完整藏文原文 · 德格版页 当前仅加载第 93 函德格 187a 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་བརླབས་དང་། བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱིས་བརླབས་དེ་ལས་ཏིང་ངེ་འཛིན་ཐམས་ཅད་དང་། གཟུངས་ཀྱི་སྒོ་ཐམས་ཅད་འཐོབ་པར་འགྱུར་བ་དང་། ལྷ་རྣམས་དང་། ཀླུ་རྣམས་དང་། མི་རྣམས་དང་། གནོད་སྦྱིན་རྣམས་དང་། དྲི་ཟ་རྣམས་དང་། {ཡི་དགས་,ཡི་དྭགས་}
D721.093.0187a01.01རྣམས་དང་། དུད་འགྲོའི་སྐྱེ་གནས་སུ་སྐྱེས་པ་རྣམས་དང་། གཤིན་རྗེའི་འཇིག་རྟེན་པའི་སེམས་ཅན་ཐམས་ཅད་ཀྱི་སེམས་དང་སེམས་ལས་བྱུང་བ་ལྷག་པར་གཡོ་བ་དང་བྲལ་བར་གཡོ་བ་དག་རབ་ཏུ་ཤེས་ཤིང་། སེམས་ཅན་འདི་དག་ནི་བསོད་ནམས་སུ་ཉེ་བར་འགྲོ་བ་སྟེ་ལེགས་པར་སྤྱོད་པའི་ལས་
D721.093.0187a02.01བྱེད་པ། སངས་རྒྱས་དང་། ཆོས་དང་། དགེ་འདུན་དག་ལ་དད་པ་འཐོབ་པར་འགྱུར་བའོ། །འདི་དག་ནི་སེམས་ཅན་དམྱལ་བར་འགྲོ་བ་སྟེ། ཉེས་པར་སྤྱོད་པའི་ལས་བྱེད་པ། སྡིག་པ་སྤྱོད་པར་བྱེད་པར་ཤེས་ནས་སྡིག་པའི་ལྟ་བར་གྱུར་པའི་སེམས་ཅན་དེ་དག་ལ་ཆོས་སྟོན་པར་བྱེད་
D721.093.0187a03.01ཅིང་། སྡིག་པ་ཐམས་ཅད་ལས་ཟློག་པར་བྱེད་པ་དང་། སངས་རྒྱས་ཀྱི་བྱང་ཆུབ་ལ་འགོད་པར་བྱེད་པ་དང་། བསམ་པ་ཐམས་ཅད་ཡོངས་སུ་རྫོགས་པར་བྱེད་པ་དང་། ཕྲག་དོག་དང་། ང་རྒྱལ་དང་། ཁྲོ་བ་དང་། སེར་སྣ་དག་སེལ་པར་བྱེད་པ་དང་། སེམས་ཅན་དེ་དག་ཀྱང་
D721.093.0187a04.01སངས་རྒྱས་དང་། ཆོས་དང་། དགེ་འདུན་དག་ལ་དད་པ་རབ་ཏུ་ཐོབ་ནས་སངས་རྒྱས་ཀྱི་ཞིང་རྣམས་སུ་སྐྱེ་ཞིང་ནམ་དུ་ཡང་སྡུག་བསྔལ་ཉམས་སུ་མྱོང་བར་མི་འགྱུར་ལ། ཡིད་མི་བདེ་བར་མི་འགྱུར་བས་ན་རིགས་ཀྱི་བུ་དེའི་ཕྱིར་ཏིང་ངེ་འཛིན་འདི་ནི་དེ་བཞིན་གཤེགས་པ་ཐམས་ཅད་ཀྱིས་བྱིན་
D721.093.0187a05.01གྱི་རླབས་སེམས་ཅན་ལ་གཟིགས་ཤིང་སངས་རྒྱས་ཀྱི་ཞིང་གི་བཀོད་པ་ཀུན་ཏུ་སྟོན་པ་ཞེས་བྱ་སྟེ། འདི་ཐོས་པའི་སེམས་ཅན་རྣམས་ནི་ཕྱིར་མི་ལྡོག་པར་ངེས་པའི་ས་ཐོབ་པར་འགྱུར་རོ། །གསོལ་བ་བཅོམ་ལྡན་འདས་ཅིའི་སླད་དུ། རིགས་ཀྱི་བུ་དང་། རིགས་ཀྱི་བུ་མོ་དེ་དག་ལུང་
D721.093.0187a06.01བསྟན་པར་འགྱུར་ལགས། བཅོམ་ལྡན་འདས་དགྲ་བཅོམ་པ་ཉིད་ཀྱང་དཀའ་བ་ལགས་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལྟ་ཅི་སྨོས་ཀྱང་མི་འཚལ་ལགས་ན་དེ་དག་གི་བསོད་ནམས་ཀྱི་ཕུང་པོ་དང་། དཀའ་བ་སྤྱོད་པ་ཇི་ཙམ་ཞིག་ཏུ་འགྱུར་ལགས། བཅོམ་ལྡན་འདས་
D721.093.0187a07.01