完整藏文原文 · 德格版页 当前仅加载第 93 函德格 199a 版页；藏文 NFD、目录标记与异常页序保留在来源切片中，重复版页行以稳定序号区分。
དུས་སླད་མའི་ཚེ་ན་སེམས་ཅན་གང་བཞད་གད་དང་། འཇོ་སྒེག་དང་། གར་དང་། བྲོ་དང་། གླུ་དང་། རོལ་མོའི་སྒྲ་དག་ལ་སྣ་ཚོགས་སུ་གཡེང་བ། འདོད་ཆགས་དང་། ཞེ་སྡང་དང་། གཏི་མུག་གི་མུན་པ་ཆེ་བ། རྩེད་མོ་ལ་དགའ་བར་འདུ་ཤེས་པ། མི་རྟག་པ་ལ་རྟག་པར་འདུ་ཤེས་
D721.093.0199a01.01པ། ཕྲག་དོག་དང་། སེར་སྣས་ཡོངས་སུ་ཟིན་ཅིང་། མཆོད་པར་མི་བགྱིད། རི་མོར་མི་བགྱིད། དད་པར་མི་བགྱིད། གློ་བ་ཆེས་པར་མི་བགྱིད། འཆང་བར་མི་བགྱིད། ཀློག་པར་མི་བགྱིད། ཉན་པར་མི་བགྱིད། ནན་ཏན་གྱིས་སྒྲུབ་པར་མི་བགྱིད་པ་དེ་དག་ནི་ངལ་བ་འདི་ཡིད་བྱུང་བར་
D721.093.0199a02.01བགྱིས་ཤིང་། སྔོན་གྱི་ལས་ཀྱི་འབྲས་བུ་དེ་ཡོངས་སུ་བས་པར་བགྱིས་ནས་སྡུག་བསྔལ་བ་དང་། ཡིད་མི་བདེ་བ་སྣ་ཚོགས་དང་། སེམས་ཅན་དམྱལ་བའི་སྡུག་བསྔལ་དག་ཉམས་སུ་མྱོང་བར་འགྱུར་ཞིང་། དེར་ཡང་བསྐལ་པ་བྱེ་བ་བརྒྱ་ཕྲག་དུ་མར་སྡུག་བསྔལ་ཉམས་སུ་མྱོང་ནས་
D721.093.0199a03.01ཡང་སླར་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་རྣམས་སུ་སྐྱེ་བར་འགྱུར་ལགས་ཏེ། མི་དགེ་བའི་བཤེས་གཉེན་གྱི་དབང་གིས་ཡུན་རིང་པོར་རྗེས་སུ་འགྱོད་པར་འགྱུར་ལགས་སོ། །དེ་ལྟ་ལགས་པས་ན་ལུས་དང་། ངག་དང་། ཡིད་ལེགས་པར་བསྡམ་པར་བགྱི་
D721.093.0199a04.01ཞིང་། སངས་རྒྱས་དང་། ཆོས་དང་། དགེ་འདུན་དག་ལ་ཡང་དད་པ་མི་ཕྱེད་པར་བགྱི། སེམས་ཅན་ཐམས་ཅད་ལ་ཡང་བྱམས་པའི་སེམས་དང་། ཕྲག་དོག་དང་། སེར་སྣ་དང་། འཆལ་པའི་ཚུལ་ཁྲིམས་ཡོངས་སུ་སྤངས་པའི་སེམས་དང་། ཁྲོ་བ་ཡོངས་སུ་སྤངས་པའི་སེམས་སུ་བགྱི་ལགས་
D721.093.0199a05.01སོ། །དེ་ནས་ཇི་ལྟར་ལྷགས་པའི་འཁོར་དེ་དག་གིས་རང་རང་གི་བསོད་ནམས་མངོན་པར་འདུ་བྱ་བ་དག་གིས་དེ་བཞིན་གཤེགས་པ་ལ་ལྷའི་མེ་ཏོག་དང་། བདུག་སྤོས་དང་། སྤོས་དང་། མེ་ཏོག་ཕྲེང་དང་། བྱུག་པ་དང་། ན་བཟའ་དང་། རྒྱན་དག་དང་། ཨ་ལ་ལ་ཞེས་ཅ་ཅོ་དང་ག་ཞའི་སྒྲ་དག་དང་།
D721.093.0199a06.01ལྷའི་སིལ་སྙན་དང་། ཕེག་རྡོབ་པ་དང་། གླུ་དབྱངས་དག་གིས་མཆོད་པ་བྱས་ནས་ལེགས་སོ་ཞེས་བྱ་བ་གསོལ་ཏེ། བཅོམ་ལྡན་འདས་ལེགས་སོ་ལེགས་སོ། །སེམས་ཅན་ཐམས་ཅད་ཀྱི་དོན་དང་། དེ་བཞིན་གཤེགས་པའི་བསྟན་པ་ཡུན་རིང་དུ་གནས་པར་བགྱི་བའི་སླད་དུ་ཆོས་ཀྱི་རྣམ་གྲངས་
D721.093.0199a07.01