完整藏文原文 · 德格版页 当前仅加载第 44 函德格 211b 版页；藏文 NFD、目录标记与异常页序保留在来源切片中，重复版页行以稳定序号区分。
མས་ཡོངས་སུ་བསྐོར་ཅིང་མདུན་གྱིས་བལྟས་ནས་ཆོས་སྟོན་ཏེ། སེང་གེ་ལྟར་ནི་སྒྲོགས། ཉི་མ་ལྟར་ནི་ལྷན་ནེ། ཟླ་བ་ལྟར་ནི་ལྷམ་མེ། སྒྲོན་མ་ལྟར་ནི་འབར། བརྒྱ་བྱིན་ལྟར་ནི་ལྷང་ངེ་། ཚངས་པ་ལྟར་ནི་ལྷག་གེ །རྒྱ་མཚོ་ཆེན་པོའི་དབུས་ནས་རི་རབ་ལྟར་ནི་འཕགས་ཏེ། འཁོར་
D91.044.0211b01.01ཆེན་པོའི་དབུས་སུ་གཤེགས་ནས་ཆོས་སྟོན་པ་ནི་ཚངས་པར་སྤྱོད་པ། ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ་འདི་ལྟ་སྟེ། བྱང་ཆུབ་སེམས་དཔའ་
D91.044.0211b02.01སེམས་དཔའ་ཆེན་པོ་རྣམས་ཀྱི་བྱང་ཆུབ་སེམས་དཔའི་སྤྱོད་པ་རྣམ་པར་དག་པ་ཞེས་བྱ་བའི་ཆོས་ཀྱི་སྒོ་ལས་བརྩམས་ནས། ཇི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་བྱང་ཆུབ་སེམས་དཔའི་སྤྱོད་པ་ཡོངས་སུ་དག་པ་ལ་སྤྱོད་པར་འགྱུར་བ་ཡང་དག་པར་རབ་
D91.044.0211b03.01ཏུ་སྟོན་ཏོ། །ཡང་དེའི་ཚེ་ཤར་ཕྱོགས་ལོགས་ཀྱི་སངས་རྒྱས་ཀྱི་ཞིང་བརྒྱ་སྟོང་ཕྲག་དགུ་བཅུ་རྩ་གཉིས་འདས་པ་ན་འཇིག་རྟེན་གྱི་ཁམས་ལེགས་པར་སྤྲུལ་པ་ཞེས་བྱ་བ་དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོངས་སུ་དག་པར་རབ་
D91.044.0211b04.01ཏུ་གནས་པ་ཞེས་བྱ་བ་ད་ལྟ་ན་བཞུགས་ཏེ། འཚོ་ཞིང་གཞེས་ལ་ཆོས་ཀྱང་སྟོན་པ་དེའི་གན་ནས་བྱང་ཆུབ་སེམས་དཔའ་སེམས་དཔའ་ཆེན་པོ་གཙུག་ན་རིན་པོ་ཆེ་ཞེས་བྱ་བ་བྱང་ཆུབ་སེམས་དཔའ་བརྒྱད་སྟོང་དང་ལྷན་ཅིག་ཏུ་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་།
D91.044.0211b05.01ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་བརྒྱ་སྟོང་དུ་མས་ཡོངས་སུ་བསྐོར་ཅིང་མདུན་དུ་བདར་ཏེ། འཇིག་རྟེན་གྱི་ཁམས་ལེགས་པར་སྤྲུལ་པ་དེ་ནས་མི་སྣང་བར་གྱུར་ནས་འཇིག་རྟེན་གྱི་ཁམས་མི་མཇེད་
D91.044.0211b06.01འདིར་གནས་པར་གྱུར་ཏོ། །དེ་ཚངས་པའི་འཇིག་རྟེན་དུ་འདུག་ནས་རིན་པོ་ཆེའི་གདུགས་གཅིག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཁེབས་པར་བྱས་ཏེ། མེ་ཏོག་ཁ་དོག་དུ་མ། ཁ་དོག་སྣ་ཚོགས་དག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་
D91.044.0211b07.01