完整藏文原文 · 德格版页 当前仅加载第 44 函德格 251b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་སེམས་དཔའ་ཆེན་པོ་གཙུག་ན་རིན་པོ་ཆེས་གཙུག་གི་ནོར་བུ་རིན་པོ་ཆེ་གང་བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཚད་མེད་གྲངས་མེད་པའི་དགེ་བའི་རྩ་བས་མངོན་པར་གྲུབ་པ་གང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་བཅུ་ནོར་བུ་རིན་པོ་ཆེ་སྣ་བདུན་གྱིས་རབ་ཏུ་བཀང་བས་
D91.044.0251b01.01ཀྱང་རིན་དུ་མི་བཟོད་པའི་གཙུག་གི་ནོར་བུ་རིན་པོ་ཆེ་དེ་དེ་བཞིན་གཤེགས་པ་ལ་ཕུལ་ནས་ཚིག་འདི་སྐད་ཅེས་སྨྲས་སོ། །བཅོམ་ལྡན་འདས་བདག་གི་གཙུག་ན་མཆིས་པའི་ནོར་བུ་རིན་པོ་ཆེ་འདི་དེ་བཞིན་གཤེགས་པ་ལ་ཕུལ་བའི་དགེ་བའི་རྩ་བ་འདིས་བཅོམ་ལྡན་འདས་བདག་སྤྱི་གཙུག་བལྟར་
D91.044.0251b02.01མི་སྣང་བ་ཐོབ་པ་དང་། བདག་སངས་རྒྱས་ཀྱི་ཡེ་ཤེས་སྤྱི་བོར་གྱུར་པ་བསམ་གྱིས་མི་ཁྱབ་པ་དེ་དང་ལྡན་པར་གྱུར་ཅིག །དེ་ནས་བཅོམ་ལྡན་འདས་ཀྱིས་དེའི་ཚེ་འཛུམ་པ་མཛད་དོ། །འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཆོས་ཉིད་དེ། ནམ་འཛུམ་པ་མཛད་པ་དེ་ན་
D91.044.0251b03.01བཅོམ་ལྡན་འདས་ཀྱི་ཞལ་གྱི་སྒོ་ནས་འོད་ཟེར་ཁ་དོག་དུ་མ་ཁ་དོག་སྣ་ཚོགས་འདི་ལྟ་སྟེ། སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་། ལེ་བརྒན་དང་། ཤེལ་དང་དངུལ་གྱི་ཁ་དོག་ལྟ་བུ་བྱུང་སྟེ། དེ་དག་གིས་འཇིག་རྟེན་གྱི་ཁམས་མཐའ་ཡས་མུ་མེད་པ་དེ་དག་
D91.044.0251b04.01འོད་ཀྱིས་ཁྱབ་པར་བྱས་ནས་ཚངས་པའི་འཇིག་རྟེན་གྱི་བར་དུ་མངོན་པར་འཕགས་ཏེ་ཟླ་བ་དང་ཉི་མ་རྣམས་ཀྱི་གཟི་བརྗིད་ཀྱང་གཟི་བརྗིད་ཀྱིས་ཡོངས་སུ་ཟད་པར་བྱས་ནས་སླར་ལོག་སྟེ། བཅོམ་ལྡན་འདས་ལ་ལན་བརྒྱ་སྟོང་དུ་མར་བསྐོར་བ་བྱས་ནས་བཅོམ་ལྡན་འདས་ཀྱི་དབུའི་གཙུག་ཏུ་
D91.044.0251b05.01ནུབ་པར་གྱུར་ཏོ། །དེ་ནས་བྱང་ཆུབ་སེམས་དཔའ་སྤོབས་པ་མྱུར་བ་ཞེས་བྱ་བ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་ཚིགས་སུ་
D91.044.0251b06.01བཅད་པའི་དབྱངས་ཀྱིས་འཛུམ་པ་མཛད་པའི་དོན་ཞུས་སོ། །མི་མཉམ་མཉམ་པ་དམ་པ་འཇིག་རྟེན་མིག་སྦྱིན་འཇིག་རྟེན་མཆོག །ཤཱཀྱའི་རྒྱལ་སྲས་དབང་པོ་ཞི་ཞིང་དྲི་གསུམ་དྲི་མ་སྤངས། །མཚུངས་མེད་མཚུངས་འདས་བྱམས་པས་འཕགས་པ་རྒྱལ་བ་རི་རབ་བཞིན། །ཅི་སླད་འདིར་འཛུམ་
D91.044.0251b07.01