完整藏文原文 · 德格版页 当前仅加载第 93 函德格 189b 版页；藏文 NFD、目录标记与异常页序保留在来源切片中，重复版页行以稳定序号区分。
པ། །དེ་དག་ལ་ནི་རྟག་ཏུ་བསྙེན་བཀུར་ཞིང་། །ཚིག་འཇམ་སྙན་པའང་རྒྱུན་དུ་བརྗོད་པར་བྱ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་བཅོམ་ལྡན་འདས་ཀྱི་ཞབས་གཉིས་ལ་གཏུགས་ཏེ། བཅོམ་ལྡན་འདས་ལ་འདི་
D721.093.0189b01.01སྐད་ཅེས་གསོལ་ཏོ། །བཅོམ་ལྡན་འདས་བདག་གིས་རྣམ་པར་ལྟ་བའི་ཆོ་འཕྲུལ་ཞེས་བགྱི་བའི་གཟུངས་མཆིས་པར་རྗེས་སུ་དྲན་ཏེ། བདག་གིས་སྔོན་དེ་བཞིན་གཤེགས་པ་འོད་མཛད་ཡེ་ཤེས་ཏོག་ཅེས་བགྱི་བའི་སྤྱན་སྔར་དེ་ཐོས་ཤིང་བཟུང་ལགས་སོ། །དེ་མཉན་ཅིང་བཟུང་
D721.093.0189b02.01ལ་བཅངས་ཤིང་བཀླགས་ཏེ་གཞན་དག་ལ་ཡང་བསྒྲགས་ཤིང་བསྙེན་བཀུར་བགྱིས་ནས་ཡི་གེར་བྲིས་སམ། ཡི་གེར་འདྲིར་སྩལ་ན། ཕྱིར་མི་ལྡོག་པའི་ས་འཐོབ་པར་འགྱུར་ཞིང་། དེ་བཞིན་གཤེགས་པས་གསུངས་པའི་ཡོན་ཏན་དེ་དག་ཐམས་ཅད་ཀྱང་འཐོབ་པར་འགྱུར།
D721.093.0189b03.01དེས་ཇི་ལྟར་བསམས་པ་ཐམས་ཅད་ཀྱང་ཡང་དག་པར་འགྲུབ་པར་འགྱུར། དེའི་ལས་ཀྱི་སྒྲིབ་པ་ཐམས་ཅད་ཀྱང་བྱང་བར་འགྱུར། ཏིང་ངེ་འཛིན་ཀྱང་འཐོབ་པར་འགྱུར། བྲོ་ནད་རྣམས་དང་བྲལ་བར་ཡང་འགྱུར། སངས་རྒྱས་མཐོང་བ་དང་། བྱང་ཆུབ་སེམས་དཔའ་ཡང་མཐོང་བར་
D721.093.0189b04.01འགྱུར་ལགས་སོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ལེགས་སོ་ཞེས་བྱ་བ་བྱིན་ཏེ། རིགས་ཀྱི་བུ་ལེགས་སོ་ལེགས་སོ། །རིགས་ཀྱི་བུ་ཁྱོད་ལ་དེ་བཞིན་གཤེགས་པས་བྱིན་གྱིས་བརླབས་ཟིན་
D721.093.0189b05.01གྱིས་ཤོད་ཅིག །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་ཕྱོགས་བཅུའི་དེ་བཞིན་གཤེགས་པ་ཐམས་ཅད་ལ་ཕྱག་བྱས་ཏེ་གསང་སྔགས་ཀྱི་གཞི་འདི་དག་སྨྲས་སོ། །ན་མཿསརྦ་ཏ་ཐཱ་ག་ཏཱ་ནཱ་ན། སརྦ་ཨཱ་ཤཱ་པ་རི་པཱུ་
D721.093.0189b06.01ར་ཀཱ་ནཱ་ན། ན་མ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཧ་ཧ་ཧ། མ་མ་མ། དྷི་རི་དྷི་རི་དྷི་རི། ཤཱན་ཏེ། པྲ་ཤཱན་ཏེ། སརྦ་པཱ་པཀྵ་ཡང་ཀ་རི། ཨ་བ་ལོ་ཀཱ་ཡ། ཀཱ་རུ་ཎི་ཀ། བོ་དྷི་ཙིཏྟ་མ་མ་ན་སི་ཀུ་རུ།
D721.093.0189b07.01