完整藏文原文 · 德格版页 当前仅加载第 44 函德格 228a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་ངོ་བོ་ཉིད་ཀྱང་དེ་ཡིན་པར་རབ་ཏུ་ཤེས་སོ། །སེམས་ཀྱི་ངོ་བོ་ཉིད་དུ་ཤེས་ནས་ཀྱང་དེ་བཞིན་དུ་ཆོས་སྟོན་ཏོ། །རང་གི་སེམས་ཀྱི་མཚན་ཉིད་གང་ཡིན་པ་སེམས་ཅན་ཐམས་ཅད་ཀྱི་སེམས་ཀྱི་སྤྱོད་པའི་མཚན་ཉིད་ཀྱང་དེ་ཡིན་པར་རབ་ཏུ་ཤེས་སོ། །སེམས་ཀྱི་མཚན་ཉིད་དེ་ཤེས་
D91.044.0228a01.01ནས་ཀྱང་དེ་བཞིན་དུ་ཆོས་སྟོན་ཏོ། །ཇི་ལྟར་རང་གི་སེམས་སྟོང་པ་དེ་བཞིན་དུ་སེམས་ཅན་ཐམས་ཅད་ཀྱི་སེམས་ཀྱང་སྟོང་པར་རབ་ཏུ་ཤེས་སོ། །སེམས་དེ་དག་སྟོང་པ་ཉིད་དུ་ཤེས་ནས་ཀྱང་དེ་བཞིན་དུ་ཆོས་སྟོན་ཏོ། །དེ་རང་གི་སེམས་ཡང་དག་པར་འདུ་བ་གང་ཡིན་པ་སེམས་ཅན་ཐམས་ཅད་ཀྱི་
D91.044.0228a02.01སེམས་ཡང་དག་པར་འདུ་བ་ཡང་དེ་ཡིན་པར་རབ་ཏུ་ཤེས་སོ། །སེམས་ཡང་དག་པར་འདུ་བ་དེ་དག་ཤེས་ནས་ཀྱང་དེ་བཞིན་དུ་ཆོས་སྟོན་ཏོ། །དེ་རང་གི་སེམས་མཉམ་པ་ཉིད་ཀྱིས་སེམས་ཅན་ཐམས་ཅད་ཀྱི་སེམས་མཉམ་པ་ཉིད་དུ་རབ་ཏུ་ཤེས་སོ། །སེམས་ཅན་ཐམས་ཅད་ཀྱི་སེམས་མཉམ་
D91.044.0228a03.01པ་ཉིད་ཀྱིས་ཆོས་ཐམས་ཅད་མཉམ་པ་ཉིད་དུ་རབ་ཏུ་ཤེས་སོ། །ཆོས་ཐམས་ཅད་མཉམ་པ་ཉིད་ཀྱིས་བྱང་ཆུབ་མཉམ་པ་ཉིད་དུ་རབ་ཏུ་ཤེས་ཤིང་སེམས་ཀྱིས་འགྱུར་བར་མི་བྱེད་དེ་རྣམ་པར་མི་འགྱུར་རོ། །སེམས་གནས་པས་ཆོས་ཀྱི་དབྱིངས་གནས་པ་རྗེས་སུ་ཤེས་ཀྱང་སེམས་གནས་པའི་ཆོས་ཉིད་
D91.044.0228a04.01དེ་ལས་ཀྱང་མི་གཡོ་སྟེ། རིགས་ཀྱི་བུ་འདི་ནི་བྱང་ཆུབ་སེམས་དཔའི་སེམས་ལ་སེམས་ཀྱི་རྗེས་སུ་ལྟ་བའི་དྲན་པ་ཉེ་བར་གཞག་པའི་སྤྱོད་པ་ཡོངས་སུ་དག་པའོ། །རིགས་ཀྱི་བུ་དེ་ལ་བྱང་ཆུབ་སེམས་དཔའི་ཆོས་རྣམས་ལ་ཆོས་ཀྱི་རྗེས་སུ་ལྟ་བའི་དྲན་པ་ཉེ་བར་གཞག་པའི་སྤྱོད་པ་ཡོངས་སུ་དག་
D91.044.0228a05.01པ་གང་ཞེ་ན། རིགས་ཀྱི་བུ་འདི་ལ་བྱང་ཆུབ་སེམས་དཔའི་ཆོས་རྣམས་ལ་ཆོས་ཀྱིས་རྗེས་སུ་ལྟ་བའི་དྲན་པ་ཉེ་བར་གཞག་པ་ལ་གནས་པ་འདི་སྙམ་དུ་སེམས་ཏེ། ཆོས་ཁོ་ན་སྐྱེ་བ་རྣམས་སྐྱེ། ཆོས་ཁོ་ན་འགག་པ་རྣམས་འགག་སྟེ། འདི་ལ་བདག་གམ། སེམས་ཅན་ནམ། སྲོག་གམ། སྐྱེ་
D91.044.0228a06.01བ་པོའམ། གསོ་བའམ། སྐྱེས་བུ་འམ། གང་ཟག་གམ། ཤེད་ལས་སྐྱེས་པའམ། ཤེད་བུའམ། གང་སྐྱེ་བའམ། རྒ་བ་འམ། འཆི་བ་འམ། འཕོ་བའམ། སྐྱེ་བར་འགྱུར་བ་གང་ཡང་མེད་དོ། །འདི་ནི་ཆོས་རྣམས་ཀྱི་ཆོས་ཉིད་དེ། གལ་ཏེ་བསྒྲུབས་ན་ནི་འགྲུབ། མ་བསྒྲུབས་ན་
D91.044.0228a07.01