་ཅན་ཐམས་ཅད་ལ་དམིགས་པ་སྙིང་རྗེ་ཆེན་པོའི་ཤེས་པ་ལ་གནས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཏིང་ངེ་འཛིན་དེའི་མཐུས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་འོད་ཀྱིས་སྣང་བར་གྱུར་ཅིང་། གཟུགས་
D721.093.0181a04.01ཐམས་ཅད་སྣང་བས་ཁྱབ་པར་གྱུར་ནས། སེམས་ཅན་དམུས་ལོང་གང་ཡིན་པ་དེ་དག་གིས་ནི་མིག་གིས་གཟུགས་རྣམས་མཐོང་བར་གྱུར་ཏོ། །འོན་པ་རྣམས་ཀྱིས་ནི་རྣ་བས་སྒྲ་དག་ཐོས་པར་གྱུར་ཏོ། །ནད་ཀྱིས་བཏབ་པ་རྣམས་ནི་ནད་དག་དང་བྲལ་བར་གྱུར་ཏོ། །གོས་
D721.093.0181a05.01མེད་པ་རྣམས་ནི་གོས་དག་ཐོབ་པར་གྱུར་ཏོ། །སྨྱོན་པ་རྣམས་ནི་དྲན་པ་ཐོབ་པར་གྱུར་ཏོ། །ལུས་ཉམས་པ་དང་དབང་པོ་མ་ཚང་བ་རྣམས་ནི་ལུས་དང་དབང་པོ་ཡོངས་སུ་རྫོགས་པར་གྱུར་ཏོ། །དབུལ་པོ་རྣམས་ཀྱིས་ནི་ནོར་དག་ཐོབ་པར་གྱུར་ཏོ། །སེམས་ཅན་གང་དག་ནོར་
D721.093.0181a06.01དང་། ཡོ་བྱད་དང་། ལོངས་སྤྱོད་མེད་པ་དེ་དག་ནི་ནོར་དང་། ཡོ་བྱད་དང་། ལོངས་སྤྱོད་དག་དང་ལྡན་པར་གྱུར་ཏོ། །སེམས་ཅན་ཐམས་ཅད་ཀྱང་བདེ་བ་ཐམས་ཅད་དང་ལྡན་ཞིང་བསམ་པ་ཐམས་ཅད་ཡོངས་སུ་རྫོགས་པར་གྱུར་ཏོ། །སྟོང་གསུམ་གྱི་སྟོང་ཆེན་པོའི་
D721.093.0181a07.01