完整藏文原文 · 德格版页 当前仅加载第 93 函德格 197a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་དང་། བློན་པོ་དེ་དག་གིས་རྟག་པར་རྒྱུན་དུ་ཆོས་ཀྱི་རྣམ་གྲངས་འདི་མཆོད་པར་བྱའོ། །གང་ཆོས་ཀྱི་རྣམ་གྲངས་འདི་སྒྲོགས་པར་བྱེད་པ་དང་། རྗོད་པར་བྱེད་པ་དང་། དོན་ཀྱང་ཉེ་བར་སྒྲུབ་པར་བྱེད་པའི་དགེ་བའི་བཤེས་གཉེན་དེ་དག་ལ་ཡང་དེ་བཞིན་གཤེགས་པ་ཉིད་དུ་
D721.093.0197a01.01འདུ་ཤེས་བསྐྱེད་པར་བྱ་ཞིང་། དེ་དག་གིས་བསྙེན་བཀུར་བྱས་ཏེ་ཆོས་ཀྱི་རྣམ་གྲངས་འདི་མཉན་པར་བྱ། གཟུང་བར་བྱ། བཅང་བར་བྱ། བཀླག་པར་བྱ། ཡིད་ལ་བྱ་ཞིང་འདི་ལྟར་སེམས་བསྐྱེད་པར་ཡང་བྱ་སྟེ། བདག་ཅག་དོན་མེད་པ་ལ་དོན་དུ་འདུ་ཤེས་པ་དང་། མི་རྟག་པ་ལ་རྟག་པར་
D721.093.0197a02.01འདུ་ཤེས་པ་དང་། སྡུག་བསྔལ་བ་ལ་བདེ་བར་འདུ་ཤེས་ཤིང་། ལམ་མ་ཡིན་པར་ཞུགས་པ་ལ་ལམ་ཉེ་བར་སྟོན་པ་གང་ཡིན་པ་དང་། བདག་ཅག་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་ལས་ཡོངས་སུ་ཐར་བར་བྱ་བའི་ཕྱིར་དེ་བཞིན་གཤེགས་པའི་
D721.093.0197a03.01མཛད་པ་བྱེད་པ་གང་ཡིན་པ་དེ་ནི་བདག་གིས་རྙེད་པ་ལེགས་པར་རྙེད་དོ་སྙམ་དུ་སེམས་བསྐྱེད་པར་ཡང་བྱའོ། །སྤྱན་རས་གཟིགས་དབང་ཕྱུག་གིས་གསོལ་བ། བཅོམ་ལྡན་འདས་ཆོས་ཀྱི་རྣམ་གྲངས་འདི་ནི་སེམས་ཅན་ཐམས་ཅད་ལ་དེ་བཞིན་གཤེགས་པའི་མཛད་པ་མཛད་པ་ཆེན་པོས་ཡང་
D721.093.0197a04.01དག་པར་བཤད་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཆོས་ཀྱི་རྣམ་གྲངས་འདི་ནི་ཕྱི་མའི་དུས་ཕྱི་མའི་ཚེ་ན། ལྷོ་ཕྱོགས་ཀྱི་རྒྱུད་ན་སྤྱོད་པར་འགྱུར་ཏེ། དེར་ཡང་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དང་། རྒྱལ་པོ་དང་། རྒྱལ་བུ་དང་། བློན་
D721.093.0197a05.01པོ་ཆེན་པོ་དང་། བློན་པོ་སྣོད་དུ་གྱུར་པ་མཆོད་པ་བྱེད་པ། འཛིན་པར་བྱེད་པ། ཀློག་པར་བྱེད་པ་དག་འབྱུང་བར་འགྱུར་ཞིང་། དད་པར་འགྱུར། ཡིད་ཆེས་པར་འགྱུར་རོ། །གལ་ཏེ་བྱང་དང་། ཤར་དང་། ནུབ་ཕྱོགས་ཀྱི་རྒྱུད་དག་ན་སྤྱོད་པར་འགྱུར་ན། ཡང་དེ་ན་གང་དག་ཉན་པར་མི་བྱེད་པ་དང་། དད་
D721.093.0197a06.01པར་མི་བྱེད་པ་དང་། ཡིད་ཆེས་པར་མི་བྱེད་པ་དང་། མཆོད་པར་མི་བྱེད་པ་དང་། བརྩོན་འགྲུས་ཞན་པ་དང་། བརྗེད་ངས་པ་དང་། བུ་སྨད་དང་། བྲན་དང་། བྲན་མོ་དང་། ལོངས་སྤྱོད་དང་། དབང་ཕྱུག་དང་། བཞད་གད་དང་། འཇོ་སྒེག་དང་། བྲོ་དང་། གར་དང་། གླུ་སྣ་ཚོགས་ཀྱིས་རྣམ་པར་གཡེངས་ཤིང་།
D721.093.0197a07.01