完整藏文原文 · 德格版页 当前仅加载第 44 函德格 222b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། དེའི་ཤེས་རབ་དེ་ཡང་འཕགས་པ་ཟག་པ་མེད་པ། འཇིག་རྟེན་ལས་འདས་པ། ངེས་པར་འབྱེད་པའི་ཆ་དང་འཐུན་པ། སེམས་ཅན་གྱི་བསམ་པའི་རྗེས་སུ་ཞུགས་པ། གཏིང་དཔག་དཀའ་སྟེ་མཐོང་བར་དཀའ་ཞིང་ཟབ་ལ་ཁོང་དུ་ཆུད་པར་དཀའ་བ་བྱེ་བྲག་ཕྱེད་ཅིང་ངེས་པར་
D91.044.0222b01.01རྟོགས་པ། ལྟ་བ་དང་བྲལ་བ། བག་ཆགས་བསལ་བ། བདག་སྟོང་པ་ཉིད་དུ་རྟོགས་པ། ཐམས་ཅད་སྟོང་པ་ཉིད་ཀྱི་རྗེས་སུ་ཞུགས་པ། ཆོས་སྟོང་པ་ཉིད་ཀྱི་ཚུལ་ཤེས་པ། དོན་ལ་ངེས་པར་རྟོགས་པ། ཤིན་ཏུ་ལྕིགས་པ། ཤིན་ཏུ་སྦྱངས་པ། ཅི་ཡང་སྣང་བ་མེད་པ།
D91.044.0222b02.01འགལ་བ་མེད་པ། མ་འགགས་པ། དུས་དང་དུས་མ་ཡིན་པ་ལ་རྟོག་པ། དུས་ལས་མི་འདའ་བ། སྐྱོན་མེད་པ། ལེགས་པར་བསྲུངས་པ། སྐྱོན་མེད་པ་ལ་དགའ་བ། བདེན་པ་ཁོང་དུ་ཆུད་པ། འགོག་པའི་བདེན་པ་རྗེས་སུ་རྟོགས་པ། ཤིན་ཏུ་རྒལ་བ་ཐམས་ཅད་དུ་ཁ་ན་མ་ཐོ་
D91.044.0222b03.01བ་མེད་པ། གཅིག་ཏུ་སྤྱོད་པ་མེད་པ་སྤྱོད་པ། ལེགས་པར་སྤྱད་པ་སྤྱོད་པ། སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་ལ་སྤྱོད་པ། འཇིག་རྟེན་ཐམས་ཅད་ལས་ཕྱིར་ལོག་ཀྱང་གང་ནས་ཀྱང་འོངས་པ་མེད་པ། ཡུལ་ཐམས་ཅད་ལས་ཤིན་ཏུ་འདས་ཀྱང་སངས་རྒྱས་ཀྱི་ཡུལ་ལས་ཕྱིར་
D91.044.0222b04.01མ་ལོག་པ། རྩོམ་པ་ཐམས་ཅད་ལས་ཤིན་ཏུ་འདས་ཀྱང་སེམས་ཅན་ཡོངས་སུ་སྨིན་པར་བྱེད་པ་ལས་ཕྱིར་མ་ལོག་པ། སྤྱོད་པ་ཐམས་ཅད་ལས་ཤིན་ཏུ་འདས་ཀྱང་དགེ་བའི་སྤྱོད་པ་ལས་ཕྱིར་མ་ལོག་པ། སེམས་ཀྱི་དམིགས་པ་ཐམས་ཅད་ལས་ཤིན་ཏུ་འདས་ཀྱང་
D91.044.0222b05.01སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་ལས་ཕྱིར་མ་ལོག་པ། ཉེ་བར་ལེན་པ་ལ་སྤྱོད་ཀྱང་ཉེ་བར་ལེན་པ་མེད་པར་འབར་བ། འཇིག་རྟེན་གྱི་ཆོས་ཐམས་ཅད་ཀྱིས་མ་གོས་ཀྱང་འཇིག་རྟེན་དང་མ་བྲལ་བ། ལུས་མེད་ཀྱང་སེམས་ཅན་ཐམས་ཅད་ཀྱི་སྤྱོད་པ་དང་བསམ་པའི་
D91.044.0222b06.01རྗེས་སུ་ཞུགས་པའོ། །དེའི་ཤེས་རབ་དེ་ཡང་དེའི་ངང་ཚུལ་ལ་སྤྱོད་པ་མྱུར་དུ་ཁོང་དུ་ཆུད་པ། དབང་པོ་སྨིན་པར་འགྱུར་བ། ཡུན་རིང་པོར་ལྟ་བ་རྟག་ཏུ་རྒྱུན་མི་འཆད་པར་དགེ་བའི་ཆོས་ལ་བརྩོན་པ། བྱང་ཆུབ་ཀྱི་སྙིང་པོ་ལ་གཞོལ་བ། དགེ་བ་སྦྱིན་པ་ལ་སྤྱོད་པ་ཉེ་བར་ལེན་པ་
D91.044.0222b07.01