完整藏文原文 · 德格版页 当前仅加载第 44 函德格 232a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཕན་ཚུན་འཕྲོས་པར་ཡང་མི་ཤེས་ལ་སྤྱོད་པ་དེ་ཡང་ཀུན་ཏུ་སྟོན་པ་དང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་དག་ཇི་ལྟར་རིན་པོ་ཆེའི་ས་གཞི་འམ། ཙན་དན་གྱི་ས་གཞི་འམ། སྤོས་ཀྱི་ས་གཞི་འམ། མེ་ཏོག་གི་ས་གཞི་འམ། ནམ་
D91.044.0232a01.01མཁར་གྱུར་པའམ། ཆུས་ཡོངས་སུ་གང་བའམ། མེས་ཡོངས་སུ་གང་བའམ། རིན་པོ་ཆེ་ཐམས་ཅད་ཀྱིས་ཡོངས་སུ་གང་བར་གྱུར་ཅིག་ཅེས་དེ་ལྟར་བྱིན་གྱིས་བརླབས་ན་ཡང་དེ་འདྲ་བར་གནས་པ་དང་། དེ་བཞིན་དུ་བྱིན་གྱི་རླབས་ཐམས་ཅད་ཀྱིས་གང་ཇི་ལྟར་བྱིན་གྱིས་བརླབས་པ་
D91.044.0232a02.01དེའི་དེ་དེ་ལྟར་འགྱུར་བ་དང་། དེའི་སེམས་བསྐྱེད་མ་ཐག་ཏུ་བྱིན་གྱི་རླབས་ཐམས་ཅད་དེ་བཞིན་དུ་ཀུན་ཏུ་གནས་པ་ཡིན་ཏེ། རིགས་ཀྱི་བུ་བྱང་ཆུབ་སེམས་དཔས་དབང་བཞི་པོ་འདི་འཐོབ་བོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་རྫུ་འཕྲུལ་གྱི་རྐང་པ་བཞི་ལ་གནས་པ་ནི།
D91.044.0232a03.01ཕྱོགས་བཅུའི་སངས་རྒྱས་བཅོམ་ལྡན་འདས་རྣམས་དང་ལྷན་ཅིག་ཏུ་གནས་ཤིང་འདུག་ཅིང་གཏམ་ཟེར་རོ། །དེ་བཞིན་དུ་ཚངས་པ་ཐམས་ཅད་དང་། བརྒྱ་བྱིན་ཐམས་ཅད་དང་། འཇིག་རྟེན་སྐྱོང་བ་ཐམས་ཅད་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་།
D91.044.0232a04.01ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་ཐམས་ཅད་དང་ལྷན་ཅིག་ཏུ་གནས་ཤིང་འདུག་སྟེ་གཏམ་ཟེར་རོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་དེའི་རྫུ་འཕྲུལ་གྱི་རྐང་པ་དེ་དག་ཤིན་ཏུ་ཡོངས་སུ་སྦྱང་བ་བྱས་པའི་ཕྱིར་རོ། །དེ་ལ་རྫུ་
D91.044.0232a05.01འཕྲུལ་གྱི་རྐང་པ་རྣམས་ཀྱི་ཡོངས་སུ་སྦྱང་བ་གང་ཞེ་ན། འདི་ལྟ་སྟེ། ལུས་ཡང་བར་བྱ་བའི་ཕྱིར་བླ་མ་དང་སྦྱིན་གནས་རྣམས་ལ་ལྡང་བ་དང་། རིམ་གྲོ་བྱེད་པ་དང་། གུས་པར་སྨ་བ་དང་། ཕྱག་འཚལ་བ་དང་། ཐལ་མོ་སྦྱོར་ཞིང་འཐུན་པར་བྱེད་པ་དང་། ངག་ཡང་བར་བྱ་བའི་ཕྱིར་
D91.044.0232a06.01བཀའ་བློ་བདེ་ཞིང་འཐུན་པར་འཛིན་ཏེ། ཇི་སྐད་སྨྲས་པ་དེ་བཞིན་དུ་བྱེད་པ་དང་། སེམས་ཡང་བར་བྱ་བའི་ཕྱིར་ང་རྒྱལ་མེད་པ་དང་། ཞེ་འགྲས་པ་མེད་པ་དང་། བླ་མ་ལ་རིམ་གྲོ་བྱེད་ཅིང་གུས་པ་དང་། འདུད་པ་དང་། རབ་ཏུ་འདུད་པ་དང་། སེམས་ལས་སུ་རུང་བ་དང་། སེམས་
D91.044.0232a07.01