完整藏文原文 · 德格版页 当前仅加载第 44 函德格 249a 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པའི་དྲུང་དུ་ཡང་མི་འོང་ན། གལ་ཏེ་དེ་རྒྱུན་མི་འཆད་པར་བསྐུལ་ན་ནི་དེ་དེ་བཞིན་གཤེགས་པའི་དྲུང་དུ་འོང་ཡང་སྲིད་སྙམ་མོ། །རིགས་ཀྱི་བུ་དེ་ནས་དེ་བཞིན་གཤེགས་པ་དྲི་མ་མེད་པར་སྣང་བ་དེས་བྱང་ཆུབ་སེམས་དཔའ་བརྒྱད་ཁྲི་བཞི་སྟོང་
D91.044.0249a01.01པོ་དེ་དག་བསྡུས་སོ། །བསྡུས་ནས་ཀྱང་རིགས་ཀྱི་བུ་དག་ཁྱེད་ཀྱི་ནང་ནས་ཡིད་ཡོངས་སུ་མི་སྐྱོ་བར་ལོ་བརྒྱད་ཁྲི་བཞི་སྟོང་གི་བར་དུ་རྒྱལ་བུ་གཞོན་ནུ་ནོར་དཔལ་གྱི་ཁྱིམ་གྱི་སྒོར་འགྲོ་ཞིང་བདེ་བ་ཐམས་ཅད་ནི་སྤངས། སྡུག་བསྔལ་ཐམས་ཅད་ནི་དང་དུ་བླངས་ཏེ། དེ་
D91.044.0249a02.01ལས་ཐ་ན་ཀུན་ཏུ་སྨྲ་བའམ། ཡང་དག་པར་སྨྲ་བའམ། སྟན་ཙམ་ཡང་མི་རྙེད་ཀྱི་སྟེང་དུ་གཤེ་རྒྱ་ཞིང་ཚིག་ངན་པ་རྩུབ་པོ་མི་སྙན་པར་ཟེར་ཡང་སྤྲོ་བར་འགྱུར་བ་སུ་ཡོད་ཅེས་ཚུལ་ཤིང་བྲིམས་སོ། །རིགས་ཀྱི་བུ་དེ་ལྟར་ཚུལ་ཤིང་བྲིམས་ཀྱང་བྱང་ཆུབ་སེམས་དཔའ་
D91.044.0249a03.01བརྒྱད་ཁྲི་བཞི་སྟོང་པོ་དེ་དག་ལས་བྱང་ཆུབ་སེམས་དཔའ་འགའ་ཙམ་ཡང་སྤྲོ་བར་མ་གྱུར་ཏོ། །བཅོམ་ལྡན་འདས་དེས་ཚུལ་ཤིང་ཐོགས་ཏེ། ལན་གཉིས་ལན་གསུམ་དུ་བྲིམས་ཀྱང་སུས་ཀྱང་མ་བླངས་པ་དང་། རིགས་ཀྱི་བུ་དེའི་ཚེ་བྱང་ཆུབ་སེམས་དཔའ་སེམས་
D91.044.0249a04.01དཔའ་ཆེན་པོ་བརྩོན་འགྲུས་འབར་བ་ཞེས་བྱ་བ་ཞིག་བྱང་ཆུབ་སེམས་དཔའི་འཁོར་དེ་ཉིད་དུ་འདུས་པར་གྱུར་ནས་འདུག་པ་དེ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་དེ་བཞིན་གཤེགས་པ་
D91.044.0249a05.01དྲི་མ་མེད་པར་སྣང་བ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་དེ་བཞིན་གཤེགས་པ་དྲི་མ་མེད་པར་སྣང་བ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ནི་ལོ་བརྒྱད་ཁྲི་བཞི་སྟོང་གི་བར་དུ་ཡིད་ཡོངས་སུ་མི་སྐྱོ་བར་བདེ་བ་ཐམས་ཅད་ནི་
D91.044.0249a06.01སྤངས། སྡུག་བསྔལ་ཐམས་ཅད་ནི་ཇི་མི་སྙམ་པར་བགྱིད་དེ། རྒྱལ་བུ་གཞོན་ནུ་ནོར་དཔལ་གྱི་ཁྱིམ་དུ་མཆིའོ་ཞེས་རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་བརྩོན་འགྲུས་འབར་གྱིས་ཚིག་དེ་སྨྲས་མ་ཐག་ཏུ། དེ་ནས་དེ་ཉིད་ཀྱི་ཚེ་སྟོང་གསུམ་གྱི་སྟོང་ཆེན་པོའི་
D91.044.0249a07.01