完整藏文原文 · 德格版页 当前仅加载第 44 函德格 253a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་རོ། །དེ་དག་གི་ལོངས་སྤྱོད་དང་ཀུན་སྤྱོད་པ་ཐམས་ཅད་ཀྱང་བསམས་པ་ཙམ་གྱིས་འབྱུང་བར་འགྱུར་རོ། །གང་འཇིག་རྟེན་གྱི་ཁམས་དེར་ལྷ་དང་མི་འབྱུང་བ་དེ་དག་ཐམས་ཅད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་འགྱུར་རོ། །དེ་ན་མི་ཁོམ་པ་དང་ངན་སོང་
D91.044.0253a01.01རྣམས་ཀྱི་མིང་ཡང་མེད་པར་འགྱུར་རོ། །དེ་ན་བཅོམ་ལྡན་འདས་དེ་བཞིན་གཤེགས་པ་རིན་པོ་ཆེ་འབྱུང་བ་བླ་ན་མེད་པའི་ཆོས་ཀྱི་རྒྱལ་པོ་མ་གཏོགས་པར་རྒྱལ་པོ་གཞན་འབྱུང་བར་མི་འགྱུར་རོ། །ལྷ་དང་མི་དེ་དག་ཐམས་ཅད་ཀྱང་རྫུས་ཏེ་སྐྱེ་བར་འགྱུར་རོ། །འཇིག་རྟེན་གྱི་ཁམས་དེ་ན་བུད་མེད་དང་
D91.044.0253a02.01འཁྲིག་ཅིང་འདུ་བའི་མིང་ཡང་མེད་པར་འགྱུར་རོ། །འཇིག་རྟེན་གྱི་ཁམས་དེ་ན་སེམས་ཅན་ལོང་བའམ། ཞར་བའམ། ཞ་བོ་འམ། སྒུར་པོའམ། ཡན་ལག་མ་ཚང་བར་འགྱུར་བ་གང་ཡང་མེད་དེ། དེ་དག་ཐམས་ཅད་ཀྱང་ལུས་མཚན་གྱིས་ལེགས་པར་བརྒྱན་པར་འགྱུར་རོ། །དེ་བཞིན་གཤེགས་པ་དེའི་
D91.044.0253a03.01བྱང་ཆུབ་སེམས་དཔའི་དགེ་འདུན་ཡང་དཔག་ཏུ་མེད་པར་འགྱུར་རོ། །དེའི་ཚེའི་ཚད་ཀྱང་བསྐལ་པ་བར་མ་བཞི་བཅུ་རྩ་གཉིས་ཐོབ་པར་འགྱུར་རོ། །དེ་བཞིན་གཤེགས་པ་དེ་ཡང་བྱང་ཆུབ་དང་རབ་ཏུ་ལྡན་པ། ཕ་རོལ་ཏུ་ཕྱིན་པ་དང་རབ་ཏུ་ལྡན་པ། སྙིང་རྗེ་ཆེན་པོ་དང་རབ་ཏུ་ལྡན་པ། ཐེག་པ་ཆེན་པོ་དང་རབ་ཏུ་
D91.044.0253a04.01ལྡན་པ་མ་གཏོགས་པར་གཏམ་གཞན་སྟོན་པར་མི་འགྱུར་རོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་དབང་པོ་རྣོ་སྟེ་ཟུར་ཙམ་གྱིས་གོ་བར་འགྱུར་རོ། །དེ་དག་ཀྱང་ཆོས་ཀྱི་སྒོའི་ཚིག་རེ་རེས་སངས་རྒྱས་ཐམས་ཅད་ཀྱི་བྱང་ཆུབ་རྗེས་སུ་རྟོགས་པར་འགྱུར་རོ། །དེ་བཞིན་གཤེགས་པ་དེ་ཡང་བྱང་
D91.044.0253a05.01ཆུབ་སེམས་དཔའ་དེ་དག་ལ་རྡོ་རྗེའི་ཚིག་གི་གཟུངས་ཡང་དག་པར་རབ་ཏུ་སྟོན་པར་འགྱུར་རོ། །དེ་ལ་རྡོ་རྗེའི་ཚིག་གི་གཟུངས་གང་ཞེ་ན་འདི་ལྟ་སྟེ། ཚིག་གཅིག་གིས་ཚིག་ཐམས་ཅད་ལ་འཇུག་པའོ། །ཚིག་གཅིག་པོ་དེ་ཡང་གང་ཞེ་ན་འདི་ལྟ་སྟེ། ཚིག་མི་ཟད་པའོ། །ཚིག་མི་ཟད་པ་དེ་ཡང་གང་ཞེ་ན།
D91.044.0253a06.01ཚིག་མི་ཟད་པ་ཞེས་བྱ་བ་ནི་གང་སངས་རྒྱས་ཐམས་ཅད་ཀྱིས་ཀྱང་ཟད་པར་བྱེད་མི་ནུས་པའོ། །ཚིག་མི་ཟད་པ་དེ་ཡང་གང་ཞེ་ན་འདི་ལྟ་སྟེ། ཨ་ཞེས་བྱ་བ་ནི་ཚིག་མི་ཟད་པ་སྟེ། ཨ་ཞེས་བྱ་བ་ལ་ཞུགས་ན་ཡི་གེའི་འབྲུ་ཐམས་ཅད་ལ་འཇུག་པར་འགྱུར་རོ། །དེ་ལྟར་ན་ཡི་གེ་ཐམས་ཅད་ནི་མི་ཟད་
D91.044.0253a07.01