完整藏文原文 · 德格版页 当前仅加载第 93 函德格 196a 版页；藏文 NFD、目录标记与异常页序保留在来源切片中，重复版页行以稳定序号区分。
ཅེས་གསོལ་ཏོ། །བཅོམ་ལྡན་འདས་ཅི་རིགས་ཀྱི་བུའམ། རིགས་ཀྱི་བུ་མོ་དེ་ཆོས་ཀྱི་རྣམ་གྲངས་འདི་ཡི་གེར་འདྲི་བ་དང་། ཡི་གེར་འདྲིར་སྩོལ་བ་དང་། ཀློག་པ་དང་། མཆོད་པ་དང་། ཡང་དག་པར་སྟོན་པ་དང་། འདོན་པ་དང་། མཆིད་ཏོན་དུ་བགྱིད་པ་དེས་བསོད་ནམས་འཐོབ་པར་
D721.093.0196a01.01འགྱུར་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། འཕགས་པ་སྤྱན་རས་གཟིགས་དབང་ཕྱུག་དེའི་ཕྱིར་དེ་ཁྱོད་ཉིད་ལ་དྲི་ཡིས་ཁྱོད་ཀྱིས་ཇི་ལྟར་བཟོད་པ་དེ་བཞིན་དུ་ལན་ཐོབ་ཤིག །སྤྱན་རས་གཟིགས་དབང་ཕྱུག་གིས་གསོལ་པ། བཅོམ་ལྡན་འདས་དེ་བཞིན་
D721.093.0196a02.01གཤེགས་པ་ལ་ནི་མ་གཟིགས་པའམ། མ་གསན་པའམ། མ་དགོངས་པ་དང་། རྣམ་པར་མི་མཁྱེན་པ་མི་མངའ་བས་བཅོམ་ལྡན་འདས་ཉིད་ཀྱིས་བཀའ་སྩལ་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཆོས་ཀྱི་རྣམ་གྲངས་འདི་ཡི་གེར་འདྲི་བ་དང་།
D721.093.0196a03.01ཡི་གེར་འདྲིར་འཇུག་པ་དང་། ཀློག་པ་དང་། མཆོད་པ་དང་། ཡང་དག་པར་སྟོན་པ་དང་། འདོན་པ་དང་། ཁ་ཏོན་དུ་བྱེད་པ་ལས་བསོད་ནམས་འཐོབ་པར་འགྱུར་བ་གང་ཡིན་པ་དེ་ནི་དཔེས་བརྗོད་པར་ཡང་མི་ནུས་སོ། །དེ་ཅིའི་ཕྱིར་ཞེ་ན། གོས་དང་། རྒྱན་དང་། དབྱིག་དང་། གསེར་
D721.093.0196a04.01དང་། ནོར་བུ་དང་། མུ་ཏིག་དག་གིས་སེམས་ཅན་ཐམས་ཅད་ཀྱི་བསམ་པ་ཇི་ལྟ་བ་བཞིན་དུ་ཡོངས་སུ་རྫོགས་པར་བྱས་ཏེ་རྩེར་བཅུག་ཀྱང་སེམས་ཅན་དེ་དག་སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་
D721.093.0196a05.01མི་བདེ་བ་དང་། འཁྲུག་པ་དག་ལས་ཡོངས་སུ་ཐར་བར་མི་འགྱུར་བ་ཉིད་ཡིན་ཞིང་། ལོ་འབུམ་དུ་འདོད་པའི་ཡོན་ཏན་ལྔ་པོ་དག་གིས་རྩེར་བཅུག་ཀྱང་སེམས་ཅན་དེ་དག་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དང་། {ཡི་དགས་,ཡི་དྭགས་}ཀྱི་ཡུལ་དག་ལས་ཡོངས་
D721.093.0196a06.01སུ་ཐར་བར་མི་འགྱུར་བ་ཉིད་དེ། སེམས་ཅན་རྣམས་ཀྱི་ཕྱིར་ཆོས་ཀྱི་རྣམ་གྲངས་འདི་ཉན་ཅིང་མཆོད་པ་བྱེད་པ་དང་། ཡང་དག་པར་བསྟན་ཏེ། དེའི་དོན་ཀྱང་མཉན་ཅིང་ནན་ཏན་གྱིས་སྒྲུབ་པར་བྱེད་པ་ནི་སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་
D721.093.0196a07.01