完整藏文原文 · 德格版页 当前仅加载第 44 函德格 230b 版页；藏文 NFD、目录标记与异常页序保留在来源切片中，重复版页行以稳定序号区分。
པ་བཞི་པོ་དེ་དག་ལ་གནས་པ་དེ་ཕྱིན་ཅི་ལོག་བཞི་རབ་ཏུ་སྤོང་སྟེ། བཞི་གང་ཞེ་ན་འདི་ལྟ་སྟེ། ལུས་ལ་ལུས་ཀྱི་རྗེས་སུ་ལྟ་ཞིང་གནས་པས་མི་སྡུག་པ་ལ་སྡུག་པར་འདུ་ཤེས་པའི་ཕྱིན་ཅི་ལོག་རབ་ཏུ་སྤོང་ངོ་། །ཚོར་བ་རྣམས་ལ་ཚོར་བའི་རྗེས་སུ་ལྟ་ཞིང་གནས་པས་སྡུག་བསྔལ་བ་ལ་བདེ་བར་
D91.044.0230b01.01འདུ་ཤེས་པའི་ཕྱིན་ཅི་ལོག་རབ་ཏུ་སྤོང་ངོ་། །སེམས་ལ་སེམས་ཀྱི་རྗེས་སུ་ལྟ་ཞིང་གནས་པས་མི་རྟག་པ་ལ་རྟག་པར་འདུ་ཤེས་པའི་ཕྱིན་ཅི་ལོག་རབ་ཏུ་སྤོང་ངོ་། །ཆོས་རྣམས་ལ་ཆོས་ཀྱི་རྗེས་སུ་ལྟ་ཞིང་གནས་པས་བདག་མེད་པ་ལ་བདག་ཏུ་འདུ་ཤེས་པའི་ཕྱིན་ཅི་ལོག་རབ་ཏུ་སྤོང་ངོ་། །དེ་ཕྱིན་
D91.044.0230b02.01ཅི་ལོག་མེད་པས་ཡང་དག་པ་ཉིད་སྒྲུབ་བོ། །ཡང་དག་པ་ཉིད་ལ་ཞུགས་ནས་བྱང་ཆུབ་སེམས་དཔའི་སྤྱོད་པ་ཐམས་ཅད་རྣམ་པར་དག་པར་འགྱུར་རོ། །རིགས་ཀྱི་བུ་དེ་ལྟར་བྱང་ཆུབ་སེམས་དཔའི་སྤྱོད་པ་ཡོངས་སུ་དག་པ་དེ་ཡང་དག་པར་སྤོང་བའི་སྤྱོད་པ་ཡོངས་སུ་དག་པ་རབ་ཏུ་འཐོབ་སྟེ། ཡང་
D91.044.0230b03.01དག་པར་སྤོང་བའི་སྤྱོད་པ་ཡོངས་སུ་དག་པ་གང་ཞེ་ན། གང་བྱང་ཆུབ་སེམས་དཔའ་དེ་འབད་པ་མེད་ཅིང་ལྷུན་གྱིས་གྲུབ་པས་དགེ་བའི་ཆོས་ལ་སྦྱོར་བ་ལ་སེམས་འཇུག་གི་མི་དགེ་བ་ལ་ནི་མ་ཡིན་ནོ། །དེ་ཕྱིར་ཞིང་སྡིག་པ་མི་དགེ་བའི་ཆོས་སྐྱེས་པ་རྣམས་སྤང་བའི་ཕྱིར་བརྩོན་འགྲུས་རྩོམ་པ་
D91.044.0230b04.01དང་། སྡིག་པ་མི་དགེ་བའི་ཆོས་མ་སྐྱེས་པ་རྣམས་མི་བསྐྱེད་པའི་ཕྱིར་བརྩོན་འགྲུས་རྩོམ་པ་དང་། དགེ་བའི་ཆོས་མ་སྐྱེས་པ་རྣམས་བསྐྱེད་པའི་ཕྱིར་བརྩོན་འགྲུས་རྩོམ་པ་དང་། དགེ་བའི་ཆོས་སྐྱེས་པ་རྣམས་གནས་པ་དང་། ཉམས་པར་མི་འགྱུར་བ་དང་། ཕྱིར་ཞིང་འབྱུང་བ་དང་། ཡོངས་
D91.044.0230b05.01སུ་རྫོགས་པར་བྱ་བའི་ཕྱིར་བརྩོན་འགྲུས་རྩོམ་པའོ། །རིགས་ཀྱི་བུ་བྱང་ཆུབ་སེམས་དཔའ་དེ་སྔོན་གྱི་ལས་ཡོངས་སུ་དག་པའི་ཕྱིར་རང་གི་ངང་ཉིད་ཀྱིས་དགེ་བའི་ཆོས་རྣམས་མངོན་དུ་འགྱུར་ཏེ། འབད་པ་མེད་ཅིང་ལྷུན་གྱིས་གྲུབ་པས་དགེ་བའི་ཆོས་མ་སྐྱེས་པ་རྣམས་ནི་སྐྱེའོ། །དགེ་
D91.044.0230b06.01བའི་ཆོས་སྐྱེས་པ་རྣམས་ནི་ཉམས་པར་མི་འགྱུར་རོ། །རིགས་ཀྱི་བུ་འདི་ལྟར་བྱང་ཆུབ་སེམས་དཔའི་སྤྱོད་པ་ཡོངས་སུ་དག་པ་དེ་ཡང་དག་པར་སྤོང་བ་བཞི་པོ་འདི་དག་སེམས་ཀྱིས་དབང་སྒྱུར་བར་འགྱུར་གྱི། བརྩོན་འགྲུས་ཀྱིས་དབང་སྒྱུར་བར་འགྱུར་བ་ནི་མ་ཡིན་ནོ། །དེ་དག་པ་དང་།
D91.044.0230b07.01