完整藏文原文 · 德格版页 当前仅加载第 44 函德格 239a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་དང་། གང་ཟག་གཞན་དག་ཡང་དག་པའི་ཆོས་ལ་འཛུད་པ་དང་། བྱང་ཆུབ་ཡང་དག་པར་འཛིན་དུ་འཇུག་པ་ཡིན་ཏེ་འདི་ནི་ཡང་དག་པའི་ངག་ཅེས་བྱའོ། །དེ་ལ་ཡང་དག་པའི་ངག་ཡོངས་སུ་དག་པ་གང་ཞེ་ན། ངག་ཐམས་ཅད་སངས་རྒྱས་ཀྱིས་ཡོངས་སུ་ཟིན་
D91.044.0239a01.01པར་འབྱུང་བ་སྟེ། རིགས་ཀྱི་བུ་འདི་ནི་བྱང་ཆུབ་སེམས་དཔའི་ཡང་དག་པའི་ངག་ཡོངས་སུ་དག་པ་ཞེས་བྱའོ། །རིགས་ཀྱི་བུ་དེ་ལ་བྱང་ཆུབ་སེམས་དཔའི་ཡང་དག་པའི་ལས་ཀྱི་མཐའ་གང་ཞེ་ན། ལས་གང་ལས་ཟད་པར་འགྱུར་གྱི། ལས་མངོན་པར་འདུ་བྱ་བའི་ཕྱིར་མ་ཡིན་པ་དང་།
D91.044.0239a02.01ལས་གང་ཉོན་མོངས་པ་ཉེ་བར་ཞི་བར་འགྱུར་གྱི། ཉོན་མོངས་པ་འབར་བའི་ཕྱིར་མ་ཡིན་པ་དང་། ལས་གང་ཉོན་མོངས་པ་དང་བྲལ་བར་འགྱུར་གྱི། ཉོན་མོངས་པ་སྐྱེ་བའི་ཕྱིར་མ་ཡིན་པ་སྟེ། འདི་ནི་ཡང་དག་པའི་ལས་ཀྱི་མཐའ་ཞེས་བྱའོ། །རིགས་ཀྱི་བུ་གཞན་ཡང་བྱང་ཆུབ་
D91.044.0239a03.01སེམས་དཔའི་ཡང་དག་པའི་ལས་ཀྱི་མཐའ་ནི་གང་ཆོས་འདི་དག་འདི་ལྟར་རབ་ཏུ་ཤེས་ཤིང་དགེ་བའི་མངོན་པར་འདུ་བྱ་བ་ཐམས་ཅད་མངོན་པར་འདུ་བྱེད་ཀྱང་དེའི་མངོན་པར་འདུ་བྱ་བ་དེ་དག་ཀྱང་གསོབ་ཉིད་དུ་སྣང་བ་དང་། གསོག་ཉིད་དང་། སྙིང་པོ་མེད་པ་ཉིད་དང་། སྟོང་པ་ཉིད་དུ་
D91.044.0239a04.01སྣང་བ་སྟེ། རིགས་ཀྱི་བུ་འདི་ནི་བྱང་ཆུབ་སེམས་དཔའི་བྱང་ཆུབ་ཀྱི་རྣམ་པས་མངོན་པར་བསྒྲུབས་པའི་ཡང་དག་པའི་ལས་ཀྱི་མཐའོ། །རིགས་ཀྱི་བུ་དེ་ལ་བྱང་ཆུབ་སེམས་དཔའི་ཡང་དག་པའི་འཚོ་བ་གང་ཞེ་ན། འཚོ་བ་གང་བདག་ལ་ཡང་གནོད་པར་མི་འགྱུར། གཞན་ལ་ཡང་གནོད་
D91.044.0239a05.01པར་མི་འགྱུར། གཉི་ག་ལ་ཡང་གནོད་པར་མི་འགྱུར་བ་སྟེ། འདི་ནི་ཡང་དག་པའི་འཚོ་བ་ཞེས་བྱའོ། །གཞན་ཡང་ཡང་དག་པའི་འཚོ་བ་ནི་འཚོ་བ་གང་ཉོན་མོངས་པ་ཐམས་ཅད་མི་སོགས་པ་སྟེ། འདི་ནི་ཡང་དག་པའི་འཚོ་བ་ཞེས་བྱའོ། །བྱང་ཆུབ་སེམས་དཔའི་ཡང་དག་པའི་
D91.044.0239a06.01འཚོ་བ་ཞེས་བྱ་བ་ན་གང་སེམས་ཅན་ཐམས་ཅད་ཀྱི་འཚོ་བ་ཡོངས་སུ་དག་པར་འགྱུར་བ་སྟེ། འཚོ་བ་ཡོངས་སུ་དག་པ་དེ་ལ་ཧ་ཅང་ཡང་འདུད་པར་ཡང་མི་བྱེད། མི་འདུད་པར་ཡང་མི་བྱེད་ལ། འཚོ་བ་གང་གིས་བདག་གི་དོན་དང་གཞན་གྱི་དོན་དང་། ཆོས་ཀྱི་དོན་ཡོངས་སུ་རྫོགས་
D91.044.0239a07.01