完整藏文原文 · 德格版页 当前仅加载第 44 函德格 237b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། སྟོང་པ་ཉིད་དུ་ལྟ་བ་ཡང་ལྡང་བར་མི་བྱེད་དོ། །དེ་ཅིའི་ཕྱིར་ཞེ་ན། འཇིག་ཚོགས་ལ་ལྟ་བ་དང་། ངར་འཛིན་པར་ལྟ་བ་དང་། ང་ཡིར་འཛིན་པར་ལྟ་བ་དང་། སྟོང་པ་ཉིད་དུ་ལྟ་བ་དེ་ནི་མཚུངས་སོ། །དེ་སངས་རྒྱས་སུ་ལྟ་བ་དང་། ཆོས་སུ་ལྟ་བ་དང་། དགེ་འདུན་དུ་ལྟ་བ་དང་།
D91.044.0237b01.01སྟོང་པ་ཉིད་དུ་ལྟ་བ་ཡང་ལྡང་བར་མི་བྱེད་དོ། །དེ་ཅིའི་ཕྱིར་ཞེ་ན། སངས་རྒྱས་སུ་ལྟ་བ་དང་། ཆོས་སུ་ལྟ་བ་དང་། དགེ་འདུན་དུ་ལྟ་བ་དང་། སྟོང་པ་ཉིད་དུ་ལྟ་བ་དེ་ནི་མཚུངས་སོ། །རིགས་ཀྱི་བུ་དེ་ལྟར་ན་ལྟ་བའི་དམིགས་པ་ནི་ཇི་ཙམ་དུ་ཆུང་དུ་ན་མྱ་ངན་ལས་འདས་པ་ལ་ལྟ་བའི་
D91.044.0237b02.01དམིགས་པ་ཡང་རུང་སྟེ། དེ་ཙམ་དུ་ཡང་དག་པའི་ལྟ་བ་མ་ཡིན་ནོ། །གང་ཐ་མ་དང་། རབ་དང་འབྲིང་གི་ལྟ་བར་གྱུར་པ་ཐམས་ཅད་དང་བྲལ་བ་འདི་ནི་ཡང་དག་པའི་ལྟ་བ་ཞེས་བྱའོ། །དེ་ཅིའི་ཕྱིར་ཞེ་ན། འདི་ལྟར་དེ་མཉམ་པར་ལྟའི་མི་མཉམ་པར་མ་ཡིན་ནོ། །ཇི་ལྟར་ན་མཉམ་
D91.044.0237b03.01པར་ལྟའི་མི་མཉམ་པར་མ་ཡིན་ཞེ་ན། སོ་སོའི་སྐྱེ་བོའི་ཆོས་རྣམས་ནི་དམན་པ། སློབ་པའི་ཆོས་རྣམས་ནི་དམ་པའོ་སྙམ་དུ་གལ་ཏེ་དེ་ལྟར་ལྟ་ན་མི་མཉམ་པར་ལྟ་བའོ། །སོ་སོའི་སྐྱེ་བོའི་ཆོས་རྣམས་ནི་ཟག་པ་དང་བཅས་པ་མི་སློབ་པའི་ཆོས་རྣམས་ནི་ཟག་པ་མེད་པའོ་སྙམ་དུ་གལ་
D91.044.0237b04.01ཏེ་དེ་ལྟར་ལྟ་ན་མི་མཉམ་པར་ལྟ་བའོ། །སོ་སོའི་སྐྱེ་བོའི་ཆོས་རྣམས་ནི་ཟང་ཟིང་དང་བཅས་པ་རང་སངས་རྒྱས་ཀྱི་ཆོས་རྣམས་ནི་ཟང་ཟིང་མེད་པའོ་སྙམ་དུ་གལ་ཏེ་དེ་ལྟར་ལྟ་ན་མི་མཉམ་པར་ལྟ་བའོ། །སོ་སོའི་སྐྱེ་བོའི་ཆོས་རྣམས་ནི་ཉོན་མོངས་པ་དང་བཅས་པ། བྱང་ཆུབ་སེམས་
D91.044.0237b05.01དཔའི་ཆོས་རྣམས་ནི་ཉོན་མོངས་པ་མེད་པའོ་སྙམ་དུ་གལ་ཏེ་དེ་ལྟར་ལྟ་ན་མི་མཉམ་པར་ལྟ་བའོ། །སོ་སོའི་སྐྱེ་བོའི་ཆོས་རྣམས་ནི་འདུས་བྱས་ཡིན། སངས་རྒྱས་ཀྱི་ཆོས་རྣམས་ནི་འདུས་མ་བྱས་ཡིན་ནོ་སྙམ་དུ་གལ་ཏེ་དེ་ལྟར་ལྟ་ན་མི་མཉམ་པར་ལྟ་བའོ། །ནམ་སོ་སོའི་སྐྱེ་
D91.044.0237b06.01བོའི་ཆོས་ཀྱི་རང་བཞིན་གྱིས་ཆོས་ཐམས་ཅད་སློབ་པའི་ཆོས་ཀྱི་རང་བཞིན་གྱི་ངོ་བོ་ཉིད་དུ་མཐོང་སྟེ། དེ་ལྟར་ལྟ་བ་ནི་ཡང་དག་པའི་ལྟ་བ་ཞེས་བྱའོ། །སོ་སོའི་སྐྱེ་བོའི་ཆོས་སྟོང་པ་ཉིད་དང་། མི་སློབ་པའི་ཆོས་སྟོང་པ་ཉིད་མཚུངས་པར་མཐོང་སྟེ། དེ་ལྟར་ལྟ་བ་ནི་ཡང་
D91.044.0237b07.01