完整藏文原文 · 德格版页 当前仅加载第 44 函德格 243b 版页；藏文 NFD、目录标记与异常页序保留在来源切片中，重复版页行以稳定序号区分。
ཆུབ་སེམས་དཔའ་བག་ཡོད་པས་ནི་འཁོར་བ་ན་མཛེས་སོ། །ཆོས་སྟོན་པས་ཡོངས་སུ་མི་སྐྱོ་བས་ནི་སྐྱེ་བོ་མང་པོ་ཉེ་བར་འཚོ་བར་འགྱུར་རོ། །རིགས་ཀྱི་བུ་གཞན་ཡང་། བྱང་ཆུབ་སེམས་དཔའ་མཚན་གྱིས་ལེགས་པར་བརྒྱན་པས་ནི་འཁོར་བ་ན་མཛེས་སོ། །ཡེ་ཤེས་
D91.044.0243b01.01ཀྱིས་བརྒྱན་པས་ནི་སྐྱེ་བོ་མང་པོ་ཉེ་བར་འཚོ་བར་འགྱུར་རོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་ཇི་སྐད་སྨྲས་པ་དེ་བཞིན་བྱེད་པས་ནི་འཁོར་བ་ན་མཛེས་སོ། །དེ་བཞིན་དུ་བྱེད་པ་ཉིད་ཀྱིས་ནི་སྐྱེ་བོ་མང་པོ་ཉེ་བར་འཚོ་བར་འགྱུར་རོ། །རིགས་ཀྱི་བུ་གཞན་ཡང་བདོག་པ་
D91.044.0243b02.01ཐམས་ཅད་ཡོངས་སུ་གཏོང་བས་ནི་བྱང་ཆུབ་སེམས་དཔའ་འཁོར་བ་ན་མཛེས་སོ། །སོ་སོ་ཅི་རིགས་པར་ཆོས་སྟོན་པས་ནི་སྐྱེ་བོ་མང་པོ་ཉེ་བར་འཚོ་བར་འགྱུར་རོ། །རིགས་ཀྱི་བུ་གཞན་ཡང་ཚུལ་ཁྲིམས་ཡོངས་སུ་དག་པས་ནི་བྱང་ཆུབ་སེམས་དཔའ་འཁོར་བ་ན་མཛེས་སོ། །ཐོས་པ་
D91.044.0243b03.01ཡོངས་སུ་དག་པས་ནི་སྐྱེ་བོ་མང་པོ་ཉེ་བར་འཚོ་བར་འགྱུར་རོ། །རིགས་ཀྱི་བུ་ཇི་ལྟར་བག་ཡོད་པས་བྱང་ཆུབ་སེམས་དཔའ་འཁོར་བ་ན་མཛེས་ཤིང་སྐྱེ་བོ་མང་པོ་ཉེ་བར་འཚོ་བར་འགྱུར་བ་དེ་ཁྱོད་ཀྱིས་རྣམ་གྲངས་འདིས་འདི་ལྟར་རིག་པར་བྱའོ། །རིགས་ཀྱི་བུ་སྔོན་བྱུང་བ་འདས་པའི་དུས་
D91.044.0243b04.01བསྐལ་པ་གྲངས་མེད་པ་བས་ཀྱང་ཆེས་གྲངས་མེད་པ་ཡངས་པ་ཚད་མེད་པ། བསམ་གྱིས་མི་ཁྱབ་པར་གྱུར་པ་དེའི་ཚེ་དེའི་དུས་ན་བསྐལ་པ་དགའ་བར་གྱུར་པ་ཞེས་བྱ་བ་ལ་འཇིག་རྟེན་གྱི་ཁམས་ལྷས་རྣམ་པར་བལྟས་པ་ཞེས་བྱ་བར་དེ་བཞིན་གཤེགས་པ་དགྲ་བཅོམ་པ་ཡང་དག་
D91.044.0243b05.01པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འཇིག་རྟེན་ཐམས་ཅད་མངོན་པར་དགའ་བ་ཞེས་བྱ་བ་
D91.044.0243b06.01འཇིག་རྟེན་དུ་བྱུང་ངོ་། །རིགས་ཀྱི་བུ་ཅིའི་ཕྱིར་བསྐལ་པ་དེ་དགའ་བར་གྱུར་པ་ཞེས་བྱ་ཞེ་ན། རིགས་ཀྱི་བུ་བསྐལ་པ་དེ་ལ་སངས་རྒྱས་སྟོང་ཕྲག་དྲུག་ཅུ་བྱུང་བར་གྱུར་ཏེ། དེ་ན་གནས་གཙང་མའི་རིས་ཀྱི་ལྷ་དག་གིས་ཀྱེ་མའོ་གྲོགས་པོ་དག་འདི་ནི་བསྐལ་པ་བཟང་པོ་ཡིན་ཏེ།
D91.044.0243b07.01