完整藏文原文 · 德格版页 当前仅加载第 93 函德格 195b 版页；藏文 NFD、目录标记与异常页序保留在来源切片中，重复版页行以稳定序号区分。
བརྒྱད་བགྱི་ཞིང་རེ་རེ་ནས་ལྷ་མོ་ཆེན་མོ་འཇིགས་བྱེད་མའི་གཟུགས་དེ་ལ་འཕང་བར་བགྱིའོ། །དེ་ནས་བདག་དེར་རང་གི་གཟུགས་ཀྱིས་གནས་པར་བགྱི། དམ་པ་ཅི་འཚལ་བ་ཡང་སྩལ་བར་བགྱི་སྟེ། རྒྱལ་སྲིད་ཀྱི་དབང་ཕྱུག་དང་། ནམ་མཁའ་ལ་མཆི་བ་དང་། གཏེར་
D721.093.0195b01.01ལྟ་འཚལ་བ་དང་། ནོར་སྒྱུར་འཚལ་བ་དང་། རིག་སྔགས་འཆང་ཉིད་དང་། དུས་མ་ལགས་པར་འགུམ་པ་བཟློག་པ་དང་། བྲོ་ནད་ཐམས་ཅད་རབ་ཏུ་ཞི་བར་བགྱི་བ་དང་། ཕ་རོལ་གྱི་དམག་ཚོགས་རབ་ཏུ་གཞོམ་པ་དང་། བུ་མཆིས་པར་བགྱི་བ་དང་། ནོར་འདུ་
D721.093.0195b02.01བར་བགྱི་བ་དང་། སེམས་ཅན་ཐམས་ཅད་ལ་བྱམས་པ་སྐྱེ་བ་དང་། གཞན་ཡང་ཅི་འཚལ་བའི་ལས་དག་ཀྱང་བགྱི་ལགས་སོ། །བཅོམ་ལྡན་འདས་གལ་ཏེ་དམ་པའི་ཆོས་སྤོང་བ་དང་། སངས་རྒྱས་དང་། ཆོས་དང་། དགེ་འདུན་དག་ལ་ཐེ་ཙོམ་དུ་གྱུར་པ་གང་ལགས་པ་མ་
D721.093.0195b03.01གཏོགས་པར་མཚམས་མ་མཆིས་པ་ལྔ་བགྱིད་པ་ཞིག་ལགས་ན་ཡང་བདག་གིས་རེ་བ་ཐམས་ཅད་ཡོངས་སུ་རྫོགས་པར་མ་བགྱིས་པར་གྱུར་ན། བཅོམ་ལྡན་འདས་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་མ་གྱུར་ཅིག །
D721.093.0195b04.01བཅོམ་ལྡན་འདས་ཀྱིས་བཀའ་སྩལ་པ། སྲིང་མོ་ལེགས་སོ་ལེགས་སོ། །སྲིང་མོ་ཁྱོད་སེམས་ཅན་ཐམས་ཅད་ཀྱི་དོན་དང་། ཕན་པ་དང་བདེ་བའི་ཕྱིར་ཞུགས་ཤིང་། ཆོས་ཀྱི་རྣམ་གྲངས་འདི་ཡང་ཡུན་རིང་དུ་གནས་པར་བྱ་བའི་ཕྱིར་ཞུགས་པ་ནི་ཡང་ཁྱོད་ལེགས་སོ། །
D721.093.0195b05.01སྲིང་མོ་དེའི་ཕྱིར་ཁྱོད་ཀྱིས་རྟག་ཏུ་དམ་བཅས་པ་འདི་དྲན་པར་གྱིས་ཤིག །དེ་ནས་དེའི་ཚེ་ས་ཆེན་པོ་འདི་རབ་ཏུ་གཡོས་ཤིང་ལྷའི་མེ་ཏོག་གི་ཆར་དག་ཀྱང་མངོན་པར་རབ་ཏུ་བབ་པ་དང་། ཐམས་ཅད་དང་ལྡན་པའི་འཁོར་དེ་དག་གིས་ཀྱང་ལེགས་སོ་ཞེས་བྱ་བ་བྱིན་ཏེ། སྲིང་མོ་
D721.093.0195b06.01ལེགས་སོ་ལེགས་སོ། །ཁྱོད་ཀྱིས་སེམས་ཅན་ཐམས་ཅད་ཀྱི་རེ་བ་ཐམས་ཅད་ཡོངས་སུ་རྫོགས་པར་འགྱུར་བའི་དམ་བཅའ་བ་འདི་ནི་ལེགས་པར་སྨྲས་སོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་འདི་སྐད་
D721.093.0195b07.01