完整藏文原文 · 德格版页 当前仅加载第 44 函德格 235b 版页；藏文 NFD、目录标记与异常页序保留在来源切片中，重复版页行以稳定序号区分。
མི་བརྗེད་པའི་མཚན་ཉིད་ནི་དྲན་པའི་སྟོབས་ཀྱི་སྤྱོད་པ་ཡོངས་སུ་དག་པའོ། །རྣམ་པར་གཡེང་བ་མེད་པའི་མཚན་ཉིད་ནི་ཏིང་ངེ་འཛིན་གྱི་སྟོབས་ཀྱི་སྤྱོད་པ་ཡོངས་སུ་དག་པའོ། །སོ་སོར་རྟོག་པའི་མཚན་ཉིད་ནི་ཤེས་རབ་ཀྱི་སྟོབས་ཀྱི་སྤྱོད་པ་ཡོངས་སུ་དག་པ་སྟེ། རིགས་ཀྱི་བུ་འདི་ནི་བྱང་
D91.044.0235b01.01ཆུབ་སེམས་དཔའི་སྟོབས་ཀྱི་སྤྱོད་པ་ཡོངས་སུ་དག་པའོ། །རིགས་ཀྱི་བུ་དེ་ལ་བྱང་ཆུབ་སེམས་དཔའི་བྱང་ཆུབ་ཀྱི་ཡན་ལག་གི་སྤྱོད་པ་ཡོངས་སུ་དག་པ་གང་ཞེ་ན། རིགས་ཀྱི་བུ་བྱང་ཆུབ་སེམས་དཔའི་བྱང་ཆུབ་ཀྱི་ཡན་ལག་རྣམས་ཞེས་བྱ་བ་ནི་བདུན་ཏེ། བདུན་གང་ཞེ་ན་འདི་ལྟ་སྟེ། དྲན་པ་ཡང་
D91.044.0235b02.01དག་བྱང་ཆུབ་ཀྱི་ཡན་ལག་དང་། ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་དང་། བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་དང་། དགའ་བ་ཡང་དག་བྱང་ཆུབ་ཀྱི་ཡན་ལག་དང་། ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་དང་། ཏིང་ངེ་འཛིན་ཡང་དག་བྱང་
D91.044.0235b03.01ཆུབ་ཀྱི་ཡན་ལག་དང་། བཏང་སྙོམས་ཡང་དག་བྱང་ཆུབ་ཀྱི་ཡན་ལག་གོ །དེ་ལ་དྲན་པ་ཡང་དག་བྱང་ཆུབ་ཀྱི་ཡན་ལག་ནི་གང་བྱང་ཆུབ་ཀྱི་ཕྱོགས་ཀྱི་ཆོས་བསགས་ཤིང་བསགས་པ་རྣམས་ཆུད་མི་གཟོན་པ་ཡིན་ཏེ། འདི་ནི་དྲན་པ་ཡང་དག་བྱང་ཆུབ་ཀྱི་ཡན་ལག་གོ །ཆོས་རྣམ་
D91.044.0235b04.01པར་འབྱེད་པ་ཡང་དག་བྱང་ཆུབ་ཀྱི་ཡན་ལག་ནི་གང་ལྷག་མཐོང་གི་ཚོགས་དང་ཟུང་དུ་འབྲེལ་པར་འགྱུར་བ་ཡིན་ཏེ། འདི་ནི་ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་གོ །བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་ནི་གང་སྤོང་བ་ཁྱད་པར་དུ་འགྲོ་བར་འགྱུར་བ་ཡིན་ཏེ། འདི་
D91.044.0235b05.01ནི་བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་གོ །དགའ་བ་ཡང་དག་བྱང་ཆུབ་ཀྱི་ཡན་ལག་ནི་གང་མི་དགའ་བ་སེལ་བར་འགྱུར་བ་ཡིན་ཏེ། འདི་ནི་དགའ་བ་ཡང་དག་བྱང་ཆུབ་ཀྱི་ཡན་ལག་གོ །ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་ནི་གང་ལུས་དང་སེམས་ཤིན་ཏུ་བྱང་
D91.044.0235b06.01བར་འགྱུར་བ་ཡིན་ཏེ། འདི་ནི་ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་གོ །ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་ནི་གང་རྣམ་པར་གྲོལ་བ་སྙིང་པོར་འགྱུར་བ་ཡིན་ཏེ། འདི་ནི་ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་གོ །བཏང་སྙོམས་ཡང་དག་བྱང་ཆུབ་ཀྱི་
D91.044.0235b07.01