完整藏文原文 · 德格版页 当前仅加载第 93 函德格 188b 版页；藏文 NFD、目录标记与异常页序保留在来源切片中，重复版页行以稳定序号区分。
བསྲུང་བར་བགྱི་སྟེ། དེས་ན་ཆོས་ཀྱི་རྣམ་གྲངས་འདི་ཡུན་རིང་དུ་གནས་བར་ཡང་འགྱུར་ལགས་སོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཇི་ལྟར་ལྷགས་པའི་འཁོར་རྣམས་ལ་རྣམ་པར་གཟིགས་ཏེ། བཀའ་སྩལ་པ། ཀྱེ་རིགས་ཀྱི་བུ་དག་ལེགས་སོ་ལེགས་སོ། །ཁྱེད་ཅག་གིས་
D721.093.0188b01.01དེ་བཞིན་དུ་གྱིས་ཤིག །གནོད་པ་བྱེད་པ་དང་། བརྙས་པ་དང་། གཤེ་བ་དང་། བསྡིགས་པ་དང་། མཚོན་འབྱིན་པ་དང་། རྒྱ་འགལ་བར་བྱེད་ན་ཡང་ལུས་དང་། སྲོག་ལ་མི་ལྟ་བར་བྱས་ལ་ཆོས་ཀྱི་རྣམ་གྲངས་འདི་མཉན་པར་བྱ། ཡི་གེར་བྲི་བར་བྱ། ཡི་གེར་འདྲིར་
D721.093.0188b02.01གཞུག་པར་བྱ། བཀླག་པར་བྱའོ། །ཆོས་སྨྲ་བ་དེ་ལ་ཡང་བདེ་བའི་ཡོ་བྱད་ཐམས་ཅད་ཀྱིས་རིམ་གྲོར་བྱའོ། །ཡུལ་ཕྱོགས་དེ་དང་། གླིང་དེ་དང་། གྲོང་ཁྱེར་དེ་དག་ཀྱང་འཇིགས་པ་དང་། གནོད་པ་དང་། འགོ་བའི་ནད་དང་། འཁྲུག་པ་དག་ལ་བསྲུང་བར་བྱའོ། །
D721.093.0188b03.01རིགས་ཀྱི་བུ་དང་། རིགས་ཀྱི་བུ་མོ་དེ་དག་ལ་ཡང་རྟག་པར་རྒྱུན་དུ་བསམ་པར་བྱའོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་བཀའ་སྩལ་ཏོ། །བསྐལ་པ་གྲངས་མེད་སྟོང་ཕྲག་བྱེ་སྙེད་དུ། །སངས་རྒྱས་འབྱུང་བ་ལན་འགའ་རྙེད་པ་ལ། །ཕྱི་མའི་
D721.093.0188b04.01དུས་ན་འགྱོད་པར་མི་འགྱུར་བར། །རིགས་ཀྱི་བུ་རྣམས་བག་ཡོད་ཆོས་ཉོན་ཅིག །ཡོན་ཏན་ཉན་ཅིང་མངོན་པར་དད་བྱེད་པ། །དེ་དག་གིས་ནི་ཏིང་འཛིན་རྙེད་མི་དཀའ། །གང་གིས་རྐང་གཉིས་གཙོ་བོ་རྣམས་ལ་ནི། །བསྐལ་པ་བྱེ་བ་གང་གཱའི་བྱེ་སྙེད་དུ། །ནོར་དང་འབྲུ་དང་དེ་བཞིན་
D721.093.0188b05.01གོས་དང་རྒྱན། །སྤོས་དང་ཕྲེང་བ་བྱུག་པ་ཕུལ་བ་བས། །གང་གིས་མདོ་སྡེ་འདི་ལ་དད་བྱས་ཏེ། །ཉན་ཅིང་ཀློག་ལ་ཡི་གེར་འདྲི་བྱེད་པ། །དེ་ལ་བསོད་ནམས་ཚད་ནི་ཡོད་མིན་ཏེ། །བདེ་བར་གཤེགས་པས་དེ་སྙེད་ཚད་མ་གསུངས། །རྟག་ཏུ་བག་ཡོད་དགོན་པར་སྟེན་བྱེད་ཅིང་། །
D721.093.0188b06.01སེམས་གཞན་མེད་པར་བསམ་གཏན་དག་སྒོམ་དང་། །སྡུག་པའི་བུ་དང་བུ་མོ་སྦྱིན་བྱེད་ཅིང་། །ལག་པ་རྐང་པ་ཡོངས་སུ་གཏོང་བ་བས། །གང་སུ་མདོ་སྡེ་འདི་ནི་འཛིན་བྱེད་པ། །དེ་ནི་དེ་བས་བསོད་ནམས་མང་པོ་འཐོབ། །མདོ་མཆོག་འདི་ནི་ནོར་སྦྱིན་བྱེད་པ་སྟེ། །དེ་ཡི་
D721.093.0188b07.01