完整藏文原文 · 德格版页 当前仅加载第 44 函德格 218a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་བུ་དེ་ལ་བྱང་ཆུབ་སེམས་དཔའི་བཟོད་པའི་ཕ་རོལ་ཏུ་ཕྱིན་པའི་སྤྱོད་པ་ཡོངས་སུ་དག་པ་གང་ཞེ་ན། རིགས་ཀྱི་བུ་འདི་ལ་བྱང་ཆུབ་སེམས་དཔའ་ནི་དག་ཡོངས་སུ་དག་པས་འདི་ལྟར་གཤེ་ཡང་སླར་མི་གཤེའོ། །ལུས་ཡོངས་སུ་དག་པས་བརྡེགས་ཀྱང་སླར་མི་རྡེག་
D91.044.0218a01.01གོ །སེམས་ཡོངས་སུ་དག་པས་ཁྲོས་ཀྱང་སླར་མི་ཁྲོའོ། །ལྷག་པའི་བསམ་པ་ཡོངས་སུ་དག་པས་འཚིག་པར་བྱས་ཀྱང་སླར་མི་འཚིག་གོ །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་ནི་སེམས་ཅན་ལ་ལྟ་བའི་ཕྱིར་གཞན་གྱིས་ངན་དུ་སྨྲས་སམ། ངན་དུ་བརྗོད་པའི་ཚིག་གི་
D91.044.0218a02.01ལམ་ཐོས་ཀྱང་མི་གཤེའོ། །འཇིག་རྟེན་ཕ་རོལ་ལ་ལྟ་བའི་ཕྱིར་ལག་པ་དང་། བོང་བ་དང་དབྱུག་པས་བརྡེགས་ཀྱང་ཁོང་ཁྲོ་བར་མི་འགྱུར་རོ། །བྱང་ཆུབ་ཀུན་ཏུ་སྲུང་བའི་ཕྱིར་ཡན་ལག་དང་ཉིང་ལག་བཅད་ཀྱང་ཁོང་ཁྲོ་བར་མི་འགྱུར་རོ། །རིགས་ཀྱི་བུ་གཞན་ཡང་བྱང་ཆུབ་སེམས་
D91.044.0218a03.01དཔའ་ནི་བསྡུ་བའི་དངོས་པོ་ཡོངས་སུ་འཛིན་པའི་ཕྱིར་སློང་བ་ལ་མི་གཤེའོ། །བྱང་ཆུབ་ཀྱི་ལམ་གྱིས་ཉེ་བར་བརྟན་པའི་ཕྱིར་དེ་དག་ལ་བྱམས་པ་ཉེ་བར་སྒྲུབ་བོ། །སྨོན་ལམ་ཡོངས་སུ་རྫོགས་པར་བྱ་བའི་ཕྱིར་དེ་དག་ལ་སྙིང་རྗེ་སྐྱེད་དོ། །བདུད་ཀྱི་ལས་དང་ཉོན་མོངས་པ་ཐམས་ཅད་སྤང་
D91.044.0218a04.01བའི་ཕྱིར་གང་སློང་ཡང་དེ་ལ་ཕན་པར་སེམས་ཤིང་སྙིང་རྗེ་དང་ལྡན་ཏེ་བྱང་ཆུབ་ཀྱི་ཡན་ལག་ཏུ་ངེས་པར་སྦྱིན་པར་བྱེད་དོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་ནི་སངས་རྒྱས་ཀྱི་སྐུ་ཡོངས་སུ་རྫོགས་པར་བྱ་བའི་ཕྱིར་སངས་རྒྱས་རྗེས་སུ་དྲན་ཞིང་བཟོད་དོ། །སྟོབས་བཅུ་
D91.044.0218a05.01ཡོངས་སུ་རྫོགས་པར་བྱ་བའི་ཕྱིར་བྱང་ཆུབ་རྗེས་སུ་དྲན་ཞིང་བཟོད་དོ། །དུས་གསུམ་ལ་ཆགས་པ་མེད་པའི་ཡེ་ཤེས་མཐོང་བ་ཡོངས་སུ་རྫོགས་པར་བྱ་བའི་ཕྱིར་ཡེ་ཤེས་རྗེས་སུ་དྲན་ཞིང་བཟོད་དོ། །བྱམས་པ་ཆེན་པོ་ཡོངས་སུ་རྫོགས་པར་བྱ་བའི་ཕྱིར་ཕན་པར་འདོད་པ་རྗེས་སུ་དྲན་
D91.044.0218a06.01ཞིང་བཟོད་དོ། །སྙིང་རྗེ་ཆེན་པོ་ཡོངས་སུ་རྫོགས་པར་བྱ་བའི་ཕྱིར་འབྲས་བུ་ཡོད་པ་རྣམ་པར་གནོན་པ་རྗེས་སུ་དྲན་ཞིང་བཟོད་དོ། །མི་འཇིགས་པ་ཡོངས་སུ་རྫོགས་པར་བྱ་བའི་ཕྱིར་སེང་གེ་བསྒྱིངས་པ་རྗེས་སུ་དྲན་ཞིང་བཟོད་དོ། །སེམས་ཅན་ཐམས་ཅད་ལ་འདུད་པའི་ཕྱིར་སྤྱི་
D91.044.0218a07.01