完整藏文原文 · 德格版页 当前仅加载第 44 函德格 240b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་དག་པ་གང་ཞེ་ན། རིགས་ཀྱི་བུ་འདི་ལ་བྱང་ཆུབ་སེམས་དཔའ་ལྷའི་མིག་གི་མངོན་པར་ཤེས་པའི་སྤྱོད་པ་ཡོངས་སུ་དག་པ་རྣམ་པ་ལྔ་དང་ལྡན་པ་ཡིན་ཏེ། རྣམ་པ་ལྔ་གང་ཞེ་ན་འདི་ལྟ་སྟེ། ཕྱོགས་བཅུར་རྣམ་པར་ལྟ་བས་སྣང་བ་ཐོབ་པ་དེ་ནི་དེའི་ལྷའི་མིག་ཡིན་ནོ། །
D91.044.0240b01.01ཕྱོགས་བཅུའི་སངས་རྒྱས་ཐམས་ཅད་ལ་ཡང་དག་པར་ལྟ་བས་མུན་པ་མུན་ནག་དང་བྲལ་བ་དེ་ནི་དེའི་ལྷའི་མིག་ཡིན་ནོ། །སེམས་ཅན་ཐམས་ཅད་ཀྱི་འཆི་འཕོ་དང་། སྐྱེ་བ་ལ་ཡང་དག་པར་ལྟ་བས་ཤིན་ཏུ་ངེས་པར་བརྟགས་པ་དེ་ནི་དེའི་ལྷའི་མིག་ཡིན་ནོ། །ཕྱོགས་བཅུའི་གཟུགས་
D91.044.0240b02.01སྣང་བ་དང་ཁ་དོག་དང་མཚན་དང་། དབྱིབས་ལ་ཡང་དག་པར་ལྟ་བས་ཤིན་ཏུ་བརྒྱན་པ་དེ་ནི་དེའི་ལྷའི་མིག་ཡིན་ནོ། །རང་གི་གཟི་བརྗིད་གྲུབ་པས་མངོན་པར་འདུ་མི་བྱེད་པའི་མཚན་ཉིད་དུ་ལྷ་དང་། ཀླུ་དང་། གནོད་སྦྱིན་དང་། དྲི་ཟ་ཐམས་ཅད་དང་། ཉན་ཐོས་དང་། རང་སངས་རྒྱས་
D91.044.0240b03.01ཐམས་ཅད་ཀྱི་སྤྱི་བོར་ཕྱིན་པ་དེ་ནི་དེའི་ལྷའི་མིག་ཡིན་ཏེ། རིགས་ཀྱི་བུ་རྣམ་པ་འདི་ལྔ་ནི་བྱང་ཆུབ་སེམས་དཔའི་ལྷའི་མིག་གི་མངོན་པར་ཤེས་པའི་སྤྱོད་པ་ཡོངས་སུ་དག་པའོ། །དེ་ལྷའི་རྣ་བའི་མངོན་པར་ཤེས་པའི་སྤྱོད་པ་ཡོངས་སུ་དག་པ་རྣམ་པ་ལྔ་དང་ལྡན་པ་ཡིན་ཏེ། རྣམ་པ་
D91.044.0240b04.01ལྔ་གང་ཞེ་ན། གང་གིས་མིའི་སྒྲ་རྣམས་ཐོས་པར་འགྱུར་བ་དང་། མི་མ་ཡིན་པའི་སྒྲ་རྣམས་ཐོས་པར་འགྱུར་བ་དང་། སེམས་ཅན་དམྱལ་བ་པ་དང་། དུད་འགྲོའི་སྐྱེ་གནས་པ་དང་། གཤིན་རྗེའི་འཇིག་རྟེན་པའི་སྒྲ་རྣམས་ཐོས་པར་འགྱུར་བ་དང་། སངས་རྒྱས་ཀྱི་ཆོས་བསྟན་
D91.044.0240b05.01པའི་སྒྲ་ཐམས་ཅད་ཐོས་པར་འགྱུར་བ་དང་། ཕྱོགས་བཅུའི་སྐད་དང་སྒྲ་ཐམས་ཅད་ཐོས་པར་འགྱུར་བ་སྟེ། རིགས་ཀྱི་བུ་འདི་ནི་བྱང་ཆུབ་སེམས་དཔའི་ལྷའི་རྣ་བའི་མངོན་པར་ཤེས་པའི་སྤྱོད་པ་ཡོངས་སུ་དག་པ་རྣམ་པ་ལྔའོ། །དེ་ཕ་རོལ་གྱི་སེམས་ཤེས་པའི་མངོན་པར་ཤེས་
D91.044.0240b06.01པའི་སྤྱོད་པ་ཡོངས་སུ་དག་པ་རྣམ་པ་ལྔ་དང་ལྡན་པ་ཡིན་ཏེ། རྣམ་པ་ལྔ་གང་ཞེ་ན། གང་གིས་ལྷ་དང་མི་དང་། སེམས་ཅན་དམྱལ་བ་པ་དང་། དུད་འགྲོའི་སྐྱེ་གནས་པ་དང་། གཤིན་རྗེའི་འཇིག་རྟེན་པའི་སེམས་ཅན་ཐམས་ཅད་ཀྱི་སྔོན་གྱི་མཐར་སེམས་སྐྱེས་པ་གང་ཡིན་པ་
D91.044.0240b07.01