完整藏文原文 · 德格版页 当前仅加载第 44 函德格 232b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ཡོངས་སུ་གདུང་བ་མེད་པ་དང་། སྤོང་བ་རྣམས་ལ་བརྩོན་པ་མི་འདོར་བ་དང་། བདེན་པའི་བརྟུལ་ཞུགས་རྫོགས་པར་བྱེད་པ་དང་། མི་ལྷོད་པར་བརྩོན་པ་དང་། དགོས་པ་གྲུབ་པར་བྱེད་པ་དང་། སྙོམ་ལས་མི་བྱེད་པ་དང་། སེམས་མི་ཞུམ་པ་དང་། འདོད་ཆགས་རྣམ་པར་སེལ་བ་དང་།
D91.044.0232b01.01ཞེ་སྡང་ཉེ་བར་ཞི་བར་བྱེད་པ་དང་། གཏི་མུག་གི་མུན་པ་སེལ་བ་དང་། འདོད་པ་མེད་པ་དང་། ཕྲག་དོག་མེད་པ་དང་། སེར་སྣ་དང་བྲལ་བ་དང་། བསམ་པ་དང་ལྷག་པའི་བསམ་པ་ལ་སྦྱོར་བ་དང་། གཞན་གྱི་དགོས་པ་སྒྲུབ་ཅིང་ཁུར་ཁྱེར་བ་དང་། ཉམ་ཆུང་བ་རྣམས་ཀྱི་ཁུར་སྒྲོལ་བ་དང་།
D91.044.0232b02.01འདམ་རྫབ་ལ་སྟེགས་འདོགས་པ་དང་། ཀླུང་ལ་ཟམ་པས་སྒྲོལ་བ་དང་། ཆུ་བོ་ལ་གྲུ་སྦྱོར་བ་དང་། སེམས་ཅན་གྱི་བསམ་པ་ཡོངས་སུ་རྫོགས་པར་བྱེད་པ་དང་། དགའ་བའི་ཚིག་ཐོས་པར་བྱེད་པ་དང་། གཞན་གྱི་ཉེས་པ་མི་གླེང་བ་དང་། ཉེས་པ་བྱུང་བ་རྣམས་གསོ་བར་བྱེད་པ་དང་། འགྱོད་
D91.044.0232b03.01པ་རྣམས་སེལ་བ་དང་། ཀུན་ནས་ལྡང་བ་རྣམས་རྣམ་པར་སེལ་བ་དང་། ཁམས་གང་གིས་འབྱུང་བ་ཁོང་དུ་ཆུད་པ་དང་། ཕངས་པའི་དངོས་པོ་ཐམས་ཅད་ཡོངས་སུ་གཏོང་བ་དང་། བྱིན་ནས་ཀྱང་འགྱོད་པ་མེད་པ་དང་། སེམས་ཅན་ཐམས་ཅད་ལ་ལྟ་བའི་ཕྱིར་བྱང་ཆུབ་ཏུ་སྔོ་བ་དང་། དད་
D91.044.0232b04.01པ་སྔོན་དུ་འགྲོ་བ་དང་། གཞན་དག་དགེ་བའི་རྩ་བ་ཡང་དག་པར་འཛིན་དུ་འཇུག་པ་དང་། བདག་བདེ་བ་ལ་མི་ཆགས་པ་དང་། བདེ་བ་གཞན་ལ་སྟོབས་པ་དང་། བདག་གི་རྙེད་པས་ཆོག་ཤེས་པ་དང་། གཞན་གྱི་རྙེད་པ་ལ་ཕྲག་དོག་མེད་པ་དང་། རབ་ཏུ་འབྱུང་བ་ལ་གཞོལ་བ་དང་། གཞན་
D91.044.0232b05.01དག་ཀྱང་རབ་ཏུ་འབྱུང་བ་ལ་མོས་པར་བྱེད་པ་དང་། བྱས་པ་གཟོ་བ་དང་། བྱས་པ་ཤེས་པ་དང་། མཛའ་བ་བརྟན་པ་དང་། མཛའ་བ་དང་མི་མཛའ་བ་ལ་སེམས་མཉམ་པ་དང་། རྟ་དང་། གླང་པོ་ཆེ་དང་། ཤིང་རྟ་དང་། དཔུང་བུ་ཆུང་སྦྱིན་པ་དང་། ངལ་བ་རྣམས་ཡང་དག་པར་
D91.044.0232b06.01སྤྲོ་བར་བྱེད་པ་དང་། སེམས་ཅན་ཐམས་ཅད་ལ་མི་འཇིགས་པ་སྦྱིན་པ་དང་། བསླབས་པ་རྣམས་ལ་སྟོན་པ་ཙམ་དུ་ཕངས་པར་འཛིན་པ་དང་། མ་བསླབས་པ་རྣམས་ལ་མི་བརྙས་པ་དང་། དབུལ་པོ་རྣམས་ལ་ལོངས་སྤྱོད་འགེད་པ་དང་། ནད་པ་རྣམས་ཀྱི་གཡོག་བྱེད་པ་དང་། སྨན་
D91.044.0232b07.01