完整藏文原文 · 德格版页 当前仅加载第 93 函德格 193b 版页；藏文 NFD、目录标记与异常页序保留在来源切片中，重复版页行以稳定序号区分。
གཏེར་ལྟ་འཚལ་བ་དང་། ནོར་སྒྱུར་འཚལ་བ་དང་། ཕ་རོལ་གྱི་སེམས་འཚལ་བ་དང་། ཚེ་རིང་བ་དང་། དམ་པ་ཅི་འཚལ་བ་ཡང་སྩལ་བར་བགྱི་ལགས་སོ། །དེས་ཀྱང་སེམས་ཅན་ཐམས་ཅད་ལ་བྱམས་པའི་སེམས་དང་། ང་རྒྱལ་དང་། ཁྲོ་བ་དང་། ཕྲག་དོག་དང་། སེར་
D721.093.0193b01.01སྣ་ཡོངས་སུ་སྤངས་པའི་སེམས་སུ་བགྱིའོ། །མཆོད་རྟེན་དང་། ཆོས་དང་། དགེ་འདུན་གྱི་ནོར་འཕྲོག་པ་ཡོངས་སུ་སྤང་བ་དང་། དེ་བཞིན་གཤེགས་པ་རྣམས་ལ་དད་པ་མི་ཕྱེད་པར་བགྱིའོ། །བཅོམ་ལྡན་འདས་གལ་ཏེ་མཚམས་མ་མཆིས་པ་བགྱིད་པ་ཞིག་གིས་
D721.093.0193b02.01ཀྱང་ལན་གསུམ་བསྒྲུབས་ཏེ་བདག་གིས་མ་སྩལ་བར་གྱུར་ན་བཅོམ་ལྡན་འདས་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་མ་གྱུར་ཅིག །གལ་ཏེ་སངས་རྒྱས་ལ་མ་དད་པར་གྱུར་པ་དང་། ཡིད་གཉིས་སུ་གྱུར་པ་གང་
D721.093.0193b03.01ལགས་པ་དང་། སྡིག་པ་མི་དགེ་བའི་ཆོས་བགྱིས་ནས་འགྱོད་པར་མི་བགྱིད་པ་དང་། ཉོན་མོངས་པ་དང་། ཉེ་བའི་ཉོན་མོངས་པའི་སེམས་དང་ལྡན་པ་གང་ལགས་པ་དེ་དག་ལ་ཡང་བདག་མཐོང་བ་སྩལ་བར་བགྱི་ཞིང་ཐོབ་པར་ཡང་བགྱི་ལགས་སོ། །དེ་ནས་བཅོམ་
D721.093.0193b04.01ལྡན་འདས་ཀྱིས་གནོད་སྦྱིན་མོ་ཆེན་མོ་དཔེ་མེད་མ་ལ་ལེགས་སོ་ཞེས་བྱ་བ་བྱིན་ཏེ། སྲིང་མོ་ལེགས་སོ་ལེགས་སོ། །སྲིང་མོ་ཁྱོད་ཀྱིས་སེམས་ཅན་ཐམས་ཅད་ཀྱི་དོན་དུ་སྡིག་པ་ཀུན་ཏུ་སྤྱོད་པའི་སེམས་ཅན་རྣམས་ལ་གསང་སྔགས་ཀྱི་གཞི་འདི་ལྟ་བུ་འདི་དག་སྨྲས་ཤིང་དམ་བཅའ་
D721.093.0193b05.01བ་ཡང་བྱས་པ་ནི་ཡང་ཁྱོད་ལེགས་སོ། །ཁྱོད་སྙིང་རྗེ་ཆེན་པོ་འདི་ལྟ་བུ་འདིས་སེམས་ཅན་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་རབ་ཏུ་དགོད་ནུས་པར་འགྱུར་གྱིས་ཁྱོད་ཀྱིས་དེ་བཞིན་དུ་གྱིས་ཤིག །དེ་ནས་ལྷ་མོ་ཆེན་མོ་དུང་ཅན་མས་བཅོམ་ལྡན་འདས་
D721.093.0193b06.01ལ་མེ་ཏོག་སྣ་ཚོགས་དང་། སྤོས་སྣ་ཚོགས་དག་གིས་མཆོད་པ་བྱས་ཏེ་བསྐོར་བ་བྱས་ནས། བཅོམ་ལྡན་འདས་ཀྱི་ཞབས་གཉིས་ལ་གཏུགས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་དེ་བཞིན་གཤེགས་པའི་བྱིན་
D721.093.0193b07.01