完整藏文原文 · 德格版页 当前仅加载第 93 函德格 197b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྲག་དོག་དང་། སེར་སྣའི་དྲན་པས་ཉན་པར་མི་བྱེད། ཡིད་ཆེས་པར་མི་བྱེད་པའི་སེམས་ཅན་དེ་དག་ནི་བདུད་ཀྱི་ལས་ལ་མངོན་པར་བརྩོན་པ་ཡིན་ཏེ། དེ་དག་ནི་སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་
D721.093.0197b01.01བདེ་བ་དང་། འཁྲུག་པ་དག་དང་། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དང་། {ཡི་དགས་,ཡི་དྭགས་}ཀྱི་ཡུལ་རྣམས་ལས་ཡོངས་སུ་མི་ཐར་བ་ཁོ་ནར་འགྱུར་རོ། །དེ་ལྟ་བས་ན་རིགས་ཀྱི་བུ་དང་། རིགས་ཀྱི་བུ་མོ་བདག་ཉིད་ངན་སོང་ཐམས་ཅད་ལས་
D721.093.0197b02.01ཡོངས་སུ་ཐར་བར་འདོད་པ་དེ་དག་གིས་བསྙེན་བཀུར་བྱས་ཏེ་ཆོས་ཀྱི་རྣམ་གྲངས་འདི་མཆོད་པར་བྱ་ཞིང་། གཞན་དག་ལ་ཡང་ཡང་དག་པར་བསྟན་པར་བྱ་ཡིད་ལ་ཡང་གཟུང་བར་བྱའོ། །ཁྲག་ཁྲུག་དང་། འཁྲུག་ཀློང་དང་། རྨི་ལམ་ངན་པ་དང་། ལྟས་ངན་པ་དག་དང་། དུས་མ་ཡིན་པར་འཆི་བ་
D721.093.0197b03.01དང་། གནག་ནད་དང་། ཕྱུགས་ནད་དང་། མི་ནད་དག་དང་། ནད་དང་། འཇིགས་པ་དང་། གནོད་པ་སྣ་ཚོགས་དག་ལ་ཡང་ཆོས་ཀྱི་རྣམ་གྲངས་འདི་མཆོད་པ་བྱས་ཏེ་བཀླག་པར་བྱའོ། །རྒྱལ་མཚན་བཙུགས་ལ་མེ་ཏོག་དང་། བདུག་སྤོས་དང་། སྤོས་དང་། རོལ་མོའི་སྒྲ་སྣ་ཚོགས་དག་གིས་
D721.093.0197b04.01མཆོད་ཅིང་ཕྱོགས་བཞིར་གཏོར་མ་གཏོར་ལ་མེ་ཏོག་དང་། བདུག་སྤོས་དང་། སྤོས་དག་གིས་ཕྱག་བྱས་ཏེ་འཇུག་པར་བྱས་ན། དེར་ཡམས་ཀྱི་ནད་དང་། གནོད་པ་དང་། འགོ་བའི་ནད་ཐམས་ཅད་ཀྱང་རབ་ཏུ་ཞི་བར་འགྱུར་རོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་
D721.093.0197b05.01བཅད་པ་འདི་དག་བཀའ་སྩལ་ཏོ། །སྔོན་གྱི་སྲིད་པར་འདྲེན་པས་གང་གསུངས་ཤིང་། །སེམས་ཅན་ཐམས་ཅད་རྗེས་སུ་གཟུང་བའི་ཕྱིར། །ད་ལྟར་ངས་ཀྱང་ཁྱོད་ལ་བཤད་པ་ཡི། །ཏིང་འཛིན་འདི་ནི་ཟུང་ཤིག་ཀུན་དགའ་བོ། །སངས་རྒྱས་ཆོས་དང་དགེ་འདུན་དཀོན་མཆོག་ལ། །གང་གིས་
D721.093.0197b06.01ཁམས་གསུམ་སྦྱིན་པར་བྱིན་པ་བས། །མདོ་སྡེ་འདི་ལ་མཆོད་པ་བྱས་ན་ནི། །སྦྱིན་པས་དེ་ཡི་དཔེར་ཡང་མི་ཕོད་དོ། །གང་གིས་སངས་རྒྱས་ལ་ནི་དད་བྱས་ཏེ། །ཚད་མེད་གཙུག་ལག་ཁང་དག་བརྩིགས་པ་བས། །གང་ཞིག་མདོ་འདི་འཛིན་པ་གང་ཡིན་པ། །དེ་ནི་དེ་བས་བསོད་ནམས་མང་པོར་འགྱུར། །
D721.093.0197b07.01