完整藏文原文 · 德格版页 当前仅加载第 44 函德格 223b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་གང་གིས་ཀྱང་བརྗོད་པར་བྱ་བ་མ་ཡིན་ནོ། །རིགས་ཀྱི་བུ་བྱང་ཆུབ་སེམས་དཔའ་ཤེས་རབ་ཀྱི་འབྱུང་གནས་ནི་ཡེ་ཤེས་ཀྱི་འབྱུང་གནས་ཡིན་ནོ། །བསོད་ནམས་ཀྱི་འབྱུང་གནས་ཡིན་ནོ། །ཐོས་པའི་འབྱུང་གནས་ཡིན་ནོ། །ཡོན་ཏན་གྱི་འབྱུང་གནས་ཡིན་ནོ། །ཆོས་ཀྱི་འབྱུང་
D91.044.0223b01.01གནས་ཡིན་ནོ། །གཟུངས་དང་སྤོབས་པའི་འབྱུང་གནས་ཡིན་ནོ། །སོ་སོ་ཡང་དག་པར་རིག་པའི་འབྱུང་གནས་ཡིན་ནོ། །ཡོན་ཏན་དང་ཡེ་ཤེས་རྣམ་པ་ཐམས་ཅད་ཀྱི་མཆོག་དང་ལྡན་པའི་འབྱུང་གནས་ཡིན་ཏེ། རིགས་ཀྱི་བུ་འདི་ནི་བྱང་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་
D91.044.0223b02.01ཕྱིན་པའི་སྤྱོད་པ་ཡོངས་སུ་དག་པའོ། །ཤེས་རབ་ཀྱི་ཕ་རོལ་ཏུ་ཕྱིན་པའི་སྤྱོད་པ་ཡོངས་སུ་དག་པ་འདི་བསྟན་པ་ན་འཁོར་དེའི་ནང་ནས་ལྷ་དང་མི་སྲོག་ཆགས་ཉི་ཁྲི་ཉིས་སྟོང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེས་སོ། །བྱང་ཆུབ་སེམས་དཔའ་བརྒྱད་སྟོང་ནི་
D91.044.0223b03.01མི་སྐྱེ་བའི་ཆོས་ལ་བཟོད་པ་རབ་ཏུ་ཐོབ་པར་གྱུར་ཏོ། །དགེ་སློང་ལྔ་བརྒྱ་ནི་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ། །ལྷའི་བུ་ཁྲི་ནི་ཆོས་རྣམས་ལ་ཆོས་ཀྱི་མིག་རྡུལ་དང་བྲལ་ཞིང་དྲི་མ་མེད་པ་རྣམ་པར་དག་ནས་དེ་དག་ཚིག་འདི་སྐད་ཅེས་འཛེར་ཏེ། བཅོམ་ལྡན་
D91.044.0223b04.01འདས་གང་ཤེས་རབ་ཀྱི་ཕ་རོལ་ཏུ་ཕྱིན་པའི་སྤྱོད་པ་ཡོངས་སུ་དག་པའི་ཆོས་ཀྱི་སྒོའི་ལེའུ་འདི་ཐོས་པར་འགྱུར་བའི་སེམས་ཅན་དེ་དག་ནི་སངས་རྒྱས་ཀྱི་ཆོས་ཐམས་ཅད་ཡོངས་སུ་བཟུང་བ་ལགས་ན། གང་དག་ཐོས་ནས་མོས་པ་དང་། འཛིན་པ་དང་། འཆང་བ་དང་། ཀློག་པ་དང་།
D91.044.0223b05.01སྟོན་པ་དང་། དེ་བཞིན་ཉིད་དུ་སྒྲུབ་པ་ལྟ་སྨོས་ཀྱང་ཅི་འཚལ་ཞེས་སྨྲས་སོ།། །།བམ་པོ་གཉིས་པ། དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་གཙུག་ན་རིན་པོ་ཆེ་ལ་བཀའ་སྩལ་པ། རིགས་ཀྱི་བུ་དེ་ལ་བྱང་
D91.044.0223b06.01ཆུབ་སེམས་དཔའི་བྱང་ཆུབ་ཀྱི་ཕྱོགས་ཀྱི་ཆོས་ཀྱི་སྤྱོད་པ་ཡོངས་སུ་དག་པ་གང་ཞེ་ན། རིགས་ཀྱི་བུ་འདི་ལ་བྱང་ཆུབ་སེམས་དཔའ་ལུས་ལ་ལུས་ཀྱི་རྗེས་སུ་ལྟ་བའི་དྲན་པ་ཉེ་བར་གཞག་པ་ལ་གནས་ཏེ། ལུས་ལ་རྣམ་པ་གཉིས་སུ་སོ་སོར་རྟོག་པ་དང་ལྡན་པའི་དྲན་པ་ཉེ་བར་
D91.044.0223b07.01