完整藏文原文 · 德格版页 当前仅加载第 44 函德格 241a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཡང་རབ་ཏུ་ཤེས་པ་དང་། ཕྱི་མའི་མཐར་སེམས་སྐྱེ་བར་འགྱུར་བ་གང་ཡིན་པ་དེ་ཡང་རབ་ཏུ་ཤེས་པ་དང་། ད་ལྟར་བྱུང་བའི་དུས་ན་སེམས་སྐྱེ་བ་གང་ཡིན་པ་དེ་ཡང་རབ་ཏུ་ཤེས་པ་དང་། རྒྱུ་དང་། རྐྱེན་དང་། དམིགས་པར་ལྡན་པ་དང་། ངེས་པ་དང་། མ་ངེས་པ་
D91.044.0241a01.01དང་། ལོག་པ་ཉིད་དུ་ངེས་པ་དང་། ཡང་དག་པ་ཉིད་དུ་ངེས་པའི་སེམས་ཅན་རྣམས་ཀྱི་སེམས་ཀྱི་སྤྱོད་པ་རབ་ཏུ་ཤེས་པ་དང་། འདོད་ཆགས་ལ་སྤྱོད་པ་རྣམས་དང་། ཞེ་སྡང་ལ་སྤྱོད་པ་རྣམས་དང་། གཏི་མུག་ལ་སྤྱོད་པ་རྣམས་དང་། ཆ་མཉམ་པ་ལ་སྤྱོད་པའི་སེམས་
D91.044.0241a02.01ཅན་རྣམས་ཀྱི་སེམས་ཀྱི་སྤྱོད་པ་རྣམས་རབ་ཏུ་ཤེས་ཏེ། ཤེས་ནས་ཀྱང་དེ་ཁོ་ན་བཞིན་དུ་དེ་དང་འཐུན་པར་ཆོས་སྟོན་པ་སྟེ། རིགས་ཀྱི་བུ་འདི་ནི་བྱང་ཆུབ་སེམས་དཔའི་ཕ་རོལ་གྱི་སེམས་ཤེས་པའི་མངོན་པར་ཤེས་པའི་སྤྱོད་པ་ཡོངས་སུ་དག་པ་རྣམ་པ་ལྔའོ། །དེ་སྔོན་གྱི་གནས་
D91.044.0241a03.01རྗེས་སུ་དྲན་པའི་མངོན་པར་ཤེས་པའི་སྤྱོད་པ་ཡོངས་སུ་དག་པ་རྣམ་པ་ལྔ་དང་ལྡན་པ་ཡིན་ཏེ། རྣམ་པ་ལྔ་གང་ཞེ་ན། སེམས་གང་འདོད་ཆགས་ཀྱི་རྒྱུ་ལས་བྱུང་བ་རྣམས་དང་། ཞེ་སྡང་གི་རྒྱུ་ལས་བྱུང་བ་རྣམས་དང་། གཏི་མུག་གི་རྒྱུ་ལས་བྱུང་བ་རྣམས་དང་། དེ་དག་གིས་
D91.044.0241a04.01ལུས་ཅི་འདྲ་བ་ཡོངས་སུ་བཟུང་བ་དེ་དག་ཀྱང་རྗེས་སུ་དྲན་པ་དང་། སེམས་གང་སྦྱིན་པའི་རྒྱུ་ལས་བྱུང་བ་རྣམས་དང་། ཚུལ་ཁྲིམས་ཀྱི་རྒྱུ་ལས་བྱུང་བ་རྣམས་དང་། བྱམས་པའི་རྒྱུ་ལས་བྱུང་བ་རྣམས་དང་། སྙིང་རྗེའི་རྒྱུ་ལས་བྱུང་བ་རྣམས་དང་། ཏིང་ངེ་འཛིན་གྱི་རྒྱུ་ལས་བྱུང་
D91.044.0241a05.01བ་རྣམས་དང་། དེ་དག་གིས་ལུས་ཅི་འདྲ་བ་ཡོངས་སུ་བཟུང་བ་དེ་དག་ཀྱང་རྗེས་སུ་དྲན་པ་དང་། སེམས་གང་རྒྱུ་དང་མི་འདྲ་བ་རྣམས་དང་། རྐྱེན་དང་མི་འདྲ་བ་རྣམས་དང་། དམིགས་པ་དང་མི་འདྲ་བ་རྣམས་དང་། དེ་དག་གིས་ལུས་ཅི་འདྲ་བ་ཡོངས་སུ་བཟུང་བ་དེ་དག་ཀྱང་རྗེས་
D91.044.0241a06.01སུ་དྲན་པ་དང་། སེམས་གང་ལུང་དུ་མ་བསྟན་པ་རྣམས་དང་། མ་རིག་པ་དང་། གཏི་མུག་གིས་ཡང་དག་པར་བསྡུས་པ་རྣམས་དང་། དེ་དག་གིས་ལུས་ཅི་འདྲ་བ་ཡོངས་སུ་བཟུང་བ་དེ་དག་ཀྱང་རྗེས་སུ་དྲན་པ་དང་། དེ་དག་གི་ཚེ་དང་། ཁ་དོག་དང་། གཟུགས་དང་།
D91.044.0241a07.01