完整藏文原文 · 德格版页 当前仅加载第 44 函德格 217a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ཉིད་དཔང་དུ་བྱས་ཏེ་ངོ་ཚ་ཤེས་པ་དང་། སངས་རྒྱས་ཐམས་ཅད་མངོན་སུམ་དུ་བྱས་ཏེ་ཁྲེལ་ཡོད་པ་དང་། ང་རྒྱལ་མེད་པས་གུས་པ་དང་། བདག་དང་གཞན་ལ་གདུང་བ་མེད་པས་ངེས་པ་དང་། འཇིག་རྟེན་ཕ་རོལ་དུ་ཁ་ན་མ་ཐོ་བ་ལ་འཇིགས་པར་ལྟ་བས་རྣམ་པར་འཚེ་བ་
D91.044.0217a01.01མེད་པ་དང་། སེམས་ཀྱི་ཡོངས་སུ་གདུང་བ་ཉེ་བར་ཞི་བས་འཁོན་དུ་མི་འཛིན་པ་སྟེ། འདི་ནི་རྣམ་པ་བདུན་ནོ། །རིགས་ཀྱི་བུ་བྱང་ཆུབ་སེམས་དཔའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་སྤྱོད་པ་ཡོངས་སུ་དག་པ་རྣམ་པ་བརྒྱད་དེ། རྣམ་པ་བརྒྱད་གང་ཞེ་ན། འདི་ལྟ་སྟེ། ཟང་ཟིང་མེད་
D91.044.0217a02.01པའི་སེམས་ཀྱིས་ཚུལ་མི་འཆོས་པ་དང་། ཡོངས་སུ་འཛིན་པ་ཐམས་ཅད་འདོར་བས་ཁ་གསག་མེད་པ་དང་། རང་བཞིན་གྱིས་ཆོག་ཤེས་པས་ཐོབ་ཀྱིས་འཇལ་བ་མི་བྱེད་པ་དང་། སྦྱངས་པའི་ཡོན་ཏན་དང་ཡོ་བྱད་བསྙུངས་པས་འཕགས་པའི་རིགས་ཡང་དག་པར་འཛིན་པ་ཡོངས་
D91.044.0217a03.01སུ་རྫོགས་པ་དང་། དགོན་པ་ལ་གནས་པ་རྗེས་སུ་མི་གཏོང་བས་ལུས་ལ་མི་ལྟ་བ་དང་། དམ་པའི་ཆོས་ཡོངས་སུ་འཛིན་པས་སྲོག་ལ་མི་ལྟ་བ་དང་། འདུ་འཛི་སྤོང་བས་གཅིག་པུ་ན་དགའ་བ་དང་། ཁམས་གསུམ་ཐམས་ཅད་ཀྱིས་འཇིགས་པས་ཆོས་ཀྱི་དགའ་བ་ལ་མོས་པ་སྟེ་
D91.044.0217a04.01འདི་ནི་རྣམ་པ་བརྒྱད་དོ། །རིགས་ཀྱི་བུ་བྱང་ཆུབ་སེམས་དཔའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་སྤྱོད་པ་ཡོངས་སུ་དག་པ་རྣམ་པ་དགུ་སྟེ། རྣམ་པ་དགུ་གང་ཞེ་ན། འདི་ལྟ་སྟེ། ཀུན་ནས་མནར་སེམས་ཀྱི་དངོས་པོ་དགུ་པོ་རྣམས་འདུལ་བ་དང་། སེམས་ཅན་གྱི་གནས་དགུ་པོ་རྣམས་
D91.044.0217a05.01ལས་ཤིན་ཏུ་འདའ་བ་དང་། མཐར་གྱིས་གནས་པའི་སྙོམས་པར་འཇུག་པ་དགུ་པོ་རྣམས་ཀྱི་རྩ་བ་ཡོངས་སུ་སྦྱོང་བ་དང་། ཡོངས་སུ་གདུང་བ་མེད་པས་སེམས་ཞི་བ་དང་། སེམས་ལས་སུ་རུང་བས་ཞི་གནས་ཀྱི་ཚོགས་ཀུན་ཏུ་ཚོལ་བ་དང་། ཆོ་ག་དང་ཚུལ་ཁྲིམས་དང་ལྟ་བ་
D91.044.0217a06.01ཉམས་པ་ལས་ཤིན་ཏུ་འདས་པས་མི་ལྷོད་པ་དང་། ཐེག་པ་ཆེན་པོ་ཡོངས་སུ་རྫོགས་པས་སེམས་ཅན་ཐམས་ཅད་ལ་མི་སླུ་བ་དང་། ཚུལ་ཁྲིམས་ལ་སྐྱོན་མེད་པས་ཤིན་ཏུ་མཐར་ཐུག་པ་དང་། ཡོངས་སུ་བསྔོ་བ་ལ་མཁས་པས་སེམས་ཕྱད་པ་སྟེ། འདི་ནི་རྣམ་པ་དགུའོ། །
D91.044.0217a07.01