完整藏文原文 · 德格版页 当前仅加载第 93 函德格 196b 版页；藏文 NFD、目录标记与异常页序保留在来源切片中，重复版页行以稳定序号区分。
བ་དང་། ཡིད་མི་བདེ་བ་དང་། འཁྲུག་པ་དག་དང་། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་ཐམས་ཅད་ལས་ཡོངས་སུ་ཐར་བ་ཁོ་ནར་འགྱུར་བས་དེའི་ཕྱིར་དེ་བཞིན་གཤེགས་པས་འདིའི་བསོད་ནམས་ཀྱི་ཚད་ཀྱི་དཔེ་མི་མཛད་དོ། །རིགས་ཀྱི་བུ་གང་གིས་ཆོས་ཀྱི་རྣམ་
D721.093.0196b01.01གྲངས་འདི་དང་། ཆོས་སྨྲ་བ་དང་། འཛིན་པ་དང་། ཀློག་པ་དང་། ཡི་གེར་འདྲི་བ་དང་། མཆོད་པ་བྱེད་པ་དེ་དག་གི་ཕྱིར་དབྱིག་ཡུངས་འབྲུ་ཙམ་ཡོངས་སུ་གཏོང་བར་བྱེད་དམ། མེ་ཏོག་གཅིག་གམ། འབྲས་བུ་གཅིག་གམ། བ་དན་ནམ། རོལ་མོའི་སྒྲའམ། སྤོས་སམ། གོས་སམ། རྒྱན་གཅིག་ཙམ་
D721.093.0196b02.01ཞིག་ཡོངས་སུ་གཏོང་བར་བྱེད་དམ། ཡི་གེར་འདྲི་བའམ། ཡི་གེར་འདྲིར་འཇུག་གམ། འཆང་ངམ། ཀློག་གམ། མཆོད་པ་བྱེད་དམ། ཡང་དག་པར་སྟོན་ཏམ། བསྙེན་བཀུར་བྱེད་དམ། གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་སྟོན་པར་བྱེད་པ་གང་ཡིན་པ་དང་། གང་གིས་དེ་བཞིན་
D721.093.0196b03.01གཤེགས་པ་འཁོར་དང་བཅས་པ་མངོན་སུམ་དུ་བཞུགས་པ་ལ་ལོ་འབུམ་དུ་མེ་ཏོག་དང་། བདུག་སྤོས་དང་། སྤོས་དང་། མེ་ཏོག་ཕྲེང་དང་། བྱུག་པ་དང་། གདུགས་དང་། རྒྱལ་མཚན་དང་། བ་དན་དག་གིས་མཆོད་པས་མཆོད་པར་བྱེད། རྗེད་པར་བྱེད་ཅིང་། བདེ་བའི་ཡོ་བྱད་ཐམས་ཅད་ཀྱིས་
D721.093.0196b04.01བསྙེན་བཀུར་བྱེད་པ་དང་། གཙུག་ལག་ཁང་དང་། འཆག་ས་དང་། སྐྱེད་མོས་ཚལ་དག་བྱེད་དུ་བཅུག་གམ། དེ་བཞིན་གཤེགས་པའི་ཕྱིར་རིན་པོ་ཆེ་སྣ་བདུན་གྱི་མཆོད་རྟེན་འཕང་དུ་དཔག་ཚད་ཕྱེད་པ་བརྒྱའམ་སྟོང་བྱེད་དུ་བཅུག་སྟེ། དེ་དག་ལ་ལོ་འབུམ་དུ་མཆོད་པ་དག་གིས་མཆོད་པར་
D721.093.0196b05.01བྱེད་པ་བས། གང་ཆོས་ཀྱི་རྣམ་གྲངས་འདི་ཡི་གེར་འདྲི་བ་དང་། ཡི་གེར་འདྲིར་འཇུག་པ་དང་། འཆང་བ་དང་། ཀློག་པ་དང་། འདོན་པ་དང་། མཆོད་པ་བྱེད་པ་དང་། ཡང་དག་པར་སྟོན་པ་དེ་ནི་དེ་བས་ཆེས་བསོད་ནམས་མངོན་པར་འདུ་བྱ་བ་ཆེས་མང་དུ་སྐྱེ་བར་འགྱུར་གྱི། དེ་བཞིན་
D721.093.0196b06.01གཤེགས་པ་ལ་མངོན་སུམ་དུ་མཆོད་པ་བྱེད་པ་དེ་ནི་དེ་ལྟ་མ་ཡིན་ལ། སེམས་ཅན་ཐམས་ཅད་ལ་སྦྱིན་པ་བྱིན་ཞིང་འདོད་པའི་ཡོན་ཏན་ལྔ་པོ་དག་གིས་རྩེར་བཅུག་པ་ཡང་དེ་ལྟ་མ་ཡིན་ནོ། །དེ་ལྟ་བས་ན་རིགས་ཀྱི་བུ་དང་། རིགས་ཀྱི་བུ་མོ་དང་། རྒྱལ་པོ་དང་། རྒྱལ་བུ་དང་། བློན་པོ་ཆེན་
D721.093.0196b07.01