完整藏文原文 · 德格版页 当前仅加载第 44 函德格 215b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལ་ཆགས་པ་དང་། འགྱོད་པ་ལ་ཆགས་པ་དང་། ཐེག་པ་དམན་པར་བསྔོ་བ་ལ་ཆགས་པ་སྟེ། གསུམ་པོ་དེ་དག་ལས་ཤིན་ཏུ་འདས་ནས་སྦྱིན་པ་སྦྱིན་པར་བྱེད་དོ། །དེ་འཇིགས་པ་གསུམ་ལས་ཤིན་ཏུ་འདས་ནས་སྦྱིན་པ་སྦྱིན་པར་བྱེད་དེ། གསུམ་གང་ཞེ་ན། ལྷག་པའི་ང་རྒྱལ་གྱི་འཇིགས་
D91.044.0215b01.01པ་དང་། རློམ་སེམས་ཀྱི་འཇིགས་པ་དང་། བདུད་ཀྱི་ལས་ཀྱི་འཇིགས་པ་སྟེ། གསུམ་པོ་དེ་དག་ལས་ཤིན་ཏུ་འདས་ནས་སྦྱིན་པ་སྦྱིན་པར་བྱེད་དོ། །དེ་རྒྱ་བཞིས་བཏབ་ནས་སྦྱིན་པ་སྦྱིན་པར་བྱེད་དེ། བཞི་གང་ཞེ་ན། ནང་སྟོང་པ་ཉིད་ཀྱི་རྒྱས་བཏབ་པ་དང་། ཕྱི་སྟོང་པ་ཉིད་ཀྱི་རྒྱས་
D91.044.0215b02.01བཏབ་པ་དང་། སེམས་ཅན་སྟོང་པ་ཉིད་ཀྱི་རྒྱས་བཏབ་པ་དང་། བྱང་ཆུབ་སྟོང་པ་ཉིད་ཀྱི་རྒྱས་བཏབ་པ་སྟེ། རྒྱ་བཞི་པོ་དེ་དག་གིས་བཏབ་ནས་སྦྱིན་པ་སྦྱིན་པར་བྱེད་དོ། །དེ་བརྩོན་འགྲུས་རྩོམ་པ་བཞི་དང་མི་འབྲལ་བར་སྦྱིན་པ་སྦྱིན་པར་བྱེད་དེ། བཞི་གང་ཞེ་ན། སེམས་ཅན་ཐམས་ཅད་ཚིམ་པར་
D91.044.0215b03.01བྱེད་པའི་བརྩོན་འགྲུས་རྩོམ་པ་དང་། སངས་རྒྱས་ཀྱི་ཆོས་ཐམས་ཅད་ཡོངས་སུ་སྒྲུབ་པའི་བརྩོན་འགྲུས་རྩོམ་པ་དང་། མཚན་དང་དཔེ་བྱད་བཟང་པོ་ཡོངས་སུ་རྫོགས་པར་བྱེད་པའི་བརྩོན་འགྲུས་རྩོམ་པ་དང་། སངས་རྒྱས་ཀྱི་ཞིང་ཡོངས་སུ་སྦྱོང་བའི་བརྩོན་འགྲུས་རྩོམ་པ་སྟེ། བརྩོན་
D91.044.0215b04.01འགྲུས་རྩོམ་པ་བཞི་པོ་དེ་དག་དང་མ་བྲལ་བར་སྦྱིན་པ་སྦྱིན་པར་བྱེད་དོ། །དེ་དྲན་པ་བཞི་དང་མི་འབྲལ་བར་སྦྱིན་པ་སྦྱིན་པར་བྱེད་དེ། བཞི་གང་ཞེ་ན། བྱང་ཆུབ་ཀྱི་སེམས་དྲན་པ་དང་། སངས་རྒྱས་མཐོང་བ་དྲན་པ་དང་། བྱམས་པ་ཆེན་པོ་དྲན་པ་དང་། སེམས་ཅན་ཐམས་ཅད་ཀྱི་
D91.044.0215b05.01ཉོན་མོངས་པ་སྤོང་བ་དྲན་པ་སྟེ། དྲན་པ་བཞི་པོ་དེ་དག་དང་མ་བྲལ་བར་སྦྱིན་པ་སྦྱིན་པར་བྱེད་དོ། །དེ་འཁོར་གསུམ་ཡོངས་སུ་དག་པར་སྦྱིན་པ་སྦྱིན་པར་བྱེད་དེ། གསུམ་གང་ཞེ་ན། བདག་གི་འཁོར་ཡོངས་སུ་དག་པ་དང་། སེམས་ཅན་གྱི་འཁོར་ཡོངས་སུ་དག་པ་དང་། བྱང་ཆུབ་
D91.044.0215b06.01ཀྱི་འཁོར་ཡོངས་སུ་དག་པ་སྟེ། འཁོར་གསུམ་པོ་དེ་དག་ཡོངས་སུ་དག་པར་སྦྱིན་པ་སྦྱིན་པར་བྱེད་དོ། །དེ་ཤེས་པ་ཡོངས་སུ་དག་པ་བཞི་ཡོངས་སུ་དག་པར་སྦྱིན་པ་སྦྱིན་པར་བྱེད་དེ། བཞི་གང་ཞེ་ན། སྦྱིན་པ་ཤེས་པ་ཡོངས་སུ་དག་པ་དང་། སེམས་ཅན་གྱི་བསམ་པ་
D91.044.0215b07.01