完整藏文原文 · 德格版页 当前仅加载第 93 函德格 198b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་ཀྱིས་བཅད་བར་བགྱི་ཞིང་སེམས་ཅན་ཐམས་ཅད་ལ་ཡང་དག་པར་བསྟན་པར་བགྱི་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་གལ་ཏེ་ཁྱོད་ཀྱིས་ངས་ཆོས་གང་བསྟན་པ་མཉན་ཏེ་ཀུན་བཟུང་བ་དེ་དག་ཐམས་ཅད་འཆང་བར་མི་བྱེད། ཀློག་པར་མི་བྱེད།
D721.093.0198b01.01རྒྱས་པར་མི་བྱེད་ཀྱང་། དེས་ནི་ཁྱོད་ཀྱིས་ང་ལ་ཉེས་པ་བྱས་པར་མི་འགྱུར་ཞིང་གུས་པར་མ་མཉན་པར་ཡང་མི་འགྱུར་ལ། ཉན་ཐོས་ཉིད་མ་ཡིན་པར་ཡང་མི་འགྱུར་གྱི། ཆོས་ཀྱི་རྣམ་གྲངས་འདི་འཆང་བར་མི་བྱེད། ཀློག་པར་མི་བྱེད། མཆོད་པར་མི་བྱེད། ཡང་དག་པར་སྟོན་པར་མི་བྱེད། ཡིད་
D721.093.0198b02.01ལ་མི་བྱེད་ན་ནི་དེས་ན་ཁྱོད་ཀྱིས་ང་ལ་ཉེས་པ་བྱས་པར་འགྱུར་ཞིང་གུས་པར་མ་མཉན་པར་ཡང་འགྱུར་ལ། ཉན་ཐོས་ཉིད་ཡིན་པར་ཡང་མི་འགྱུར་རོ། །ཀུན་དགའ་བོ་དེ་ལྟ་བས་ན་ཁྱོད་ཀྱིས་ཕུ་དུད་བྱས་ཏེ་ཆོས་ཀྱི་རྣམ་གྲངས་འདི་བཅང་བར་བྱའོ། །འདི་ནི་ཕྱི་མའི་དུས་ཕྱི་མའི་ཚེ་ན་སེམས་ཅན་
D721.093.0198b03.01ཐམས་ཅད་ལ་དེ་བཞིན་གཤེགས་པའི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱིས་དེ་བཞིན་གཤེགས་པའི་མཛད་པ་བྱེད་པར་འགྱུར་རོ། །བཅོམ་ལྡན་འདས་ཀྱིས་ཆོས་ཀྱི་རྣམ་གྲངས་འདི་བཤད་པ་ན་སྲོག་ཆགས་དྲུག་ཁྲི་ལེན་བ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ། །
D721.093.0198b04.01བྱང་ཆུབ་སེམས་དཔའ་བདུན་བརྒྱས་ནི་ཏིང་ངེ་འཛིན་ཐོབ་པར་གྱུར་ཏོ། །ལྔ་བརྒྱས་ནི་སངས་རྒྱས་ཀྱི་ཞིང་ཐ་དད་པར་སྐྱེ་བར་ལུང་བསྟན་པ་ཐོབ་པར་གྱུར་ཏོ། །སྲོག་ཆགས་དགུ་ཁྲི་ནི་ཉོན་མོངས་པ་ཐམས་ཅད་ལས་རྣམ་པར་གྲོལ་ཏེ་མི་ཁོམ་པ་དང་། ངན་སོང་དང་། ངན་འགྲོ་ཐམས་ཅད་སྤངས་སོ། །དེ་ནས་
D721.093.0198b05.01བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་ཡང་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་ཀྱི་རྣམ་གྲངས་འདི་ནི་སླད་མའི་དུས་སླད་མའི་ཚེ་ན། རིགས་ཀྱི་བུ་དང་། རིགས་ཀྱི་བུ་མོ་ཉན་པར་བགྱིད་པ་དང་།
D721.093.0198b06.01འཛིན་པར་བགྱིད་པ་དང་། རི་མོར་བགྱིད་པ་དང་། མཆོད་པར་བགྱིད་པ་དེ་དག་དང་། ཡི་གེར་འདྲི་བར་བགྱིད་པ་དེ་དག་ལ་དེ་བཞིན་གཤེགས་པའི་མཛད་པ་བགྱིད་པར་འགྱུར་ཏེ། དེ་དག་ཀྱང་ཇི་ལྟ་བུ་འཚལ་བའི་སངས་རྒྱས་ཀྱི་ཞིང་ཐ་དད་པ་དག་ཏུ་ལུང་བསྟན་པ་ལགས་སོ། །སླད་མའི་
D721.093.0198b07.01