完整藏文原文 · 德格版页 当前仅加载第 93 函德格 183b 版页；藏文 NFD、目录标记与异常页序保留在来源切片中，重复版页行以稳定序号区分。
འོས་པ་དང་། སེམས་ཅན་ཐམས་ཅད་ཀྱིས་ཕྱག་བྱ་བར་འོས་པ་དང་། དྲན་པ་དང་ལྡན་པ་དང་། ཤེས་རབ་དང་ལྡན་པ་དང་། སངས་རྒྱས་དང་། ཆོས་དང་། དགེ་འདུན་ལ་དད་པ་མི་ཕྱེད་པ་དང་ལྡན་པ་དང་། རྫུ་འཕྲུལ་དང་ལྡན་པ་དང་། ཚེ་དང་ཁ་དོག་དང་། གཟི་བརྗིད་
D721.093.0183b01.01དང་། མཐུ་སྟོབས་དང་ལྡན་ཞིང་རྣམ་པ་ཐམས་ཅད་ཀྱི་མཆོག་དང་ལྡན་པར་གྱུར་ཏེ། ནམ་ཡང་སྡུག་པ་དང་བྲལ་བར་མ་གྱུར་ཅིང་། སྡུག་པའི་སྡུག་བསྔལ་མེད་པར་གྱུར་པ་དེ་དྲན་ཏེ། རིགས་ཀྱི་བུ་དེ་ལྟར་ན་རིགས་ཀྱི་བུའམ། རིགས་ཀྱི་བུ་མོ་གང་དག་ཆོས་སྨྲ་བ་དེ་ལ་མཆོག་ཏུ་གུས་
D721.093.0183b02.01པའི་སེམས་བསྐྱེད་དེ། ཆོས་ཀྱི་རྣམས་གྲངས་འདི་ལ་ཡན་ལག་ལྔས་ཕྱག་བྱས་ཤིང་། མེ་ཏོག་དང་། བདུག་སྤོས་དང་། སྤོས་དང་། མེ་ཏོག་ཕྲེང་དང་། བྱུག་པ་དང་། གདུགས་དང་། རྒྱལ་མཚན་དང་། བ་དན་དག་གིས་ལེགས་པར་བརྒྱན་ནས་སངས་རྒྱས་ལ་ཕྱག་འཚལ་ལོ་ཞེས་
D721.093.0183b03.01བརྗོད་ཅིང་ཕྱག་འཚལ་བར་བྱེད་པ་དང་། ལེགས་སོ་ཞེས་བྱ་བར་སྦྱིན་པར་བྱེད་པ་དང་། འཛིན་པ་དང་། འཆང་བ་དང་། ཀློག་པ་དང་། ཡི་གེར་འདྲི་བ་དང་། ཡི་གེར་འདྲིར་འཇུག་པ་དེ་དག་ནི་ཡོན་ཏན་མང་པོ་དང་ལྡན་པར་འགྱུར་རོ། །དེ་དག་ནི་ཚེ་འདི་ཉིད་ལ་ཡང་ཡོན་
D721.093.0183b04.01ཏན་མང་པོ་དང་ལྡན་པར་འགྱུར་ཏེ། གཟུགས་བཟང་ཞིང་མཛེས་ལ། བལྟ་ན་སྡུག་པ་དང་། ནད་རྣམས་དང་བྲལ་བ་དང་། ཚེ་རིང་བ་དང་། བློ་བརྟན་པ་དང་། དྲན་པ་དང་ལྡན་པ་དང་། བརྟན་པ་དང་ལྡན་པ་དང་། རྒྱལ་པོ་ཐམས་ཅད་དང་། རྒྱལ་པོའི་བཙུན་མོ་ཐམས་ཅད་
D721.093.0183b05.01དང་། རྒྱལ་བུ་ཐམས་ཅད་དང་། བློན་པོ་ཐམས་ཅད་དང་། དགྲ་ཐམས་ཅད་དང་། སེམས་ཅན་ཐམས་ཅད་ཀྱིས་མངོན་པར་བསྟོད་པར་འོས་པ་དང་། ཕྱག་བྱ་བར་འོས་པ་དང་། བསྙེན་བཀུར་བྱ་བར་འོས་པར་འགྱུར་རོ། །ནོར་དང་ཡོ་བྱད་མང་པོར་ཡང་འགྱུར་རོ། །དེ་དག་
D721.093.0183b06.01གི་ཁ་ནས་ཙནྡན་གྱི་དྲིའི་ངད་འབྱུང་བར་ཡང་འགྱུར་རོ། །མིག་ཨུཏྤལ་སྔོན་པོའི་འདབ་མ་འདྲ་བར་ཡང་འགྱུར་རོ། །དེ་དག་གིས་ཉིན་མཚན་དུ་སངས་རྒྱས་དང་བྱང་ཆུབ་སེམས་དཔའ་དག་མཐོང་བར་ཡང་འགྱུར་རོ། །མཚམས་མེད་པ་ལྔ་ལ་སོགས་པའི་སྒྲིབ་པ་ཐམས་ཅད་ཟད་
D721.093.0183b07.01